|
شاركوني الرأي والقرار
أخواني الأعزاء المشرفين الإداريين اتصل بي العضو محمد علي2007 والذي تم إيقافه إيقافاً نهائياً وهو أيضاً صاحب العضويات الموقوفة (بحبك تاني ، محمد علي الشاعر ، محمد علي تاني ، محمد علي تالت) وهو الآن على المنتدى بعضوية (مش محمد علي) العضو كلنا نعرف أسباب وقف عضوياته وهو يعتذر ويتعهد بعدم التكرار ووعدني بذلك فهو يحب المكان ويحب أن ينتمي إليه أرجو أن نضع سوياً آلية لرجوعه أو آلية لرفض رجوعه مع أني من أكثر الغاضبين منه والله يعلم بذلك ولكنه يلح علي إلحاحاً شديداً أرجو مناقشة الأمر لنصل إلى قرار نهائي بشأنه إما الإصرار على إيقافه ودخوله بعضوية جديدة مع التزامه بتعهداته وإما العفو عما سلف ورجوع العضوية الأصلية له مع تحفظي على هذا الحل وإما الضرب بمحاولاته بعرض الحائط أنا فعلاً أحرجت منه ولا أدري ما العمل شاركوني الرأي لو سمحتم |
بالنسبه لرجوع عضويته القديمة فتقريبا مظنش ان دا حل متاح او ممكن
يعني ببساطه هو غلط واتعاقب فالبتالي مينفعش تمحي العقوبة بالنسبه لمشاركته بعضوية جديده او استمرار حظره ومنعه من المشاركات انا شايف ان حضرتك مُلم اكتر بالموضوع يعني حضرتك لو شايف انه لو رجع اكيد مش حيكرر نفس الموضوع او حيكون اسلوب تعامله افضل فاكيد انا مع رجوعه بعضوية جديده لو شايف ان الموضوع فيه احتمال انه يتكرر تاني يبقي يستمر منعه م المشاركه |
لا مش موافق على رجوعة نهائيا
لان سبق وتعهد ليا شخصيا اكثر من مرة بعدم التكرار ولحضرتك استاذ احمد يوم ما كلم زوجتك بعدم التكرار وسبق وتم ايقافة اكتر من 6 مرات بسبب نفس الموضوع وهيتعهد تانى ومين يضمن فى كل مرة ؟! مش موافق على رجوعة نهائيا فى رعاية الله |
يا محمد أنا مش بقول رجوعه .. أنا بقول مشاركته بعضوية جديدة مع الحفاظ على تعهداته وتقدمه باعتذار أيه رأيك ؟
دا عاوز يجيني بورسعيد يعتذر لي شخصياً ويجيب المدام بتاعته معاه تعتذر للمدام عندي ومكبر الموضوع أوي حاول يا محمد تشوفلها حل وانا معاك في اي حاجة |
بصراحة انا محتار
وحيرتى بين امريين الاول : تجاوزات العضو التكررة ومنحة اكتر من فرصة . الثانى : اعترافه بالخطأ وتعهده بالالتزام . ولا يرضينى نفسيا مشاركته . ولكن روح التسامح والمغفرة يجعلنى موافق بان يشترك بعضوية جديدة ويكون اسمها : محمد على اتغير ويمكن اتخاذ اجراء مستقبلا بالايجاب او السلب بناء على صدق رغبته فى التغير والالتزام وعام هجرى مبارك وكل عام وانتم بخير |
عن نفسى موافق رجوعه بعضوية جديدة
ويتعهد بعدم التكرار وتبقا دى اخر فرصة اصلنا بردو مش ميكة دمتم فى رعاية الله |
اقتباس:
وعلى فكرة يا جماعة أ/ ممدوح له أكبر الأثر إني أعفو عن محمد علي ربنا يعفو عنا جميعاً يا رب يبقى أيه رأيكم يعمل محمد علي عضوية جديدة ويا حبذا إنها تكون تحمل معنى التغير والتعهد بالفعل بعدم العودة لأي تجاوزات فإن صدق كان بها وإن لم يصدق .. أوقفناه |
والله انا مش عارف اقول
يظهر انى وصلت متاخر بس برضه هاقول رايى انا شايف ان احنا نخليه يدخل بعضوية جديدة ونخليه تحت المراقبة اسبوعين كده واذا تم مخالفة تعهده نطرده نهائيا من المنتدى وارجو تقبل رايى المتواضع دمتم فى رعاية الله |
| جميع الأوقات بتوقيت GMT +2. الساعة الآن 08:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.