رفقا بالمنتقبات
 

السلام عليكم ورحمة الله وبركاته
اثار موضوع اختى فى الله أية من الله
مشاعر اسى وحزن
وذكرتنى بموقف حدث لى اليوم وأحزننى حقا

كنت متوجهه الى كلية التربية لاستخراج بعض اوراقى منها

وعندما ركبت السياره قال لى السائق
انه سيأخذ الاجرة الضعف انا وافقت
قبل ش الكليه بمسافه ليست بالقليله وجدته يقول
لو سمحتى انزلى قلتله لسه شويه
قالى مش هدخل لاخر الشارع لانه زحمة
قلتله حضرتك طلبت الاجرة الضعف
وانا وافقت ومش قلت انك هتنزلنى قبل المكان
انا اسفه مش هنزل غير اخر الشارع
قالى انزلى ومصمم
انا كمان صممت وقلتله اسفه من حقى انزل اخر الشارع
لقيته اتعصب وقال انا خلاص تعبت من المنتقبات
قلتله وايه دخل النقاب فى اللى بيحصل
يا ريت مش تغلط لانى مش غلطت فيك
كل اللى عملته انى بطلب حقى
انا مش غلطت فيك علشان تغلط فيا وفى النقاب
بعدها اعتذر ووصلنى لاخر الشارع
قلتله جزاك الله خيرا

انظروا حتى السائقين الظاهر متاثرين
من الاحداث الاخيرة
سبحان الله ولو دى واحده متبرجه
مكنش هيتجرأ عليها
وكان هيوصلها للمكان
وااااسلاماه
يا رب كن معنا حتى لو الجميع ضدنا
يكفينا احساسنا بحضرتك ياالله
ثبتنا على دينك وانصرنا يالله

اللهم انك عفو تحب العفو فاعفوا عنا

حقا واااااااااسلامااااه
يالله
ربنا يرحمنا ويلطف بنا
جزاك الله خيرا ياميس رانيا على الاطراء والتضامن الجميل ده
جعل الله هذا الثبات فى ميزان حسنات حضرتك

لا حول ولا قوة الا بالله
والله حضرتك معاكى حق فى كل كلمة يا استاذة رانيا
الدنيا بقيت بالمقلوب
يارب ارحمنا برحمتك

مكنش حيتجرأ ده ايه
ده ممكن يخلي الاجرة فري
ولو هي طالبة يدخلها الجامعة بالعافية ويوصلها لباب المدرج كمان :d

نقول ايه
زمن ...

والله يا أستاذة رانيا .. أنا معاكى ومش معاكى

معاكى ان فعلاً فيه ناس كتيرة متأثرة من الأحداث الأخيرة ... ومادام شيخ الأزهر يتجرأ على المنتقبات ويحاربهن بضراوة .. أكيد كتير هيحذو حذوه .. ولا حول ولا قوة الا بالله ;)

لكن مش معاكى انك تعتقدى انها ظاهرة لأن الناس فيها الكويس والوحش .. والسواقين فيهم وفيهم برده ...

يعنى ممكن سواق يكره المنتقبة وسواق يحبها
لأن دى طبيعة بشرية ....
وطبيعة البشر الإختلاف وده من فضل ربنا .....

وربنا يهدينا ويهديهم ....
وأحييكى على ايجابيتك فى انتزاع حقك ...

تقبلى تحياتى وتقديرى

للاسف الاعلام هو المسئول بشكل كبير عن تشويه صورة الاسلام ورموزه ويشترك معه موقف شيخ الازهر الاخير 00
فحينما يسخر ممثل عجوز متصابي مراهق من الملتزميين دينيا في افلامه أمر منطقي فهو لا يعلم عن الاسلام شيئا
ورغم ان فكره الشاذ سيجد صدي لدي البعض000الا ان الوعي الديني لدينا اكبر من هذا التافهة000 وافلامه الهابطة00
وحينما يتطاول العلمانيون علي ائمة الاسلام والملتزميين دينيا ووصفهم بالرجعيين والمتخلفين000لا نهتم بهذه الفئة الضالة التي رضت وقبلت ان تشتري دنيتها علي حساب اخرتها 00ولكن ان نجد شيخ الازهر نفسه يهاجمهم 000000000كانت الكارثة 00ينتابني بجد خزي وعار من موقفه المشين والمشبوه هذا 000فكان اولي به ان يهاجم ايناس الدغيدي التي وصفت الحجاب بالتخلف وتطالب بالحرية الجنسية في مجتمعنا المصري وتعتبر أن العلاقات المثلية أمر طبيعي جدااا وارائها الشاذة تعلنها بكل وقاحة في كافة وسائل الاعلام
واتعجب بشدة لماذا لم تتحدث يا شيخنا الجليل وتدافع عن المحجبات كاضعف الايمان ؟ ولماذا تفرغت للمنتقبات واصحاب اللحي كما لو كانوا هم سبب البلاء كله وتركت المفسدون في الارض يعيثون فسادا وانت تلتزم صمت مريب ؟؟؟
اتفق مع البعض في ان بعض المنتقبات ياخذونه كستار لاعمال مشبوهة ولكن التعميم في الحكم امر غير سليم فهناك اخوات كثيرات ملتزمات بالنقاب في كل شيء 00 ولا يوجد اي اي ضرر منها علي الاقل هي لا تثير غرائز الشباب مثل البعض واتحدي لو كان هناك حالة تحرش جنسي واحدة باحدي المنتقبات 00
كنت اشعر بالغثيان من شيخ الازهر الفاضل وهو يحاور مذيعة متبرجة وهي يقول لها حضرتك ويحترمهاعلي حين أن قلبه يمقت المنتقبات 00000000 ولا تعليق 0000
شكرا استاذة رانيا علي موضوعك00

سبحان الله
حضرتك معاكى حق
لو كان ركب معاه بنوتة دلوعة ممكن مش كان ياخد منها اجرة خالص
ربنا يهديهم ويهدينا
ربنا يثبت حضرتك على الحق

اللهم أمين
جزاكم الله خيرا

حسبنا الله ونعم الوكيل

ربنا يستر

ويهدي الناس

لا حول ولا قوة الا بالله
حسبنا الله ونعم الوكيل
ومش المنتقبات بس
والله
حتى البنات المسلمات المحجبات والمحتشمات
بنشوف تصرفات غريبة من بعض السواقين ويصروا على المتبرجات وما الى هدا
ياما شفنا ولسه هنشوف
بس
لا عليكي
اختى لا تحزنى
ليس كل الناس خيرين ولا كلهم اشرار
والكاظمين الغيظ والعافين عن الناس والله يحب المحسنين

وجزاكم مثله اختى الحبيبة
واكرمك وثبت خطاك
فى امان الله