ادينى مطوة وانا أحارب بيها العدى !!!!!!!!!
 

ادينى مطوة .. ايوة مطوة ان عز عليا البندقية فأفتدى :d
حان وقت الجهاد .. كم سكتنا .. كم صمتنا .. والآن هل نسكت ؟؟ هل يعلو صوت على صوت الجهاد؟؟؟
هاهم شباب الأمة يحتشدون .. لقد طفح الكيل ولن يعد هناك مكان لإحتمال الإحتلال أكثر من هذا ..
ذهب شاب يافع لوحدة عسكرية يطالب بالسلاح !!!
قالوا له: ليه يا ابنى؟؟؟
قال : سمعت ان اليهود هيحاربوا المصريين
الشاويش : يا نهار ابيض . . معقول الكلام ده؟؟؟
رد : ايوة .. انا سمعت انهم احتجزوا ناس والناس بتعيط فى التليفزيون بيقولوا الحقونا هيموتونا !!!!!
الشاويش : نهار أبوهم مش فايت .. ده احنا هنفرمهم فرم .. هنطحنهم طحن ...هم أد مصر وجيش مصر
الشاب المصرى : ياعم بلاش تضييع وقت .. ادينى سلاح وابعتنى على سينا ...
الشاويش : يعنى انت متأكد م الكلام ده؟؟؟
الشاب: ياعم سمعتهم بيستنجدوا فى التليفزيون هيكون من مين يعنى ياعم؟؟؟؟؟؟؟؟؟
الشاويش :حيث كده بقى أتصل ع الإدارة أتأكد ..
الشاب : ضيع وقتنا بقى فى الفاضى ..!!!!!!!!
لو مش اديتونا سلاح هنحارب بالسيوف بالمطاوى بالشوم حتى .. مش هنسيب حقنا كفاية لحد كده
الشاويش : آلووو .. أيوة يا فندم .. اليهود حجزوا مصريين وهجموا على سينا يا باشا؟؟؟؟
أيوة يا باشا شاب جانى هنا وقال سمعهم بيستنجدوا فى التلفزيون وبيقولوا الحقونا ..هيموتونا
-مين؟؟
-مين؟؟؟
-مش معقول .؟؟؟
-الموضوع ده فيييييييييين؟؟؟؟؟؟؟؟
الجزائر؟؟
الشاب : جزائر ايه بس يا عم انت ؟؟؟
الشاويش : ايوة يا ابنى للأسف الشديد والمهيب انت فهمت غلط .. الحكاية دى لمصريين ف الجزائر مش هجوم من اليهود ..
الشاب فاتحاً فاه طب والعمل دلوقتى ؟؟
خلاص ادينى مطوة وانا أحارب بيها العدى !!!!!!!:angry2:

دائماً ما نسمع من اخواننا العرب كلام وكلام
دائماً ما يتشدقون..
يتفهيقون ...
يتكلمون ....
يتناوشون ...
فيما يبدو يستعرضون ...

لكنهم الآن يشحذون الهمم .. ويؤكدون ..
ويعلنون الجهاد بقوة وبكل مكان يتحدُون .....
اذن لماذا لم يحشدوا هذه الهمم لنصرة فلسطين؟؟؟
لماذا لم نسمع منهم جمع 2 مليون مواطن للجهاد بفلسطين بدلاً عن جمعهم لمباراة فاصلة ومعركة مفتعلة ..
فيما يبدو ان مثيريها أثاروها لصالح الصهاينة ..

لصالح مين ما يحدث؟؟؟
لصالح مين اعلان الجهاد ضد المصريين :(
فهل تتم محاسبة صحفيى الجزائر على أكاذيبهم؟؟؟؟:slap1qk6:

موضوع رائع وياريت الناس تتعلم
بس لي ملاحظة فئة الصحافيين فوق القانون ولا احد يحاسبهم وهم يحاسبو الجميع وده اختراع لبناني مصري مشترك
والصحفي الان عند اي مسؤل اهم من رئيسه والمذيعين على الفضائيات كمان بقوا مراكز قوى غير مسئولة

وعليكم السلام ورحمة الله وبركاته
هى فعلا "صحافة الكذب " ...
وليس من العرب فائز فى هذه المعركة التى جميعنا فيها خاسر ...وليس من مستفيد سوى العدو الصهيونى ...
وحسبنا الله ونعم الوكيل فى محركى الفتن ومشعلى نار الفتن ...

