|
لحد امتى هنخاف يا متعاقد ممكن نسمع صوتك في حل هذة الفزورة
بسم الله الرحمن الرحيم
ببساطة عشان لا نطيل على سيادتكم بعد اخر اختراع من الاكاديمية وهو تقديم الأصول اللي مش معانا أصلا خاصة اصل العقد اللي موجود في الادارة فقط ولم نكتب غير نسخة واحدة مع الادارة التي ترفض ان تخرجه لنا ندخل في الجديد مطلوب أربع مديولات فقط في icdl كنوع من التيسير على ابنائنا (على حسب كلام عمو الوزير) الفزورة في قطاع الكتب هذا اليوم وهو مكان الحصول على icdl في الجيزة ذكر المتحدث بأسم المركز (كرم الله وجهه) ممنوع كتابة إفادة إلا بجميع المديولات السبعة ما فيش إفادة بالأربعة وبالتالي لابد من الحصول على icdl ولا يوجد تيسير ولا يحزنون على رأي عمو الوزير) نفسي واحد يقولي اسم العبقري اللي بيخترع الكلام ده أروح أشكرة ده غلب إسرائيل في الدهاء العقد مش مكتوب فيه إنجليزي أو icdl وعشان لا تشتكي عشان العقد يكمل تأخذ رخصة وعشان تأخذ رخصة محتاج انجليزي وicdl وعشان تاخد اربع مديولات لازم تاخد السبعة وعشان ما تبعد عن الضغط والسكر اسمع مرة كلمة لأ واحد لو 1000 متعاقد فقط من 72600 قال لأ 1000 بس الدنيل هتتغير 1000 يقولوا للأكاديمية اطلعي على الأصول في الإدارات اتصرفوا مع بعض انتوا موظفين ماعندكوش لا طلبة ولا مدير ولا حصص ولا منهج احنا مش فاضين نلف ونعمل ورق تاني انا زهقت من الكلام |
الله يكون في عونا جميعا ربنا علي الظالم انا عن نفسي مش هعمل حاجة لما اشوف انتو هترسوا وتستقروا علي ايه
|
ممكن تقبض الي ماسك الملفات في الادارة لو هو بيقبض وتفتح مخك معاه ويديك العقد هي الدولة عاوزة كده نعمل احنا ايه
او ممكن تتصرف وتجيب عقد بطريقتك الخاصة ماهيا فوضة وناس فاضية حسبنا الله ونعم الوكيل |
الأمر يحتاج الي مظاهره نطالب فيها بحقوقنا اللي أصبحت بعيد عن شنباتنا والله يا جماعه احنا مش شوية احنا كتير
|
الحقيقة انا فى محافظتى الامور اسهل كتير من محافظات تانية
يمكن دا كرم من الله سبحانه وتعالى رئيس مركز التطوير هيدى لكل متعاقد اجتاز الاربع مديولات شهادة بيهم وطبعا الشهادة الكبيرة بعد اجتياز جميع المديولات وكمان الادارة التعليمية التابعة لها بتدينا نسخة من العقد نكتبها ويمضوا عليها ويخلص الموضوع المشكلة مش فى دا ولا دا المشكلة لحد امتى هيفضلوا يلففونا حوالين نفسنا وسافر وهات واعمل وكمان اصررررررررررف وانا حتى مش قادرة اشتغل بحريتى ويوم ما اتكلم فى حقوقى يقولولى انتى عقد كانهم ماسكنى من ايديا اللى بتجعنى والله مساكين بس عموما احنا ورا الكداب لحد باب الدار وحسبى الله ونعم الوكيل |
ياجماعة الموضوع بسيط ناس فاضية ورايقة ومعهم مدير عايزين يتسلوا يتسلوا بيمين ملقوش غيرنا اة نتسلي بيهم
اصلي هما ماعندهمش شغل قاعدين علي مكاتب وبس اه اه اه اه نتسلي بمين نتسلي بمين ؟ هات بتوع العقود نتسلي ونسلي وقتنا ونشوفهم وهما ديخين حولين نفسهم المشكلة ياجماعة ماشفتوش الي عندنا في سوهاج التسليم الاصول في الادارة يعني عايزين عقد اصل من نفسيهم شفتوا مصر ماشية ازاي ؟ داحنا عايزين ضرب الشباشب مش الجزم بتاعت الجزائر ؟ واخيرا حكاية icdel انا خلصتها ونجحت فيهم كلهم بس مماعيش الي يثبت ذلك يعني عندهم لسة ماختهاش طيب اروح اخد حاجة تثبت من مركز التطوير ازاي اديلك حاجة تثبت لا ماعندناش حاجة زي دي طيب بلاش يامعلم هات الكارت اصورة برضوا لا مايطلعش من المركز طيب لية ماعرفش واديني دايخ واخيرا قررت انتظر واتفرج واضحك علي المهزلة دي |
ياجماعة انا فى راى منويدش حاجة لهم هما اليى لهم عندنا الاربع موديولات ولزم نقف مع بعض علشان منبقاش ملطشة للى يسو وليى ميسواش
|
لا حول ولا قوه الا بالله
هنا فى اداره الحامول التابعه لمحافظه كفرالشيخ كل متعاقد معاه اصل هيسلمه طبعا و اما بالنسبه icdl فربنا مع الجميع |
لا تعليق
حسبنا الله ونعم الوكيل |
| جميع الأوقات بتوقيت GMT +2. الساعة الآن 05:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.