بوابة الثانوية العامة المصرية

السلام عليكم ورحمة الله تعالى وبركاته

سيادتى آنساتى سادتى تتشرف قناة ( الشباب والوهم )بتقديم أولى برامجها البرنامج الواقعى اليومى ( أخرتها إيه ؟!)

بطولة :- {إبليس, النفس الأمارة بالسوء,الوهم الأبيض -المخدرات-, مجرد علاقة بريئة , غياب الأسرة , الغضب , الفراغ والمال دون عقل واعى ,........... إلخ }

يقدمه لكم مراسلتنا " لحظة ندم " وسنقوم إن شاء الله بنقل البث لكم من
ثلاث أماكن رئيسية ( بيوت الله , تحت التراب , وراء القضبان )

حرصاً على إفادة مشاهدينا فإن جميع الحلقات حدثت بالفعل .....!!
-ولكن للأمانة قد يكون طرأ على التفاصيل بعض التغيرات بسبب ظروف النقل والتجميع –

والآن نتركم مشاهدينا مع أولى حلقات برنامجنا مباشرةً من بيت من بيوت الله :-
حلقة بعنوان " حفلة رأس السنة "

- كنت رايح يوم أحضر حفلة رأس السنة وما فيها من ( رقص وغناء و.......) مع اتنين من أصحابى فى مدينة غير مدينتنا ولما كنا فى الطريق حصل شىء غريب .........اللوح اللى مكتوب عليها مثلاً (باقى 300 كيلو على المدينة ) أشوفها (باقى 300 كيلو على جهنم )

اللوحة اللى مكتوب عليها( باقى 100 كيلو على المدينة) أشوفها (باقى 100 كيلو على جهنم ) بدأت أقلق سألت أصحابى انتوا شايفين اللى أنا شايفه يقولولى عادى , كل مدى ما المسافة تقرب أكتر لحد
ما صرخت فيهم نزلونى نزلونى , وفعلاً نزلونى , ووقفت على الطريق مدة مستنى عربيى تروحنى لبلدى .... وبعد مدة لقيت عربية سألت السواق العربيات مش بتيجى ليه قالى ان فى حادثة على الطريق شابين فى عربيتهم سمعت منه أوصاف الشابين والعربيةطلعوا اصحابى .....!!!

التعليق على الحلقة :-

أسئلة بس يا ريت إجابة صريحة
1- انت حاسس أد إيه ربنا بيحب الشاب ده ؟
2- لو انت كنت من الشابين اللى ماتوا فى الحادثة تفتكر إيه اللى كان هيحصل ؟
3- انت جاهز انك تموت دلوقتى ؟

انتظرونا إن شاء الله مع ثانى حلقات برنامج أخرتها إيه ؟!

تابعونا فى مشاركات نفس الموضوع ..............

ويا ريت لو حد ينقل الموضوع ده فى أى منتدى بيدخل عليه وينقل المشاركات (الحلقات الجديدة برده ) جزاكم الله خيراً وجعله فى ميزان حسناتكم