|
انا مش عارف اصلى؟؟
بسم الله الرحمن الرحيم
يا جماعة انا النهاردة بتكلم عن نفسى انا مش بصلى انا تعبان جدا من الحكاية دى ومش لاقى لها حل قلت اعرض عليكم المشكلة دى وارجو انكم تحاولوا تساعدونى على قد ما تقدروا اخوكم مدحت |
مبدأياً احنا حناخد العملية بالتدريج
اول حاجة حاول بقدر الامكان نتستغل كل فرصة تقدر تصلي فيها وانت بره سواء كنت مدرسة او جامعة حاول وقت الصلاة دايماً تصليها جماعة عشان في البيت اكيد حتكسل تاني حاجة حاول تحنن قلبك بشوية قرآن تقراهم ولو نص صفحة كل يوم او حتى سورة في الاسبوع شجع نفسك مع حد معاك اول ما تسمع الاذان وتكون في الشارع وتبقو مع بعض قولو تعالى نصلي كذا امشي بعد كده خطوة خطوة وحتلاقي نفسك تدريجياً بدأت تواظب عالصلاة |
اقتباس:
ادعولى بالهداية |
|
بص الموضوع موضوع ارادة وتصميم وتفتكر دايما في الأول هتبقي متحمس وبعد كدا الشيطان هيجي يقولك **خمس دقايق وهبقي أصلي الظهر ** انت بقي لازم في اللحظة دي تقاوم واول لما تلاقي نفس بتسمع الكلام دا قوم صلي بسرعة في الأول الصلاة هتبقي صعبة عليك اول اسبوعين لكن بعد كدا هتلاقي ساعات بتفرش سجدة الصلاة وهو مش وقت صلي أصلا بتحصل... ربنا يهدينا كلنا |
أنا كنت زيك مش بصلى لكن الحمد لله عملت جدول صلاة موجود فى غرفة
المذاكرة وكل ما أسمع الاذان أتوضى واصلى وكل صلاة أصليها أضع عليها علامة صح وبدأت أصلى والحمد لله |
والله ياجماعة الف شكر ليكم
انتم اكتر من اخواتى والله جزاكم الله خيرا |
اخى الحل بين يديك
اولا اسمح لى ان اناديك باخى الاصغر واريد ان اوضح لك ان الحل بين يديك انت تقول انك تعبان
فلماذا اخى لاتريد ان تاخذ الدواء الشافى الذى ليس له اضرار او اعراض جانبية بل من ياخذ به يشفى ويؤجر الله الله اكيد من يسمع هذا الكلام سوف يحاول ان يسالنى بسرعة اين اجد هذا الدواء اكيد فى الصيدليات الكبرى او ياتى من خارج الدولة ستقول ياخسارة كان نفسى اشتريه اخى الدواء بين يديك وهو الصلاة لن تدفع اى نقود لن ترهق نفسك بالبحث فى اى مكان كل ماعليك هو ان تتوضا وتقف امام ملك الملوك ياله من شرف عظيم انا العبد المسكين اقف امام ملك الملوك وهو الذى يدعونى خمس مرات فكيف لك اخى لاتلبى دعوة الملك الذى ابوابه مفتوحة لك متى تشاء اخى من كثرة حبى للصلاة اريد ان اكتب عنها طول حياتى ارجو الا اكون قد اطلت عليك |
| جميع الأوقات بتوقيت GMT +2. الساعة الآن 01:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.