|
طب دا بالنسبة للنقاب امال بالنسبة للبناطيل الضيقه والميني جيب
السلام عليكم ورحمة الله وبركاته والله زمان ياجماعة المنتدي اتغير جدا والاعضاء اتغيرت جدا واللي كان مشرف بئا عضو واللي كان عضو بئا مشرف وحاجات كتير ربنا يوفقكوا ويتحسن كمان وكمان انا بصراحه كان الموضوع دا مخليني مستعجب شويتين ومش لاقي مكان اقول فيها وجهة نظري غير هنا يعني موضوع منع النقاب الجديد دا بجد ظاهرة جامدة اوي امبارح سمعت الو(زير) كان بيتكلم عن ان النقاب بيجي علي فترة الامتحانات وبيزيد ودا ملوش غير تفسير واحد ان النقاب وسيلة سهلة للغش طيب ياعم الوزير انتوا دلوقتي ماشاء الله بتلاقوا حلول لاي مصيبه في البلد جيتوا علي النقاب ومش لاقيين غير الحل الجذري دا طيب يا باشا انا اهو واحد عندي 19 سنه ممكن امليك شوية حلول ممكن في اول السنة خالص تكتب كشوفات بأسماء المنتقبات وتمنع انضمام حد جديد للنقاب قبل الامتحانات بشهر ولو حصل وواحدة انتقبت يبئا هي اللي تصرف بئا ويبئا انت كدا عداك العيب ممكن تخلي مجموعة من السيدات يكشفوا وجه كل منتقبه للتأكد ولو عايز كمان ممكن تفتشها لو انت خايف اوي اوي يعني والحلول دي صعبة علي تفكير سعادتك ممكن تعمل لجنة خاصة للمنتقبات اه هيكون وجه من اوجه العنصرية بس اهو حل برضو بدل ما تتعدي علي حريات الاخرين ومعتقداتهم اصل يعني تبئا قلة ادب اوي يعني اننا نمنع النقاب ونسيب البنات اللي بيكونوا رايحين الجامعه وكأنهم رايحين كبارية والبنطلون هيطرشق منهم وكأنهم بيقولوا للولاد والنبي بصوا علينا او الجيبات اللي تحت الركبة بشوية او او او او اشمعني النقاااااااب هو اللي وقف في زور فخامتك و عملتله قانون لوحده مفكرتش في نفسية البنات دول لما يحسوا انهم مقهورين مفكرتش انك كدا بتخليهم يتخلوا عن مبادئهم وبتربي فيهم سياسة التنازل مفكرتش انك بعد كدا هتطلع جيل مكسور من جواه وحاسس انه ملوش قيمة في البلد وهما دول بئا بجد اللي لازم هتخاف منهم ومن ثورتهم يا وزير يا محترم يا مفكر مفكرتش في الحاجات دي كلها امال انت وزير ليه؟ همك ترضي اللي فوقيك واللي همهم الاساسي يرضو ماما امريكا من كل قلبي والله ربنا معاكوا لكل الاخوات البنات وكل تحياتي واحترامي للمنتقبات دا كل اللي اقدر اقوله واسف جدا علي الاطالة |
احلى حاجة انك قلت وزير
وعندك حق والله والمفروض ميجيش عالمحترمات المنتقبات وييجى على البناطيل والمينى جيب ويقول لا دى حرية شخصية والله حرام |
اقتباس:
مش دا الوقع مش هو وزير برضو :d نورتني بردك يا باشا :) |
طب احنا حنرد نقول ايه بعد ما انت قلت كل حاجه
ما هو زير حد بياخد على الزير مالهو هو مكنش زير مكنش اصدر قرار زى دا |
اقتباس:
علي رايك يا عم احمد الف سلامة عليك يا ريس ربنا يخفف عنك وتقوم بالسلامة تقوم بالسلامه |
اقتباس:
البرد مدوخ اخوك والله يابنى ادعيلى بالله عليك |
اقتباس:
الف سلامة عليك يا احمد وربنا يشفيك ويخفف عنك ان شاء الله |
حمدلله على السلامة يا عادل
انا معاك فى كل كلامك عدا الاقتراح دة اقتباس:
لكن الباقى انا معاك فيه عودا حميدا |
اقتباس:
لا طبعا مش القصد هي ممكن تلبسه وكل حاجه بس قصدي انه لو القرار دا من اول السنه محدش هيقدر يغلطه علي اساس انه مجاش علي الاخر وصدم كل الناس يعني الغرض من الاقتراح انه ميطلعش قرارات جذرية في وقت قصير جدا وميكونش في مهلة للناس انهم حتي يتصرفوا هو ممكن يكون اقتراح مش موفق اوي يعني :romarioxp6: بس الواحد نفسوا يبطل اي حجة للو...زير دا :d شكرا علي رد حضرتك ومعلش لو كان الاقتراح دا مش موفق:slap1qk6: |
حسبنا الله ونعم الوكيل بجد
جايين فى وقت رهيب ويعملوا الحكاية دى؟\ والله والله مامسكت كتاب ولا عارفة امسك كتاب اصلا كل يوم احلام على اللى هايحصل يوم الامتحان شغل العقل بصورة كلية وعاوزينا بعد كل ده نركز فى الامتحان ونتفوق؟؟؟؟ ازاى اتخيل اخلع النقاب فى اللجنة قصاد المراقب والاولاد وعلشان مغشش ؟؟؟ هم فاكرينه ايه فاكرينا شوية عيال ولابسينه لعبة مستهونين بساعتين والله اعلم الساعتين دول هايكون حالنا فيهم ايه وفى الاخر يقولوا المنتقبات متخلفات انتوووووووا اللى بتدورا وتلفوا علشان نبقى كدة وغصب عنكم كلكم وغصب اى حد مش هانقلع النقاب وهانحضر الامتحان باذن الله ومنا اللى هيكون المركز الاول والتانى والتالت ان شاء الله وليموتوا بغيظهم وفى الاخر لو خيرونى بين الجامعة والنقاب هاقول النقاب طبعا وربنا يحفظ اخواتن المنتقبات وان لبعد العسر يسرا ان شاء الله وجزاكم الله خيرا على تقليب المواجع |
اقتباس:
حسبنا الله ونعم الوكيل |
حسبي الله ونعم الوكيل
لان جد عذبونا في مساله النقاب وشيخ الازهر يقول لما اجي لاي معهد ترفعوا النقاب قدامي انا وي ابوكم ؟؟؟؟؟؟؟؟؟؟ حسبي الله عليهم |
اقتباس:
والله مش عارف اقول غير ربنا معاكو ويعينكوا وكفي بالله حسيبا واسف والله علي تقليب المواجع بس هنعمل ايه |
للاسف ..
الدنيا دى بقت غريبه.. وامريكا بقت رئيسه كل العالم ..وبتعمل كل حاجه بمزاجها ومحدش يقدر يقولها ((لأ)).. امتى بقى نقول ((لأ)).. |
بجد كلامك يا د / زومبا اختصر حاجات كتير اوي
انت قلت الحلول اللي إحنا طالبنا بيها حسبي الله ونعم الوكيل |
| جميع الأوقات بتوقيت GMT +2. الساعة الآن 08:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.