|
خليك على الأرض .. وهبقى في السما
خليك على الأرض .. وهبقى في السما ~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ* هي دي قصة هَوَنَّا؟ ولا دي قصة هوانا؟ افترقنا واتقابلنا وافترق بنا لقانا والطريق ليه بيعاندنا والحريق ليه بيحاوطنا صحينا نمنا حيينا موتنا وانكتب ع العين بكانا هي دي قصة هونا؟ ولا دي قصة هوانا؟ ****** هو ذنبك ولا ذنبي ولا دا هو القدر؟ صدقيني مكنش حبي ليكي لكن للقمر كان بيعكس نوره ع الوش البرئ http://www.masrawy.com/images2008/ma...m6-1540996.jpg افتكرتك انتي هو وانتي سيبتيني افتكر وافترقنا .. واتقابلنا وافترق بنا لقانا هي دي قصة هونا ولا دي قصة هوانا؟ ******* هي قصة وليها آخر صدقيني يا وش قادر يسرق النور يختفي من وراه يقتل يناور بالسلامة بلاش تحاور بلاش ولا بحلمي تغامر خليك على الأرض وهيبقى في السماااا نجم المشاعر في السمااااااااا نجم المشاعر وانتهت قصة هونا اللي قلنا في يوم عليها إنها قصة هوانا http://www.masrawy.com/images2008/ro...cm6-920711.jpg |
قصيده محزنه رغم روعة كلماتها
تبقى مبدع ونجمك في السما يارب تقبل تحيات اختك نغم |
رائـــــــــــــــــــعة بحق
|
اقتباس:
وكيف يخلو إبداع من الحزن أختي الكريمة وكما غنانا كاظم الساهر في إحدى روائعه إن الإنسان بلا حزن ذكرى إنسان بارك الله فيكِ أختي الكريمة الرائعة مرورك يسعدني بحق وكلماتك وسام أتقلده دمتِ بخير |
جميييييييييييله
|
افترقنا واتقابلنا وافترق بنا لقانا ==== كلمات جميلة افترقنا واتقابلنا وافترق بنا لقانا شوف قد ايه اللعب بلفظ الفراق واللقى شوف السطر دا عامل ازاى أربعة كلمات: افترقنا (فراق) اتقابلنا (لقاء) وافترق (فراق) لقانا (لقاء) أى أن الحياة فراق ولقاء وفراق ولقاء دمت أخى نجم المشاعر واسمح لى بالغوص فى قصيدتك الجميلة التى أحب مفرداتها وياريت بس الوقت يسعفنى قريبا وتسمح لى الإدارة بالدخول ثانيةً كى تفسح لى وقتاً أغوص ولا تخرجنى من بحر جمال كلامك فجأة أو يقطعوا عنى الاوكسجين وانا تحت سعدت بوجودى بينكم الشاعر محمد على |
اقتباس:
|
حلوة اوى
تسلم ايديك بجد |
اقتباس:
تسلمي يا رب |
اقتباس:
|
اقتباس:
مرورك واختيارك من أعمالي يزيدها رونقاً وجمالاً بالفعل شاعر و غواص في بحر الكلم دمت لنا دائماً مبدعأً |
هي قصة وليها آخر أجمل شيىء هنا الأسلوب الخبرى وكأنى بقصص قاص يقص علينا الخبر اليقين بقوله: (هى قصه ) نعم هى قصه والعجيب ان يقول الشاعر/القص ليها آخر ونحن نعلم أن كثيراً من القصص الغرامية لم يكتب ليها آخر شايفين الجمال بتاع (ليها)؟؟ صدقيني يا وش قادر كلمة صدقينى : سيأتى طلب الشاعر بس فى الآخر بعد ماشوقنا بوصف وجهها /وشها القادر يسرق النور ولكن - صديقى الشاعر نجم- ماسبب اختيارك لمفردة (وش) ولم تختر كلمة (وجه) هل وجدت جمالاً فى ذلك؟؟ يسرق النور يختفي جميله السرقه هنا ومشروعه يعنى مفيهاش ضبط واحضار يسرق النور ما أجمل التعبير وشوفوا (يسرق- يختفى) فعلان مضارعان فيهما تلازم لأن السرقة لابد أن يعقبها الاختفاء بالمسروقات من وراه يقتل يناور من وراء إيه بالضبط ؟ ويقتل مين؟ ويناور فى أى حرب؟بالسلامة بلاش تحاور شوفوا الجمال فى : بالسلامة ، تحاور /تناور وحرف الباء فى بالسلامة ، بلاش ........... بلاش ولا بحلمي تغامر مش شايف داعى لكلمة بلاش هنا- بلاش منها خليك على الأرض وهيبقى مش فاهمها يا عم أحمد دى هابقى أم هايبقى؟ مين اللى يخليه دى هيا اللى بتقول؟ أنا آسف اصل بصراحة لسه جى من مؤتمر شعرى والعملية سخنه معايا مش مركز من كتر ما ركزت هناك في السماااا نجم المشاعر ما معنى نجم المشاعر فى السما هل هناك نجوم للمشاعر وأخرى للعواطف وثالثة لــ كذا أنا أقصد ما معنى اضافتها هنا أنا أعلم وأفخر بكونك أنت نجم المشاعر أحمد نجم المشاعر في السمااااااااا نجم المشاعر وانتهت قصة هونا اللي قلنا في يوم عليها إنها قصة هوانا جميلة يا صديقى الشاعر البارع نتعلم منك دائماً الشعر سواء الفصيح أو العامى أرجو أن أكون قد أبحرت بالقرب من شاطىء قصيدتك الجميلة يا استاذى نجم المشاعر |
[quote=~ْ*~ْ*أحمد نجم*ْ~*ْ~;1809260]
خليك على الأرض .. وهبقى في السما ~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ*~ْ* هي دي قصة هَوَنَّا؟ ولا دي قصة هوانا؟ الله...الله الجناس بين هونا وهوانا تحفه مع الفارق الكبير بين الذل والهوى والعشق افترقنا واتقابلنا التضاد رائع يوضح المعنى ويقويه وافترق بنا لقانا الله ..الله حتى اللقاء بعد بين المحبين والطريق ليه بيعاندنا والحريق ليه بيحاوطنا الحريق صورة صعبة قوى ، والطريق يعاند ايضا الله على الوصف مع صعوبة الحدث صحينا نمنا حيينا موتنا التضاد هنا رائع وانكتب ع العين بكانا هي دي قصة هونا؟ ولا دي قصة هوانا؟ ****** هو ذنبك ولا ذنبي ولا دا هو القدر؟ صدقيني مكنش حبي ليكي لكن للقمر كان بيعكس نوره ع الوش البرئ هنا الشاعر ينكر حبه للمحبوبه ويقول انه توهم الحب فلم يكن يحبها بل كان يحب القمر الذى يعكس الضوء على الوجه البرىء http://www.masrawy.com/images2008/ma...m6-1540996.jpg افتكرتك انتي هو وانتي سيبتيني افتكر وافترقنا .. واتقابلنا وافترق بنا لقانا هي دي قصة هونا ولا دي قصة هوانا؟ ******* هي قصة وليها آخر صدقيني يا وش قادر هنا يظهر حقيقه الوجه اللى قال عنه انه برىء يسرق النور يختفي من وراه يقتل يناور وجه لا يحمل معنى البراءه وانما يختفى وراءالكلمه التى لا تربطها صله بالبراءه ولا الطهاره بالسلامة بلاش تحاور بلاش ولا بحلمي تغامر صدقا بالسلامة والف سلامه لمن تحمل عكس البراءة وعكس الطهارة لمن ترتدى قناع الملائكه على وجه الشيطان....وكفاك مقامرة ايتها اللعينة خليك على الأرض وهيبقى في السماااا نجم المشاعر هنا التضاد فى وصف المشاعر فهى لا تحمل مشاعر صادقه فستظل للابعد فى الارض مستقرة فيها لا ترتفع عنها اما من يملك المشاعر فهو نجم فى سماء الحب ويظهر ان نجم المشاعر ار ان يلفت انتابهنا اليه فاستعار اسمه ام هذه غيره من بطله فنعته باسمه في السمااااااااا نجم المشاعر وانتهت قصة هونا اللي قلنا في يوم عليها إنها قصة هوانا تسلم ايديك والصور روعة ، واسفه على تاخير الرد |
لسه فاكرة تردي؟ ماشي؟:mad: وانا كل لما بلاقي الموضوع متنشط ومنور افتكرك رديتي :stickjo4: يلا كل تأخيرة وفيها خيرة نورتي الموضوع والله وتحليلك للقصيدة ومفردتها وصورها غاية في الدقة والروعة طول عمرك متذوقة رائعة مش من زمان اوي يعني :) من أيام أول قصيدة عمودية كتبتها في حياتي وكنتِ أول متذوقة ليها .. ربنا ما يحرمني مرورك الرائع وتذوقك الجميل لموضوعاتي يا رب:) |
يااااااااااااااااااه يا أستاذ أحمد
بجد حضرتك رائع أنا مش عارف أقول ايه بس كل كلمات الإطراء خلصت ومعتش لاقى حاجة أقولها بجد حضرتك كبيييييييييييييييييير أوى وأنا كل يوم بتعلم من حضرتك حاجة جديدة دمت مبدعا أستاذى الفاضل |
| جميع الأوقات بتوقيت GMT +2. الساعة الآن 08:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.