اللهم بعزتك وقدرتك وجلالك أن تنصر مصر على كل ظالم ومن كل ظالم ...
اللهم آمين

ياريت بلطجية الجزائر كانوا يعملوا كده مع الصهاينة ... كنا شجعناهم ووقفنا معاهم ...
انما يوجههوا أسلحتهم وبلطجتهم للشعب المصرى المسالم المتحضر فهذا العجب العجاب !!!!!!!!!
شكراً لمرورك الكريم ورأيك الجميل

نحن مع عدم معاقبة الصحافى حينما ينشر الحقائق .. هنا يجب حمايته من البطش والحبس
لكن حينما ينشر الأكاذيب ويثير الفتن بالباطل فهنا تجب محاسبته ...
ومن العجيب أن مراسل جريدة الشروق الجزائرية التى أثارت الفتنة مبكراً .. وسبق لموقعها الإلكترونى نشر سخرية من المصريين بتحريف سورة يوسف ... هذا المراسل هو رئيس تحريرها وهو مازال مقيم بأحد فنادق القاهرة حتى الآن !!!!!!!!!!!!
كان علينا الغضب مبكراً جداًً ... كان علينا الإحتجاج مبكراً جداً ...
حين انتكهت حرمة القرآن ..
كان علينا الوقوف وقفة كبيرة تليق بحرمة ما حرفوه وقالوه عنا تحريفاً لسورة يوسف .. لكنا لم نحرك ساكن
حين حرق علم مصر ...
لكنا لم نحرك ساكن وكما اعتدنا لا نحرك ساكن إلا بعد وقوع الكارثة !!!!!

موضوع حضرتك جميل
بارك الله فيكى

وبارك في حضرتك
نورت الموضوع وشكراً لمرورك الجميل

انا عايز افهم يعني حضرتك بتتريقي؟
يعني غلط اننا ندافع عن المصريين اخواننا؟
سواء المعتدي جزايري اسرائيلي امريكي اندونيسي ملناش دعوة .. هو احنا انكتب علينا ننضرب من العرب و و بعدين ندافع عنهم و نخرج من الحروب متدمرين اقتصاديا و نبقى فقراء و العرب بيبيعوا و يشتروا فينا؟
و فعلا الحكاية تغيظ اكتر لما يكون الاعتداء من دولة تافهه حقيرة ندوس عليها برجلينا زي الحشرة و مع ذالك بنهدي نفسنا و نقول هيروحو من ربنا فين؟
هل كده تتصوروا اننا ممكن نبىق اقوى دولة في العالم .. الردع عامل رئيسي عشان نبقى دولة قوية .. النظام العالمي على رأي القرموطي لما حط الجزمة و قال هو ده النظام العالمي الجديد.

الغلط أننا لم ندافع من البداية .........
الغلط عدم ذهاب جمهور الكرة الحقيقى وحمل الممثلين والفنانين والمغنيين مجاناً بدلاً عن الجمهور البسيط الذى كان سيقف ويدافع عن كرامته وكرامتنا.......
الغلط أن تتأخر الأعلام المصرية والجماهير المصرية حتى اللحظات الأخيرة من بداية المباراة بينما غيرنا ذهب قبلنا بيوميييييين ووزع الآف الأعلام وشحذ عشرات الطائرات وآلاف مؤلفة من المشجعين ببلاش !!!!!!! بينما تم اهداء الرحلة للغلابة الفنانين !!!!!!!!!
الغلط أن نعلم بالنية المبيتة والتى لم يخفها بلطجية الجزائر وأعلنوها مراراً وتكراراً ومع ذلك لا نؤمن أنفسنا ولا مشجعينا !!!!!!!!!
الغلط أن يتم ازعاج فريقنا لديهم ليلة المباراة ويتم تسميم ثلاثة من البعثة على رأسهم حسن شحاتة نفسه ولا يتم اتخاذ اى مواقف ايجابية بل يأتى البعض ليقول:"انه تم استقبالى بالجزائر استقبال لم ولن أستقبل مثله بمصر!!!!!!!! "
الغلط أننا لا نحاسب المخطىء عندنا كما تجب محاسبته ولن نحاسب المخطىء كما يجب ولا نتعلم من أخطائنا ....

أخى الفاضل ياريت تراجع الموضوع وتفهم قصدى كويس
شكراً لمرورك الكريم ....

صحافة الجزائر من بعد الماتش وهى عمالة تروج إشاعات على مصر
وعلى اللاعيبة وعلى الفنانين
وكمان دلوقتى بتقول حرب وامريكان وصهاينة
ايه اللى هما فيه ده؟؟؟
ميرسى بجد أباة هدى على الموضوع
ونايس أوى عنوان التوبيك

ما شاء الله
 

على الاسقاط الرائع
والقاء الضوء بتركيز وتلخيص
لما حدث فى مبارة بين اشقاء
وان كنت ارى ان دور الاعلام العربى
بصفة عامة تراجع كثيرا عن دوره بل
وتسبب بشكل مباشر فى تلك الازمة
التى افتعلها لتكون هناك مادة اعلامية
ساخنة .