|
أرجوكـ .. م تقولي بحبكـ ....
لما أنت مش بتسأل ومشيت .. وقلت مش هترجع راجع دلوقتي ليه وبأي حق تقول اسامحك جرحتني وقلت ظلمتك وكسرتني وقلت خنتك راجع بعد إيه تقول بحبك عايزني أقولك إيه ومستني مني إيه دا اللي كان بينا خلاص انتهي وراح بقي ماضي كله جراح وخلاص أنا نسيته زي م نسيتك ارجوك امشي سبني .. وامشي لو كنت حقيقي حبتني امشي وفارقني لاني خلاص نسيتك ونسيت انك كنت حبيبي واني ف يوم كنت حبيبك روح مستني إيه امشي ... أبعد وكفايا عذاب الضمير وقول عليا خاين لاني ف الحقيقة خاين ظلمت قلبي معاك وسبت روحي لهواك ومفكرتش لحظة ف نفسي وقلت عليك ملاك بس انت مش ملاك وفـ الحقيقة انسان عايش عشان تخون وتجرح كل يوم قلوب كل امانيها فـ الكون تعيش فـ أمان وحب روح خلاص وابعد وأكيد هتلاقي ناس شبهك .. عايشه بس تجرح وتظلم قلوب بريئه معاهم هتلاقي راحتك ومش هتلاقي واحد زيي يقولك حقيقة نفسك ويسمعك كلام يوجع |
اقتباس:
انا اليوم سهرانه مع اغنيتك الجميله لو الست كانت عايشه اكيد كان حتغنيها بجد ياخي احمد قصيده رائعه مليئه بالشجن كما تعودنا من حضرتك ديما رائع ومبدع ربنا يزيدك كمان وكمان وتقبل تحيات اختك نغم |
روح خلاص وابعد
وأكيد هتلاقي ناس شبهك .. عايشه بس تجرح وتظلم قلوب بريئه معاهم هتلاقي راحتك ومش هتلاقي واحد زيي يقولك حقيقة نفسك ويسمعك كلام يوجع تحفه تحفه تحفه أد إيه كلماتك معبره وجميله ومحسوسه جدا.. سلم الإحساس |
الاخ الجميل وصاحب الاحساس الرائع أحمد
كلمات رائعة والله يا احمد وبتوجع اوى تسلم إيدك والله عارف يا احمد _ معلش انا هابقى صحبك بقى :d_ إحنا لما بحب ما بنحسبهاش صح ولا بنفكر الاول يمكن أول حاجة بتتحكم فينا هيا العاطفة وبيتلغى العقل خالص وننجرف مع تيارها وبعد ما ندخل فى العلاقة تلاقى مشاكل حصلت ! انا مش عارف سن حضرتك بس عموما ً سن المراهقة دة قليل أوى قصة حب بتكمل فية وانا بقول من وجهة نظرى لو ماكنش فى حب فى سن المراهقة ما كنش هايبقى فى حاجة اسمها جرح ولا كنا هانكتب القصايد اللى عن تجاربنا اللى مرت دى انا بتكلم فى نطاق حالة خاصة إن قصة الحب ما استمرتش لكن لو استمرت _ وقليل جداً_ خير وبركة وتبقى نهاية سعيدة يعنى يارب تكون فاهمنى يا ابو حميد والله انا اول مرةاقول لحد الكلام دة دة كلة طبعا وجهة نظر مش كلام مُطلق يعنى انا حبيبت افضفض معاك شوية معلش لو طولت عليك تقبل مرورى المتواضع فى رعاية الله .. :) |
اقتباس:
استاذة نغم حقيقي والله بقيت بخاف من رد حضرتك عليا لان حضرتك بتكبريني اوي وانا ف الحقيقة صغير جدا جدا وكمان الست لو كانت عايشه مش هتغني الكلام دا دا بجد مجامله كبيرة اوي عموما انا جد ميرسي جدا ع زوق حضرتك وع المجاملة الرقيقة دي شكرا جزيلا ي فندم ويارب اكون دائما عند حسن الظن نورتيني |
