يوم 25 -12 القادم يوم فاصل في حياه الكميائيين والعلميين الكل لازم يشارك
 

دة ميعاد الجمعيه العموميه بالنقابه العامه للمهن العلميه ودة يوم لاضراب شامل للكميائيين واخصائي التحاليل الطبيه والعلميين بصفة عامه
(نقابه العلميين )
بالمبنى الجديد بمدينه نصر
يوم الجمعه الخامس والعشرون من ديسمبر لعام 2009
فى تمام الساعه العاشره صباحا بمبنى دار اللعلميين بمدينه نصر امام السراج مول

الحدث هو مصيرى للكميائيين والعلميين
حيث يتلخص هذا اليوم فى انه بدايه حقيقه للتعبير عن قوه العلميين للتعبير والمطالبه بحقوقهم المشروعه
ممنوع الاعذار لاى سبب
مطلوب الاتى
1- كتابه مطالبك كعلمى
2- الاشتراك فى نشر الخبر وتأكيد الحضور من جميع الزملاءفى العمل او اى مكان
3- المساهمه فى تصميم شعارات تصلح كاعلانات تعبر عن لسان حال العلميين
4- الالتزام بالتعليمات النهائيه التى ستخرج فى الايام القليله بشأن التنظيم
5- حضورك اهم خطوه




المشاركين : جميع طلبه كليات العلوم
خريجى كليات العلوم
اعضاء النقابه
والاضراب يضماعضاء النقابه وغير اعضاء النقابه من العلميين


كله لازم يكون موجود

لاننا لسنا هناك بسبب الجمعيه العموميه فقط ولكن لحل مشاكل العمليين
وتطبيق قانون مزاوله المهنه الذى نتفق جميعا على انه الطريق الوحيد للخروج للنور





طرق الاتصال



جروب العلميون بحثا عن كيانهم ع الفيس بوك
http://www.facebook.com/topic.php?to...id=54268657079

او جروب الياهو

http://tech.groups.yahoo.com/group/united_scientists/



او الايميل



united_scientists*yahoo.co

m

ان شاء الله الطلبه تحضر
عشان دة

دة مستقبلكم انتم
يعنى مش تقول لما بقي اتخرج ابقي اشوف هعمل ايه
واللهى اغلب الناس للي رايحين عندها معامل ومعاها تراخيص فتح معامل وللي بيشتغلوا اخصائيين تحاليل في مستشفيات حكوميه وللي في شركات ادويه وللي في بترول وللي في مراكز البحوث
يعنى لما هتتخرج هتشوف بعض الفئات بتتعامل معاك بطريقة خاطئة زى بعض الصيادله في شركات الادويه وزى بعض الاطباء في التحاليل
ومرتبات التحاليل بتبقي وحشه
وكمان تراخيص فتح المعمل ساعات بياخروها

لازم نطالب بحقنا في كل حاجة
وانشاء الله الكل يحضر

المشكلة مش فينا على فكرة المشكلة فى البلد دى انها مش بتقدر العلماء والناس المجتهدة ومش بتديهم حقوقهم مع ان العلم هو رمز التقدم مش السينما والكورة والكلام دة هو حلو اننا نتفوق فى مجال بس الاجمل اننا نتفوق فى جميع المجالات وندى كل حلجة حقها وان شاء اللة العلماء دول والناس الى بتفيد البلد دى هتاخد حقها وربنا معانا

دة للي بنطالب بيه حقوقنا في كل حاجة

يا جماعه لازم الكل يحضر انشاء الله بجد اليوم دة مهم
مفيش اعزار لان بجد اليوم دة مهم جدا جدا جدا
ومش عايزين بعد كدة نلوم نفسنا

شخصيا يا جماعه
لان دة مهم جدا
عشان تقولوا
ايه للي مش عاجبكم في المناهج
عايزين مناهج مثلا تتماشي مع سوق العمل في التخصص الفلانى او التخصص الفلانى
عايزين تضيفوا سنه خمسه ولا لاء
لان فيه اقترح باضافة سنه خمسه تطبيقيه(امتياز)
في المصانع المختلفة سواء كانت ادويه او بلاستك او سراميك او اغذيه الخ عشان للي عايز يشتغل فيها
او شركات بترول او ميه الخ

وفي معامل التحاليل عشان للي عايز يشتغل ويفتح معمل يفتح ع طول

وهكزا

فدوركم مهم اوووووووى

وكمان دة مستقبلكم انتم

يعنى عشان لما تيجى تفتح معمل مايعطلوكش ويقعدك سنتين عشان تاخد الترخيص

فالحضور مهم جدا يا جماعه
الناس هتيجى من المحله وطنطا والزقازيق والمنوفيه والاسماعليه واسكندريه وكل حته في مصر
وانشاء الله فيه وسائل اعلام وكمان هيبقي يوم جمعه
الكل اجازة
عشان محدش يقول ورانا كليه وكدة

انشاء الله الكل في المنتدى يجى باذن الله