|
حاجة تحرق الدم ما يبيعوا الشعب بالمرة ؟؟؟؟؟؟؟؟؟
اخوتى فى الله السلام عليكم ورحمته وبركاته قريت خبر استفزنى لدرجه رهيبه وذادنى حزنا على حزن بل واخرجنى من حال سكون اعيشها والخبر كما قريت قال ايه ياجماعة الخير الحكومة المبجله ووزير البترول سامح فهمى ناويين يبيعوا ياترى اي ايه؟؟؟؟؟؟؟؟؟ قال ياخوانا البلد مافيهاش سيوله ومحتاجين فلوس تتنهب وتتصرف على اللى يسوا واللى مايسواش يبيعوا ايه شركة البترول لمده ست سنوات طيب لما يبيعوها وياخدوا فلوسها هاتتحل المشكله فى مصر دى مصر فيها خير كتير تعرف الواحد بيتعجب على حال مصر برغم كترة الحراميه الا انها مازالت مرفوعة الراس طيب هو انا بقول الكلام دهوت من عندى لاع والله انا فى حاله اشمئزاز وقرف مما اصاب الحكومة والمسئولين وليه بس دا زمان كانوا بيعايروا عواد عواد باع ارضه ياولاد شوفوا طوله وعرضه ياولاد وانا بقولها لسامح فهمى سامح باع شركتنا ياولاد على طوله وعرضه ياولاد هو مال الشعب ولا مال ابو الحكومة ؟؟؟؟ حد يفهمنى حد يقولى بس طيب مافيش حل غير البيع يعنى لو واحد مراته ولا ابنه يغلبه يقوم يبيعه على طول مافيش صبر ولا وضع حلول استغفر الله ولا حول ولا قوة الا بالله فى المتاجرة بقوت الشعب الغلبان استنى بقى الاسعار تبقى نار واللى يركب سيارة يدفع الطاق طاقين واللى واللى يانهار هما مايدركوش ماذا حدث بعدما تخصخصت شركات الاسمنت ؟؟؟؟؟؟؟؟؟ ايه اللى حصل الاسمنت الشيكارة كانت ب3 جنيه والا ن ب55 جنيه غير نقلها حسبنا الله دا غير شركات يهوديه ممكن تاخد شركاتنا من الباطن ويقيدوا بوقودنا اخواتنا المسلمين انا اتحرق دمى ياولاد حد عنده حل حد يوقف الحكومة على ما تفعله ضدنا اااااااااااااااااااااااااااااه نسيت اجيب الخبر اهو اقرا انت وهو وقول رايك على خراب البلد اصوت واقول حسبى الله نعم الوكيل الحكومة تقرر بيع إنتاج الشركة العامة للبترول لمدة ٦ سنوات كتب أشرف فكرى ١٥/ ١٢/ ٢٠٠٩http://ggmedia.gazayerli.net/photo.a...ImageWidth=240سامح فهمى قررت الحكومة ممثلة فى الهيئة العامة للبترول تنظيم أكبر مناقصة فى تاريخ القطاع بين مؤسسات التمويل والبنوك الدولية لشراء حق إنتاج الشركة العامة للبترول من الزيت والمكثفات الطبيعية لمدة ٦ سنوات مقبلة تبدأ من ٢٠١١ وتنتهى فى ٢٠١٧. وقال مصدر مسؤول فى الهيئة العامة للبترول إن هذه المناقصة تستهدف جمع أكثر من ٢ مليار دولار، فيما يعد أكبر مبلغ تستهدف الهيئة العامة للبترول تحصيله عبر بيع إنتاج شركة تابعة لها، ويفوق ما تم جمعه من بيع البترول الثقيل فى حقل رأس غارب لمؤسسة مورجان ستانلى. وأضاف المسؤول، الذى طلب عدم ذكر اسمه، أن المناقصة تركز على الحصول على أكبر عائد ممكن لتحقيق هدفين، الأول توريد ٦ مليارات جنيه لوزارة المالية تعهد بها وزير البترول فى موازنة العام المالى الجارى ٢٠٠٩ -٢٠١٠ على غرار ما حدث العام الماضى بعد سداد شركة «إديسون» الإيطالية مستحقات فوزها بتطوير حقل أبوقير للبترول. وأشار إلى أن وزارة البترول ستستخدم مليار دولار أخرى فى سداد مستحقات الشركاء