|
يافضحتنا ع الفضائيات
السلام عليكم ورحمة الله وبركاته أنا قلت المنتدي كله بيعمل مواضيع اشمعني أنا :p ((طبعا لازم لما نشوف اي حد جزائري نموته ونقطع علاقتنا بيهم حساله المجتمع دول اللي افضالنا مغرقهم ومع ذلك مش معترفين بالجميل لازم نولع فيهم وفي علمهم ونطرد السفير ونتحد كدا ونوريهم شغلهم وقبل ما الجزائرين يمشوا من مصر لازم نشرحهم هو اللي حصل شوية ولا احنا اصلا شوية في البلد وتولع العروبة واللي عملها ...)) ع فكرة دا مش كلامي دا كلام معظم الشعب المصري المتعصب اللي عشان ماتش كورة ممكن يشتم ويعمل ... وطبعا المصريين مش كدا اصلا ... لما كنا بنأخذ تاريخ...... الاستاذ بيقول: يا جماعة الحرب دلوقتي مش حرب عسكرية الحرب اوسع من كدا فيه حرب ثقافية وفكرية واقتصادية ... زمان مكنش فيه حاجة اسمها مصري او جزائري او فلسطيني كنا عرب نتبع الاماراة الاسلامية لما ضعفنا تمكنا الاعداء مننا فالقوي يلتهم الضعيف ويصبح لقمة صائغة في يده وجعل العرب اكثر تمزق وتمزق اقطتعوا وجزءوا الوطن العربي.... وعملوا حدود بين البلاد وسموا العرب باسماء مختلف انت مصري ولازم تفتخر بالفراعنة بتوعك وانت لبناني ولازم تفتخر بحضارتك كدا بقي كل واحد في وادي بس اللي بقي يجمعهم الدين واللغة والتاريخ المشترك لما حولوا يلموا شملهم الاعداء قالوا :لا نعمل ايه .. نعمل ايه ياريت نفرقهم داخليا .... نعمل فتنه طائفين بيهم في مصر نفرق بين المسلمين والمسحين وبكدا هنشغلوا عن عدوهم الحقيقة ويحربوا برده تخلص طاقتهم وهم هيقضوا ع نفسهم بنفسهم وبكدا ينتهي المصريين ومصر دا تعتبر ثروة عظيمة لازم نقضي عليهم المصريين قالو ا:: لا والف.... لا احنا اخوات مش بتفرق الديانة بينا . ...نروح للمغرب . . ويقولوا لهم :: انتم عرب وفيه ناس معاكم بربر ازاي تستكوا ع كدا البربر انتم احسن منهم ..بس برده فشلوا وحربوا الاعداءوانتصروا عشان وحدتهم بس راحوا عند لبنان ونجحوا في التفريف بين الدروز والمسلمين والشيعة والسنة عشان كدا مش قادرين يتحرورا لحد دلوقتي ..!! وسوريا ... واليمن ... نيجي للجزائر اولا الجزائر دي مش مجرد بلد اللي بيربطنا بيهم اكثر من كدا بكثير دي دولة معظمها مسلمين زينا والقرآن اللي عندهم هو نفسهم اللي عندهم ازاي تتخيل انك ممكن ترفع سلاح ع مسلم زيك ازاي!! قال الرسول (صلي الله عليه وسلم)::"كُلُّ الْمُسْلِمِ عَلَى الْمُسْلِمِ حَرَامٌ دَمُهُ وَمَالُهُ وَعِرْضُهُ" انا عارفهم ان بعضهم كانوا همج وضربوا المصريين بس الناس الثانية اللي مش ليهم علاقة ليه نأخذهم بذنبهم ليه !! انا عارفة كويس ان المصريين اتهاونوا انا قلبي بيتقطع اكثر منكم بس مين اللي عمل كدا لما تلاقي الشعب الجزائري بيحب المصري مش كلامي كلام ناس كثير عايشين في الجزاير وتلاقي جريدة زي الزفت الشروق بتتكلم عن الجثث واشاعات مغرضة وياريت كدا وبس الحكومة كمان