نشرة الاكاديمية للمعلمين المساعدين
 

ورد الى المديريات الفاكس ـ الموضح أدناه ـ من الأكاديمية المهنية للمعلمين بالوزارة والذي أكد السيد وكيل الوزارة بضرورة ارسال نسخة لجميع المدارس للإعلان واشعار المعلم المساعد للالتزام بما جاء بالفاكس ....

الاكاديمية المهنية للمعلمين
____________________

السيد الأستاذ / مدير مديرية التربية والتعليم بمحافظة ................
فى ضوء ما تكشف لنا من بعض المخالفات وعدم صحة الأوراق المقدمة من بعض المعلمين المساعدين عند التقدم بملفاتهم إلى الأكاديمية للترخيص لوظيفة معلم ، فإنه يستلزم الأمر إعطاء توجيهاتكم بضرورة تقدم المعلم المساعد الذى حصل بالفعل على إيصال التقدم لأصول الأوراق التى تقدم بها ( شهادة التخرج - شهادة الديلوم العام فى التربية لغير التربويين - أصل العقد - شهادة الحصول على icdl " الأربعة موديولات المطلوبة - صحيفة الأحوال الجنائية ) إلى فرع الأكاديمية الذى تقدم إليه.
وسوف تستقبل أفرع الأكاديمية بالمحافظات المعلمين المساعدين فى الفترة من 1/12/2009 حتى 31/12/2009
علماً بأن من يتخلف عن تقديم أصول أوراقه معتمدة سوف تحجب نتيجة اختباره.

طيب واللى لسه شهادة icdl مطلعتش يعمل ايه ؟؟؟؟؟؟؟؟؟؟
ممكن يقبلوا الافادة ولا هيعترضوا كالعادة ؟؟؟؟؟؟؟؟؟؟؟؟؟؟
فعلا دوخينى يالمونة

انا لسه متصل بمسئول احد الفروع وسألته نفس السؤال..
قالى الافادة مش هاتنفع.. قالى لو الشهادة لسه مطلعتش بتطلب منهم ال skillcard وبتصوره وتختمه من المركز وتقدمه بدل الشهادة لحد ما الشهادة تطلع

هاياخدوها.. لان اللى قدمناه قبل كده صور للمستندات علشان نعدى الامتحان.. لكنهم طالبين الاصول علشان التعيين ويبقالك ملف باصول اوراقك فى الوزارة .. ده اللى فهمته من مسئول احد الفروع ، لأن ماينفعش تتثبت وتتعين بصور لشهاداتك ومستنداتك

طيب يا جماعه يعنى مش هينفع ناخد الاصول اللى موجوده فى الادارة
ولا نستخرج اصول جديدة
يا ريت لو حد سال فى الادارة لو ممكن ناخد الاصول من الادارة ام لا

طيب واللى لسه مدخلش الامتحانات يعمل ايه

تقريبا فى الادارة مش هايرضوا يطلعوا الاصول..
ودى هاتبقى مشكلة جامدة هى وحكاية ال skillcard ..
علشان كده بطلب من كل المعلمين المساعدين يدخلوا لوكيل الوزارة اللى فى محافظتهم ويبقى يتصرف هو بقى..
هما هايقعدوا يلعبوا بينا كل شوية ؟!! ده يبعتنا لده وده يحدفنا لده ؟!!
بجد قمة المهزلة
حسبى الله ونعم الوكيل

مانتى مقدمة الاقرار والتعهد بان النتيجة هاتحجب لحد ماتجيبى الشهادة او مايثبت انك اجتازتى الاختبارت..
وحاولى تخلصى الاريعة موديولات المطلوبة خلال هذا الشهر..
وربنا معانا كلنا

علشان كده بقول لازم كلنا بكره ان شاء الله نعدى لوكيل الوزارة ( كلا فى محافظته )
ونشرح ليه المهزلة اللى حاصلة دى وهو يتصرف.. يتصل بالمركز ويخليهم بدونا ال skillcard نصوره

نأمل في حالة صدق ها الكلام أن تقوم الأكاديمية المهنية للمعلمين توضيح المطلوب بالضبط علي موقعها علي الأنترنت كما كانت تفعل وقت الامتحان حتي لا تترك مجالا للقيل والقال وأنا سوف أرسل لهم علي إيميلهم بذلك ومن يعرف يرسل يرسل هو الآخر أليس هذا أفضل وأسرع وأدق