الأجانب الذين يطالبون وزارة البترول بالإسراع فى سدادها لاستمرار عمليات تنمية الحقول وتسديد ما عليهم من مستحقات للمقاولين والموردين. ومن المقرر أن تعلن هيئة البترول خلال أيام عن تفاصيل المناقصة التى يشارك فيها، حسب المعلومات الأولية التى حصلت عليها «المصرى اليوم»، البنك الأهلى المصرى و«مورجان ستانلى» وعدد من المصارف العالمية الأخرى. وقالت مصادر مصرفية إن هذه العملية تمثل إحدى الفرص الذهبية لمؤسسات التمويل الدولية حيث ستضمن مقابل ما تسدده لهيئة البترول أصولاً ثابتة تدر عليها قيمة القرض والفوائد المستحقة لها من خلال عمليات البيع المضمونة للزيت والمتكثفات الطبيعية للشركة العامة للبترول، والتى تعد أكبر منتج للبترول بمتوسط يومى يبلغ ٥٠ ألف برميل. وأضافت أن الشركة العامة للبترول تمتاز بتواجد احتياطيات متميزة من الزيت الخام التى ارتفعت من ٣٥٥ مليون برميل فى نهاية يونيو ٢٠٠٢ إلى حوالى ٤١٤ مليون برميل فى نهاية يونيو ٢٠٠٧، على الرغم مما تم إنتاجه خلال هذه الفترة والبالغ ٦٣ مليون برميل وفقا للبيانات الصادرة عن هيئة البترول. وتعود ملكية الشركة العامة للبترول بالكامل إلى الهيئة العامة للبترول، وتعد ذراعها الرئيسية فى القيام بعمليات التنقيب والبحث عن البترول فى المناطق التابعة للهيئة والرابط http://www.almasry-alyoum.com/articl...ticleID=236769 |
الموضوع بسيط أ/ شمس
تعالى معايا كدة نعرف اللعبة بتتلعب ازاى مؤسسة حكومية تبقى شغالة وبتكسب زى الفل ..فجأة تلاقى الادارة اللى كانت ناجحة فى كدة اتغيرت بشكل غريب وجت ادارة جديدة بفكر جديد وطبعا اى فكر ليه حق انه يجرب فالتجربة بتكون فى اتجاه الخسارة دايما ..واصبروا يا جماعة احنا بنشتغل للاجيال القادمة وفجأة تلاقى الانتاج خلاص راح ...ويبدؤا فى طرح فكرة جديدة ...ما ندى حق انتفاع لمدة لشخص معين (؟؟؟) طبعا هو شريك الشخص اللى غير الادارة الناجحة الاولى ..وبعد فترة يبقى حق الانتفاع خصخصة علشان يستغلوا مبلغ التخصيص لمشروعات قومية اخرى ...والساقية تدور على مشروع تانى وتالت ورابع وهكذا وعمار يا بلد الادارة الناجحة |
والله اختى نور خبر محزن كعادة أخبار حكومتنا المحزنة
هنعمل ايه فى ولاد الحلال حكومتنا .... ان أخذ شرفاء هذا البلد حكم بمنعهم من تضييع ثروتنا وحقوقنا لم ينفذوه واستمروا فيما هو ضد مصلحة الشعب وضد إرادة الشعب .... ولا حول ولا قوة الا بالله |
البيع ده طريقة الجهلاء الذين لا يحسنون صنعاً
طريقة من لا يريد أن يجتهد ويفكر ويستفيد مما وهبه الله طريقة المختلين عقلياً لكى يجدوا عائلا يعولهم على الرغم من انهم يدركون تمتم الادراك(ان كان عندهم اصلا ادراك) انهم منهوبون منهوبون انا حاسس ان الحكومة دية نقمة من الله على الشعب جاية علشان تخرب بيته مش تعمر بيته من وزير كذا لوزير كذا لللللل... ويكفى المصائب اليومية فى الجرائد من كل وزارة وتوابعها خراب فى خراب عيب عليكم يا دكاترة يا وزراء يا مسئولين عن الشعب ولا بالمناسبة انتول هايكون لازمتكوا ايه لما تبيعوا البلد سؤال ينتظر الجواب؟ |