بتشجعهم اللي بيحصل كدا مش في مصلحتنا كمسلمين اللي بيحصل دار تدمير لينا كلنا عايزين مش نفكر في اللي بيحصل في فلسطين .. من اول يوم السبت اللي فات وكل الصحف بتتكلم ع المباراة ولا حد جاب سيرة فلسطين احنا عمالين نشوف الفلسطيين بيدبح فيهم ع شاشات التليفزيون ومحدش ولا اتجمع ادام السفارة اليهودية ولا حتي طالب بطرد اليهودي دا من مصر عندنا بضائع يهودية في بلدنا ومحدش برده طاالب بمنعها مع ان دا هو عدونا الحقيقي ... اشمعني دلوقتي بتكلموا عشان فيه ممثلين ولا عايزين يشغلونوا عن حاجات مستخبيه سواء في مصر او في فلسطين وبصراحة هم نجحوا فعلا بدليل مواضيع معظم الاعضاء وردودهم وكمان التوقيع ليه مش عارفين عدونا الحقيقي ليه!! ... ::::::::::::::::::::::::: القومية العربية فيه ناس بتقول بلا قومية بلا بتاع .. من دلوقتي هبقي مصري بس يافرحتي بيك ... بجد بقول لليهود مبروك عليكم الانتصار ومبروك علينا فضحتنا اللي بقت بجلاجل لما كنا في حرب 73 مش كنا بنحارب لوحدنا كان كل العرب مسلمين ومسحين بيحاربوا .. انتصارنا عليهم عشان القومية العربية هواري بو مدين (رئيس الجزائر) لما الاتحاد السوفيتي رفض يدينا سلاح هو دفع فلوس السلاح عشان مصر الدول العرب منعت تصدير البترول لاي دول تتعامل مع اسرائيل اثناء الحرب عشان كدا الدول الاجنية رفضت للطيران الامريكي او الاسرائيلي ان يبقي في بلدها خوف من العرب من قوة العرب .. فالذئب لا يأكل من الغرب الا القاصية في أمان الله |
و الله انا مش عارفة اقولك ايه
كل كلمة كتبتيها صح و انتي قولتي وجهة نظري بالظبط بس بتوسع اقتباس:
كلنا عارفينه و عارفين خططته انه يفككنا من بعض عشان يخلينا ضعاف انه عايز يغمسنا في تفاهات الدنيا و يبعدنا عن الدين و مبادئه و القيم و الاخوة بس ناسيين و مش هنفتكر غير لما تحصل كارثة و كل واحد يقول يالا نفسي ربنا يهدينا و يبعد عن العرب الشبهات و يفوقوا بقى ميرسي يا قمر بجد موضوع رائع |
اقتباس:
والله يابنتي انا خايفة من التعصب الزايد دا اننا نخسر كيانا انا بجد حزينة ع اللي بيحصل للمصريين وكمان منكادة من المتعصبين الجزائريين بس فيه ناس جزائريين مش ليهم ذنب زي بعضوا المصريين اللي مش ليهم ذنب وعمالين يعملوا ثورة ما بينا وهم اللي بيضحوا في الاخر ربنا يهديهم يارب نورتي ياقمراية |
موضوعك جميل وعاقل و زى الفل بس خلينا نتكلم بعقل و حكمة مبدأياً هما مش هيعتزروا على أى حاجة لأنهم بيكدبوا الكدبة و بيصدقوها تانى حاجة الناس اللى قالوا لو شفنا واحد جزائرى فى الشارع هتطلع عين اللى جابوه ده مش هيحصل و أنا واحدة منا للى قالوا كده مش علشان ساعتها هنخاف بس علشان مفيش واحد جزائرى خايف على نفسه هيفضل فى مصر و اللى موجودين دلوقتى جزائريين معظمهم يا والدهم يا والدتهم جزائريين يعنى مصريين جزائريين بالنسبة للقومية العربية اللى بتتكلمى عليها .. إحنا مش ناكريين فضل الجزائر علينا فى حرب اكتوبر بس ده خلاص انتهى زى ما هما نكروا جميل عبد الناصر عليهم إحنا هنفتح صفحة جديدة معاهم و هتكون صفحة سودا و هما اللى عايزين كده إحنا كنا كويسين معاهم لآخر لحظة و لعلمك حتى لو المنتخب التعبان بتاعهم ده ماكسرش الاوتوبيس اللى كانوا فيه و عملوا نفسهم متعورين و حكومتهم مقالتش إشاعة الجزائريين المقتولين كانوا برده هيحرقوا العلم المصرى و يدوسوا عليه برجليهم و كانوا هيجيبوا بلطجية و رد سجون علشن يضربونا دى مجرد حجج فارغة زى ما بيقولوا دى وصلت بيهم السفالة غنهم فى المدرجا يشاوروا بإيديهم بشكل قبيح و يقلعوا ملابسهم !! دى وصلت إنهم يتحرشوا ببناتنا و يخلوا واحدة تقلع التى شيرت بتاع مصر علشان مايقتلوهاش!! دى وصلت إننا يشتمونا بالأم و بالدين و يشوهوا فريقنا بأى كلام !! دى وصلت إنهم دلوقتى بيتصلوا بالمصريين و يهددوهم بالقتل و يدخلوا مواقع مصرية و يحاولوا إختراقها و الأفظع من كده إنها وصلت فى مدرجات الملعب يحروقوا الإنجيل !! .. و شفتها بعينى وا لله العظيم .. إزاى يعنى !! عايزين من كده إيه ؟؟ .. رغم كل المشاكل اللى بتحصل بين المسلمين و المسيحين فى مصر بس يستحيل يقدروا يفرقوا بينا بالطريقة الواطية دى .. شىء مؤسف بجد تخيلى شعب بأكمله مجرم إزاى عايزة تقنعينى إنه ممكن يغير فكرته عن اللى بيعمله .. إزاى حكومتهم تقنعهم بكل الآدلة إننا قتلنا و كسرنا فيهم و هما يقولوا آمين دا إحنا لو الريس عندنا عطس بنقول عطس ليه و بنحلل عطسته :d ماعندهمش عقل :bosyht9: دى وصلت إنهم يكسروا فى شركات مصرية عندهم و يا ريت كسروها و بس دول مش طلعوا مجرمين و رد سجون سفلة بس دى وصلت إنهم حراااااااااامية و مفيش حد بيمنعهم من التخريب و ده دليل قاطع على إتفاق حكومتهم معاهم فى حين إننا هنا بنتظاهر لطرد السفير بتاعهم و عاملين عليه حراسة مشددة كل ده علشان إشاعة قتل 8 من عندهم!! دول معملوش كده لما مليون ونص واحد ماتوا و إستنجدوا بينا علشان نساعدهم !! .. ال8 هما اللى خربوا الدنيا!! إحنا لو مات عندنا 8 بنقول كمان كمان:d( عالم مخها مفكوك ) أنا بجد اول مرة احترم حكومة بلدى .. عارفة لو كان جمال مبارك ساب الحرس بتاعه فى الماتش يخلص على مجرمين الجزائر كانوا عملوها ( الحراسة اللى كانت معاهم دى أقوى ناس فى مصر تبع المخابرات واحد منهم ممكن يكسر حيطة لوحده ) بس هما طلعوا ناس حكيمة فعلاً و عارفين لو عملوا كده هتحصل مشاكل لا حصر لها لما يحطوا حراسة على السفارة ده بيبين غننا شعب محترم و حكومة كويسة لإننا برده مش هنقبل إن واحد سواء سياسى او غيره يتهان فى بلدنا .. و إحترامنا ليه ده هيكون فى صالحنا إحنا مش بنحرسه علشان جمال عنيه دا علشان مصلحتنا إحنا الدنيا ماتسواش لما تلاقى واحد المفروض إنى بسميه اخويا و يقولى هدبحك !! فين قناة الجزيرة اللى كانت دايماً بتطلع مصر دولة بنت ستين فى سبعين ؟؟ فين السبق الصحفى بتاعها ؟؟ .. ولا هو عداء لمصر وخلاص!! اللى بيحصل ده مفيش واحد فى مصر مش عارف غنا لحكاية دى وراها إسرائيل .. بس مش معنى كده إنا لجزائريين مش غلطانين صعب إنك نفهميهم إن حكومتهم ضحكت عليهم .. اللى معصبنى جداً منا لحكاية دى إنى فكرت أدخل منتدى جزائرى و افهمهم اللى بيحصل لقيت واحد مصرى مكلمهم بهدوء و إحترام و رغم كده شتموه بألفاظ زبالة زيهم إحنا مش باقيين على حد و زى ما قال علاء مبارك من هنا و رايح اللى هيكون معانا أهلاً و سهلاً بيه و اللى مش معانا مش عايزينه .. لازم نبص لنفسنا بقى و كفاية إهانة للمصرى جوا و برا مصر كفاية كده بجد اللى عايزه اوضحه من كل ده إنهم مش بيفهموا إلا اللى حكومتهم تقولهم عليه .. تخيلى إنتى حكومة و شعب نصابين .. بجد الحمد لله على حكومتنا وعلى شعبنا على الأقل لو حكومتنا فكرت تضحك علينا إحنا بنكشف ده .. لكن هما زى الحمير بالظبط يمين يمين شمال شمال صدقينى أنا بعد كل اللى حصل ده و نفسى إن المشاكل اللى بينا دى تخلص بس ماينفعش إحنا اللى نبدأ و نهين كرامتنا هما مش فاهمين و مش عايزين يفهموا لإن البديهى واجد جزائرى هيصدق حكومته ولا هيصدق واحد مصرى ؟؟!! إسرائيل بالفعل نجحت فى إنها تفرقنا أكتر ما إحنا متفرقين بس قدرت تجمع شعب مصر كله رئيس و حكومة و شعب فى شىء واحد ضد أى إهانة لأى مصرى زمان كان عبد الناصر لما يسمع إن مصريين حصلهم حاجة فى أى بلد كان حله هو الضرب علشان يبين إن المصرى كرامته أغلى من اى حاجة و إحنا بقالنا سنين بناخد على قفانا و نقول أصلهم إخواتنا .. لا معلش لازم يكون فى رد حازم من كل الجهات و أولهم الشعب إننا نقاطعهم و نعرفهم مين هما المصريين اللى ربنا ذكرهم فى القرآن |
العدو الحقيقى لمصر هم العرب وتحدى وشوفوا بنفسكم وبلاش شعارات وكلام عن المبادىء لان فى البلاد العربية بيقولوا علينا هطل بسبب الكلام ده
|
السلام عليكم ورحمة الله وبركاته
لا حول ولاقوة إلا بالله العلي العظيم هكذا تفعل الدنيا بأهلها إنا لله وإنا إليه راجعون |
الله ينور عليك . هو ده الكلام بس برده لازم تعرف ان المتعصبين الجزائريين زودوها قوي واللي عملوه اكتر بكتير من مباراة كرة
|
بارك الله فيكم جميعاً هذا كلام العقل
الأن لتعرفوا لماذا هذا الرأي لكم هذا الموضوع حملة "لا للتعصب لا للجاهلية الأولي" |
اقتباس:
طيب ياحبيبتي قلبي تعرفي انا كنت انا وخالي بنتفكر ع قناة جزائرية وبسأله هما قالوا ايه عن مصر .. قالوا ان دي مجرد أكاذيب الحكومة مطلعها يعني فيه ناس في الجزائر مش تعرف الحكايات اللي بتحصل لانهم اكيد مش هيفضحوا نفسهم :angry2: اقتباس:
