يلا كل واحد يقولى نفسه يدخل كلية اية ؟؟؟
 

يلا يا جماعة عايزة كل واحد فيكم يقولى:
نفسه يدخل كلية اية ؟
وجامعة اية ؟
ولية ؟
:)

انا بقه نسي حد يقولى ادخل ايه لأنى مش لاقيه اى نفسي فى اى حاجه مفيش كليات جديده
المهم بابا عاوز صيدله وماما عاوزه اى حاجه من الكليات الحلوه
بس انا مش عارفه اساسا انا عاوزه ايه علوم ممكن بس مش اكيد يلا كل محصل بعضه فى الخر هلقى نفسى مش لاقيه شغل

اية ده لية اليأس ده ؟
ماينفعش كده خالص
لازم يكون عندك هدف
وبعدين لية كله محصل بعضه ؟؟؟؟؟؟؟؟؟؟
اكيد مش كده خالص
انتى يا حبيبتى لازم يكون عندك هدف ويكون نفسك فى كلية معينة ولما تدخلى الكلية دى او حتى غيرها لازم يكون ليكى هدف داخل الكلية انك تعملى حاجة مختلفة لخدمة بلدك ودينك مش مجرد خريجة ذى الاف الخريجين اللى بيدخلوا الكلية ويخرجوا منها وما اضافوش اى حاجة ابدا

فكرى تانى
ومستنياكى تقوليلى فكرتى فى اية
بس على فكرة انا مع رأى بابا انك تدخلى صيدلة
معلش بقى لازم اشجع الكلية بتاعتى

لا لا بهزر شوفى اللى انتى عايزاه
بجد مستنياكى تردى عليا تانى

انا بأى دخلت مع اني خلصت ثانوية

بس انا كان نفسي ادخل طب بشري جامعة الاسكندرية

بس ربنا موفقنيش في الثانوية

و دخلت طب اسنان

بس اللي هون عليا اني دخلت جامعة الاسكندرية برده

يللا منك لله قلبتي عليا المواجع

سلام و كل سنة و انتم طيبين

يا دكتور مفيش حد بيأخد اكتر من نصيبه
وبعدين :" عسى ان تكرهوا شيئا وهو خيرا لكم "
ان شاء الله يكتبلك الخير فى اسنان وتلاقى فيها احسن من اللى كنت ممكن تشوفه فى الطب
وبعدين مالها اسنان احسن دكاترة

انا بقا مبحبش احلم علشان بعد كده اندم واقع على جدور رقبتى
خلينا فى الواقع اللى رايده ربنا هوا اللى هيكون واحنا مش علينا الا اننا نادى واجبنا فى المذاكرة وبس
مع انى نفسى ادخل فنون تطبيقيه وبعد كده اقول لا هندسه وبعد كده اقول اعلام حاجة تخنق بصراحة
قل لا يصيبنا الا ما كتب الله لنا

ان شاء الله تدخل الكلية اللى نفسك فيها
بس اهم حاجة انك تعمل كل اللى تقدر عليه وتذاكر كويس
وربنا يوفقك ان شاء الله

لية كده يا اسيل
اية يا جماعة مالكم كلكم يائسين كده لية ؟؟؟؟؟
ونعم بالله طبعا
وكل حاجة مكتوبة
بس احنا لازم يكون لينا هدف فى الحياة عشان نقدر نحققه
وبعدين انتى بتقولى مابحبش احلم عشان بعد كده الحلم مايتحققش
طب احنا ممكن نحلم ونعمل اقصى جهدنا عشان الحلم ده يتحقق ونتوكل على ربنا طبعا
بعد كده لو الحلم مااتحققش يبقى حاجة تانية
ربنا معاكى يا حبيبتى ويوفقك فى دراستك
وفى الكلية اللى تحقق احلامك

انا نفسي في كليه شرطه قسم اداب
هههههههههههههههه


اتكلم بجد
انا اللي يجيبه ربنا كويس
اهو ف الاخر كدا كدا مش حلاقي وظيفة
كله محصل بعضه يبقي احسلي احجز مكان ع القهوة من دلوقتي

شكرا لانك استفزيتي احلامنا
ولو بطلنا نحلم نموت
انا بقى نفسي ادخل الجامعة الامريكية قسم ادارة اعمال

ربنا يكرمك يا " السحابة البيضاء "
اخيرا لقيت حد مش يائس من حياته :D
يارب يوفقك وتدخلى اللى نفسك فيه يارب

بسم الله الرحن الرحيم
انا الحمد لله كان هدفى من وانا صغير خالص انى ادخل هندسة الاسكندريه والحد لله تحقق حلمى
ودخلت ونفسى ان شاء الله ادخل قسم ميكانيكا تحكم ان شاء الله
وشكراا ليكى على الموضوع