اقتباس:
ع زوقك وميرسي جدا ع المجاملة الرقيقة دي ويارب اكون عند حسن الظن نورتيني شكرا جزيلا |
اقتباس:
وميرسي كتير ع الكلام الجميل اللي وصفتني بيه جد وحقيقي ميرسي جدا اما انك تكوني صحبي ... شئ يشرفني بجد اما كلامك طبعا عندك حق ... بس مش لازم نفكر اننا عشان حبينا يبقي احنا عايشين دور المراهق انا شايف الكلام دا غلط لان الحب اللي جواك بيدفعك انك تعمل حاجات انت اساسا مش بيكون عندك القدرة انك تعملها لوحدك يعني الحب ف الوقت دا حافذ قوي ونشاط جواك لعمل اى شئ ي فندم مش لازم عشان انجرحت من الحب يبقي تقوم تكتب اللي جواك لا ابدا ... لانك ممكن تكتب من غير م تنجرح انا حاسس اني اتكلمت كتير عذرا ومرة اخري ميرسي جدا ع زوقك وجد حضرتك نورتني ويارب اكون عند حسن الظن دائما |
بجد مش عارفة أقولك إيه ، كلماتك مؤلمة تدل على تجربة مريرة ، بس معذرة انا حاسة إن الحب لو حقيقى هينتصر
مهما كانت العقبات ، بجد كلامك ينم على انك شخص حساس سواء العمل كان تجربتك او لا وتجربتك صادقة ووصلت لكل من قرأها دمت صادقا يا أخى بقلم مبدع |
اقتباس:
دمت بكل معانى الود ومُرادفاتة فى رعاية الله .. :) |
كلمات جميله جدا
تسلم ايديك بس ليه الحزن دا بس بجد كلمات رائعة |
اقتباس:
أعجبتنى الكلمات جدا...كما عودتنا كلمات كلها حزن وشجن تسلم إيديك تقبل مرورى المتواضع |
اقتباس:
ميرسي جدا ي فندم وجد دا وسام شرف اعتز بيه ثانيا الحب الحقيقي ف هذه الايام بقي شبه مستحيل أو مستحيل زمان كان الحب .. احساس الشخص مينمش منه الليل .. يستني النهار يطلع عشان يشوف محبوبته ... كلمة بحب .. مكنتش تخرج بالسهولة اللي بنلاقيها حاليا وحاجه تانية كان الحب طاهر .. حب مخلص ... مش حب عشان مصلحه او مظاهر ثالثا انا لو حقيقي حساس زي م حضرتك قولتي .. فدا مش حقيقي لاني كاتب لاحساس .. يعني الاحساس هو اللي ادام الناس ظاهر لهم .. وليس انا حقيقي حضرتك نورتيني وجد انا سعيد جدا بوجودك هنا نورتيني ي فندم ويارب اكون عند حسن الظن بي |
اقتباس:
وربنا يبارك فيك وجد انا مش لاقي كلام اقوله ؟؟ شكرا جزيلا ي فندم |
اقتباس:
وجد انا سعيد جدا بكلامك شكرا جزيلا ويارب اكون عند حسن الظن دائما نورتيني |
ما شاء الله كالعادة ابداع رائع بحق
وحتى قعدت اغنيها على رتم اغانى واما او فرقة الوعد هى ملعاش علاقة نهائى بس اللى حسته ان فى قوة فى الاول من الشاعر وبعد كدة بدات العاطفة تدخل فى الكلام فيستخدم الفاظ عتاب وبعد كدة بيقوى من تانى فجميلة الانتقالات دى منتظرين المزيد والمزيد ولتكن مرة قصيدة ممتزجة بتفاؤل وفرج الله كربكم وازاح همومكم وجزاكم الله خيرا الشاعر أحمد شوقى |
| جميع الأوقات بتوقيت GMT +2. الساعة الآن 06:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.