هو دا الغلط بعينه ياروحي اننا نأخذ العاطل في الباطل هم ذنبهم ايه ...!! زي ما برده ذنب ايه المصريين اللي في الجزاير من ناس بتوع كورة متعصبين ...رمه مش عندهم دم !! مش ليهم ذنب ... بص من الاخر دلوقتي انت مضايقة وبتقولي هقطعهم فعلا عشان قرأتي عن الضرب اللي اتعرض ليه المصريين وشفتي فيديو هم بقي قرأوا عن الجثث ياريت كدا وبس الشروق دي مش راضية تبطل والله العظيم لو دخلت الموقع الالكتروني للجريدة مهزلة مهزلة بجد بيشتموا في المصريين ويقولوا عليهم حاجات غبيه بس كل الحاجات دي ياروحي مدبرة وناس ورا كل الكلام دا اسرائيلين عايزين يشغلونا اقتباس:
انت ليه مش قادرة تفهمي انه ولا من مصلحتنا ولا من مصلحة الجزاير اللي بيحصل دا ... وانت واخده فاكرة عن الجزاير من الاعلام بس مع انهم قلة مش كل الجزائريين صدقني احنا مفروض نتجمع ونتحد عشان الناس اللي مش ليهم ذنب حرام المصريين اللي عايشين في الجزاير من حبا في سوا عيون الجزاير ولا حتي عشقا في الغربة اللي عايشين هناك عشان يجيبووا لقمة عيش بدل اللي مش لقينها في مصر احنا عمرنا ما هنحس بيهم تفتكري لو جم مصر هيلاقي شغل كان غيرهم اشطر ... والناس اللي فاتحه بيت واسرة هيدمر كل حاجة!!! اقتباس:
صحيح هستغربي اني لسه بقول كدا مش انا اللي بقول ناس كثير عايشين في الجزاير مصريين لو مش كانوا بيحبونا اكيد مش هيتجوزوا من عندنا ولا حتي واحد جزائري يتجوز مصرية بينا روابط كثيرة عشان كدا الحكاية دا مدبرة علي اعلي مستوي دا غير الحاجات اللي لسه بتتقالهم واحنا مش نعرفها لو تلاقي الاعلام عمال يبخ سم في ودنهم تفتكر هم كمان هيطبطبوا علينا أكيد *لا* احنا منفعلين عشان ناس مجروحة وهما كمان مصدقين حكاية الجثث لان اللي ناشر الموضوع صحيفة الشروق اللي زي الاهرام كدا اللي معظم طوائف الشعب بيصدقها تصدقي في جريدة مش فاكرة ايه ناس بتكتب تعليقات عن الاخبار اللي زي كدا فواحد جزائر بيقول ما انتم كمان عملتوا وعملتوا وعملتوا واحنا نقول انتم عملتوا وعلمتوا وعملتوا دا كله مدبر والله مش ممكن الحاجات اللي بينا تضيع في لحظة الموضوع اكبر من الجزاير واللي فيها دى وصلت إننا يشتمونا بالأم و بالدين و يشوهوا فريقنا بأى كلام !! دى وصلت إنهم دلوقتى بيتصلوا بالمصريين و يهددوهم بالقتل و يدخلوا مواقع مصرية و يحاولوا إختراقها و اقتباس:
ال حكومة ال الحكومة في الجزاير اقل سلطة ع فكرة ومين اللي قالك اصلا ان الحكومة بتعمل كدا ولا بتحاول تكذب ابدا ابدا قعدت اتفرج ع نشرة جزائرية ولا جابوا حاجة عن اللي بيحصل اصلا يعني بيضللوا الناس وخلاص اقتباس:
فيه ناس جزائريين كويسين جدااااا وبرده فيه ناس مصريين معندهمش دم وناس جزائريين مش متربيين ومصريين في قمة الاخلاق في كل مكان الحلو والوحش عبنا اننا نعمم دلوقتي انت مضايقة عشان البنت اللي قلعت التشرت الاحمر هم عندهم بيقولوا واحدة مصريات طلبت منها خلع ملبسها بالكامل!!! طبعا كذب وربنا هيحسبهم بس اكيد هما كمان متعبين مننا عايزة اقلك يعني ان الحرب بتدار ع مستوي عالي اووي مش مجرد جزاير ومصري فيه حاجة في الموضوع السم بيتبخ في ودن المصريين والجزايريين اقتباس:
دا احنا مش عملناه ياحاجة مع اليهودي اللي في بلدنا نعملها مع واحد مسلم عربي!! دا احنا مقطعناش الصهيانة اللي بيدبحوا في اهالنا نعملها ممع واحد مسلم عربي !! اقتباس:
لان الحكومة عندنا مش بتسأهل كل همها اننا ننشغل باي حد بدليل لما المنتخب الوطني بيلعب راح الريس شجعه لما 1000 واحد ماتوا في العبارة الريس ولا عبرهم .... بطاله منتشرة في البلد ومع ذلك محدش اتكلم لما 20 واحدة يعملوا مظاهرة عشان غزة يتحبسوا ولما يعملوا مظاهرة عشان الكورة عادي ...!! اقتباس:
انت بتصدقي ياروحي ... ميقدرش ياجميل ... ممكن يتقال عليه نجل الريس يستغل سلطته... حاجات غريبة ... اقتباس:
بجد مش ينفع اللي احنا فيه كدا كفاية حرام والله اقتباس:
اقتباس:
اأكيد مش اتفرجتي ع الجزيرة ياحبيبتي بتقول مصر بتهجس وبتدعي وبتجيب ناس بتقول كدا ع فكرة واحد مشروع بين مصر والجزاير بداية لمشروع للتنقيب ع الغاز الطبيعي وفيه شركة قطرية يهودية عايزة تأخذ المشروع كدا الله اعلم الكلام دا صح ولالا اقتباس:
ياريتنا فاهمين الحكاية دي مكنش دا كله حصل اقتباس:
اقتباس:
انت دخلتي ع منتدي واحد ودا لا يعبر اطلاقا عن الشعب الجزائري انا دخلت ولقيت واحد جزائري بتكلم بهدوء بيقولوا ياجماعة مينفعش الكلام اللي بيحصل بين المصريين والجزايريين في المنتدي احنا عمرنا ما تعودنا بينكم ع كدا .... اقتباس:
ههههههه الحمدلله ياموها الحمدلله حكومة نهبنا وخربنا ومفلسنا :d الحمدلله انت فاكرة اللي بيحصل مش الحكومة مش وراه يابنتي اصلا الحكومة فرحانة طيب لو انت بتقرائي جرايد هتلاقي ولا جريدة بتكلم عن تلوث مياه النيل ودي قضية مثارة في الوقت الحالي ومفيش ادني اهتمام اصلا كله بيتكلم عن الكورة وفساد فساد وكله مشغول والحكومة تنهب واحنا بنقول كمان كمان زي الحاجة شاهيناز ما بتقول:d اقتباس:
ههههههههه امته كشفناهم دا !! يابنتي احنا اللي بيضحك علينا ومبسوطين اوووي وحتي بنبتسم الابتسام المعهودة:d اقتباس:
اقتباس:
ان شاء الله هيحصل ونرجع مهما حصل اقتباس:
يابنتي اصلا اللي معمول دا عشان الحكومة المصرية تلعب ع العود لوحدها وتبقي هي السيدة مع انهم والحمدلله مخلصينا علينا اول بأول اقتباس:
اقتباس:
بصراحة انا كمان نفسي يرجع حقنا بس لما نفوق ونعرف ان اللي بيحصل دا تدبير كبير والجزائريين كمان يعرفوا كدا ونركز ع الحاجات الاكبر تحرير القدس بجد اكيد هيكون احسن نورتيني ياموها بجد بس ياريت تهدي صحتك بالدنيا ياجميل:d |
اقتباس:
بصراحة ردك دا ان دل ع شيء يدل ع ان اليهود قدروا بفريونا ويبعدونا عن بعد ويمسحوا دماخنا بصي عمرنا ما هننتصر ع عدونا طول ما بنكره بعض اللي بينا اكبر من كدا دا مش شعارات بجد دي حقيقة اللي دمرنا شوية ناس متعصبيين كمان مش كدا غير الناس اللي عمالة تذيع ااشاعات ربنا يهدي نورتيني اقتباس:
فعلا انا لله وانا اليه راجعون نورتني اقتباس:
ما هما هدفهم كدا ان الموضوع يبقي اكبر من كورة قدم ويبقي فرقة ونقسام بس لازم نحارب البني ادمين دول ونرجع احسن من الاول نورتني اكيد اقتباس:
الله يخليك يامستر نورت الموضوع |
انتى رديتى عليا رد عايزله خمسين رد كل حتة تردى فيها بتدخلى فى موال تانى خالص بصراحة مش قادرة أرد بس عايزة أقولك إن الكل عارف إن ورا الحكاية إسرائيل و كلامى على فكرة كان على اغلبية الناس الجزائريين مش كلهم اكيد مفيش مكان كله حلو ولا كله وحش بس أنا إتكلمت على الأغلبية لإن ده اللى واضح جداً لينا و خصوصاً من شباب الجزائر بالنسبة لحكومتنا يمكن هما لسه ما عملوش حاجة و يمكن مش هيعملوا و يمكن زى ما الشروق قالت إن علاء مبارك فال الكلام ده علشان يكسب ود المصريين مع إننا مش هبل لدرجة إننا نغير موقفنا منهم 180 درجة علشان كلام و بس .. رغم كل ده بس أول مرة حكومة و سعب يجتمعوا على شىء واحد و يعترفوا إننا متهانين برا و جوا الجزيرة بقى دى بجد مش طايقة أتكلم عليها .. أنا مش شايفة مبالغة ابداً مننا فى اللى حصل غحنا أغلب اللى بنذيعه فيديوهات إجراما لجزائريين يعنى مش حاجات متفبركة :bosyht9: خلاصة الموضوع تفتكرى إيه الحل للمشكلة .. بلاش نقاطعهم طيب فكرك نروح نقولهم إيه ؟؟ ولا نعمل معاهم إيه؟؟ هنغير تفكيرهم إزاى ؟؟ خلينا نفكر فى حلول و نسيب المشكلة دلوقتى .. تتحرق الكورة على يوم ما دخلت مصر و الجزاير التصفيات :d يلا مستنية منك إجابة صريحة مُريحة :d |
عندك حق والله بس هنعمل ايه بس
موضوعك جميل يا قمر بارك الله فيكى |
اقتباس:
اقتباس:
وبنتمادي ... زي الناس اللي حرقت علم الجزائر احنا مش زيهم عشان نعمل كدا احنا احسن من الحساله دي اقتباس:
بالعكس ياموها الحكومة دلوقتي هي المفروض تتحرك وتعمل كل حاجة والشعب يتفرج :d ع فكرة مفروض يقولوا جمال لان علاء اصلا بره السياسة يابنتي بيعملوا دا كله عشان ننشغل ويقولوا الحكومة دي عظيمة ومش عارفة ايه وننسي السرقة والحاجات اللي بتتعمل في البلد :bosyht9: اقتباس:
عشان عارفين اننا لما نحارب ونتعاون مع اي حد بنضحي بكل حاجة ونشيل رحنا ع كفنا ودا اكيد مش في مصلحتهم اقتباس:
اقتباس:
طيب ممكن مساعدة جمهور الجزاير:d يابنتي اصلا دلوقتي مفروض نبعد ع الموضوع والحكومة هي اللي تدخل وغير كدا مفروض جريدة الشروق دا تتقفل بقي وبوتفليقة يتشال بالمرة :d بجد ياريت فعلا حاجة تتعمل عشان مش هينفع كدا خالص ربنا يهدي ياموها نورتي ياقمراية ;) |
اقتباس:
ربنا يخليك ياروحي ان شاء الله كل حاجة هتنحل نورتي ياقمر;) اقتباس:
|
فلتسقط القومية العربية..........................شوفو موقع الجرائد للهمج دول ...وانتم تعرفو الحقيقة
|
| جميع الأوقات بتوقيت GMT +2. الساعة الآن 07:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.