هي دي الحكومة و مش هتتغير
دول عندهم قانون واحد مشيين عليه 1-كلو لصالح الشعب . 2-احنا بنعمل للاجيال القادمة . 3-موت و خراب ديار . ان شاء الله هيجي اليوم الي نشوف فيه الحكومة صالحة و تبيع دمها قبل ارضها و ممكن اكون انا بحلم بكدا . المهم لازم احنا نكون اقوى من الظروف و نقول لاء من غير خوف . و حسبنا الله و نعم الوكيل خالد الرفاعي |
كنا لاقين ناكل
مره ركبت عربيه وقعد جنبى راجل فلاح بسيط شايل 5 ارغفه وقعد يدعى يارب امريكا تحتلنا يارب امريكا تحتلنا قولتله ماتدعيش انت عارف امريكا عامله ايه فى العراق واحنا كنا قبل كده فى احتلال قالى كنا لاقين ناكل انا خايفة يجى عليىا يوم ابقى زى الراجل ده :eek::eek::eek:
|
أختنا الفاضلة ليس هذا بغريب على حكومتنا المخترمة !!! فقد أُسنِدَ الأمر لغير أهله فى بلدنا الحبيبة ربنا يلطف بينا |
حسبى الله ونعم الوكيل هذا كل ما استطيع قوله فى حق حكومة المنتفعين (أقصد اللصوص الذين يطلق عليهم رجال أعمال) لكن!!!!!!!!!!!!! إن الله يمهل ولا يهمل فالله سبحانه وتعالى يمهل لهم لعله يأتى يوما يتقوا الله فى هذا الشعب المغلوب على أمره ولكن!!!!!!!!!!!! إذا أخذهم سيأخذهم أخذ عزيز مقتدر قولوا آاااااااااااااااااااااااامين |
اقتباس:
فعلا عند حضرتك حق هذا مايحدث فعلا ربنا يصلح الحال ويكفينا شر الهليبه |
اقتباس:
ربنا يصبر الشعب ويعطيه القوة وبعدين هى الحكومة دى مش جزء من الشعب المفروض تشعر بمعاناته واحتياجاته ولكن طالما كل واحد بيشتى فى شرم الشيخ ويصيف فى مارينا ماله ومال الباقى |
اقتباس:
انا من راى حضرتك ان البيع ليس حلا لمشكلات الشعب بل على العكس هو حل قصير النظر جدا بل عدم نظر من الحكومة ولما البلد بتمر بازمة امال الفلوس ظهرت للاعيبه ووعدهم بالملايين ؟؟؟ اذا فازوا لماذا هذه الملايين لاتستغل فى نفع الشعب واقامة مشروعات غير الشيبسى والكراتيه للى تسبب فى حالات تخمة وتسمم وتنفيض الجيوب للصغير والكبير بمصر حسبنا الله ونعم الوكيل |
:022yb4::078111rg3:فين التغيير اللى قالوا علية ولا دى كذبة العام الجديد ميكنش هيغيروا الشعب المرة دى ولايمكن هيبيعوة فى سوق النخاسة
|
لا حول ولا قوة الا بالله
استاذة نور بلاش نتكلم فى الكورة اول مرة بصراحة اشوف لحضرتك موضوع بيتكلم عن السياسة يعنى هى شركة البترول حتكون اغنى ولا احسن من غرها دول باعوا عمر افندى و شركة بيع المصنوعات وكل الحاجات الجميلة دى يبقى حنيجى عن دى و نقول ليه يلا خير خير خليهم يبيعوا و يجى واحد يعمل زى الطاغية عبد الناصر و ياخد منهم كل دا ربنا بتولانا برحمته |
اقتباس:
|
اقتباس:
فى عهد عبد اناصر طبعا حشيل كلمة طاغية لانها مجبتش حضرتك و احتراما لك اكيد مش حكررها تانى بس تعرف فى عهده كان بيقفل المساجد تخيل عايزك تسمع شريط الشيخ عبد الحميد كشك فى محاكمة سيد قطب وانت تتعرف على الرئيس جمال عبد الناصر واحكم انت دا غير طبعا خفاياه لو حابب انى اسردها لحضرتك معنديش مانع |
| جميع الأوقات بتوقيت GMT +2. الساعة الآن 10:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.