يا جماعة الخير محتاج مساعده بجد
 

السلام عليكم ورحمة الله و بركاته...

و عليكم السلام و رحمة الله و بركاته

نحن فى الخدمة .. لو هعرف اساعدك يعنى

متشكر يا باشمهندس ده ولاهى كان عشمى...
اولا نتعرف : انا اسمى(Pr3ttySparrow) ده طبعا الاسم بتاع المنتدى.. انا فى سنه 2 ثانوى عام (علمى كيمياء)
طبعا حاجه غريبه ان واحد زيى يبقا موجود مع حضراتكم فى القسم ده لكن كل اللى اقدر اقوله ان المساعده اللى انا طالبها لازم تكون من حد اكبر منى::سنا,,علما,,خبره:: وعلشان كده انا هنا
انا على فكره كنت هحط الموضوع ده كامل من اول يوم لكن النت عندى فصل و لسه جاى من حوالى ساعه
__نيجى بقى للمهم__
الخدمه اللى انا طالبها من حضرتك و من باقى الاخوه الاعضاء هى::
ان انا عاوز حد يساعدنى انى احسن مستوايه فى الرياضيات اقصد احل كل السائل مهما كانت درجة صعوبتها و الى حد ما بسرعه
اصل المشكله ان انا ممكن فكره جامده شويه توقفنى و تاخد منى وقت جااامد بس فى النهايه بتطلع صح(مش كله عشان مبقاش كداب)

باختصار:: ازاى احل المسائل ب(سرعه__دقه)؟؟؟؟؟؟

الحقيقه ده كان اول طلب و لسه واحد كمان(شكلى كده تقيل صح)؟؟؟
ممكن حد يدلنى على كتاب فيه كل قوانين رياضه(1) شرحها و اثباتها حتى لو مفيش امثله عليها
وده طبعا مش هستخدمه السنادى
ده هيبقى شغلى فى الاجازه علشان اجهز نفسى لرياضه(2)
ياريت اى حد من اخواتى الكبار(اسمحولى انول الشرف ده) يساعدنى لو يقدر

وعليكم السلام ورحمة الله وبركاته

هو ايه حكاية التهييس اللى شغال في القسم اليومين دول
ولا انا اللى جاي مهيس من الامتحانات :d

المنصوره
 

السلام عليكم...
اولا احب ارد على الاخ اللى بيقول ان ده تهييس
انا والله كنت هحط الموضوع كامل لكن النت فصل عليا
و انا على فكره كملته لكن بجد مش فاهم ليه مبيتنشرش

المنصوره
 

بسم الله الرحمن الرحيم...
انا مضطر اكتب الموضوع مره تانيه و امرى لله(منعا لاى ظن ان انا بهيس زى م الاخ BaNZer اتفضل و قال) وعلى فكره انا مأدرش الومه
انا نفسى لو كنت دخلت ولقيت الموضوع على حاله ده انا قطعا كنت هقول ده تهييس
.................................................. .................................................. .................................................. .......
نيجى بقا للمهم
كلاكيت تانى مره
انا (Pr3ttySparrow) ده اسم الAcc بتاع المنتدى........... 2ث.ع
طبعا حاجه غريبه.. ازاى واحد زيى يبقى موجود هنا
لكن ده لسبب::: ان انا بحب الاستفاده من خبرات الناس اللى اكبر منى و كمان حاجه تانيه(ان انا باذن الله ناوى ادخل هندسه)
::الطلب::
هما طلبين مش واحد باختصار على امل ان المشاركه اللى فاتت تتنشر
1 ::: انا كنت عاوز حد يدلنى على طريقه لحل مسائل الرياضه بسرعه و دقه
2::: كنت عاوز من حضراتكم اسم كتاب يكون فيه قوانين الرياضه(من أ_ى) بالاثبات بتاعها
اقصد بالرياضه(رياضه 1 و طبعا الهندسه بتاعة اعدادى تقريبا كان اسمها هندسه تحليليه )
وياريت سؤال اخيرٍ.... اد ايه المده اللى تاخدها الاداره لما توافق عالمشاركه؟؟؟؟؟؟؟؟؟؟؟؟؟ .................................................. .................................................. .................................................. .......
انا فى النهايه احب اشكر حضراتكم
و احب اعتذر عن انى حطيت الموضوع ناقص(اقصد فاضى ان صح التعبير) لكن زى ما قلت والله النت فصل لمدة ايام و دى مساله قدر ماليش دخل فيها... يمكن ليا دخل لانى نحس؟؟؟؟؟؟؟؟؟؟؟؟؟؟ ^^الله اعلم^^

بالنسبة لكتاب في قوانين الرياضة كلها اول مرة افكر في حاجة زي كده
ومعتقدش يبقى فيه كتاب حيقدر يحتوي كل القوانين دي
اصل هي مش كلها ميكانيكا واستاتيكا حنحسب السرعة والمسافة والشغل والثقل
حيبقى عندك حاجات اسمها طرق حل المتسلسلات وطرق حل المعادلات التفاضلية وطرق حل المعادلات من الدرجة معرفش الكام وازاي تحل معادلة في اكتر من 3 مجاهيل وحاجات كتير

إنك تحل المسألة بسرعة ودقة معتقدش في حاجة اسمها حل سريع وحل طويل
انا في رأيي الحلين زي بعض بس واحد منهم بفصله زيادة

وده بيتوقف على فهمك للمعطيات
وده بيحصل لما المعطيات تكون قدامك كتير

احياناً مبيكنش عندك غير معطى واحد او شرط واحد ومثلا ثابت انت حافظه مع نفسك وتحل بيها مسألة صفحتين
واكيد مش حيبقى في قدامك غير طريقة واحدة

فإنك تحدد طريقة ثابتة للمسائل دي يكاد يؤول للمستحيل
وعامة انت في اعدادي هندسة حتاخد كتير من اللى اخدته في ثانوي بس على اوسع وبطرق اكثر شمولاً
ولو كنت في المدرسة بتحفظ طرق ثابتة حتلاقي الدكاترة في هندسة بيحلو معاك بطريقة غير الطريقة اللى في الكتاب غير طريقة المعيد
وانت بتنقي الاسهل في نظرك
السهلة بس الطويلة او السريعة بس الملخبطة ومحتاجة تركيز

بالنسبة للجزء الخاص بالموافقة على المشاركة
فده بيحصل لما انت تكتب بمشاركة كضيف غير مسجل
فلازم المشاركة تعدي عالادارة اولاً او مشرف القسم يوافق عليها وبعدين تتحط عادي
يعني في المرة الجاية ابقى حط مشاركتك بعضويتك اللى كتبت بيها الموضوع اول مرة


عادي ياعم طول مانت في القسم الهندسي لازم تهيس
ولو محطش مصطلح تهييس ده في قاموسك يبقى متدخلش هندسة :d

عزيزى قليلا ما نجد اناس مثلك

ذكرتنى بنفسى

اراسلك على الخاص بأذن الله

بص يابشمهندز -ان شاء الله يعنى-(مظبطك اهو :d)
دلوقتى عشان تحل المسائل بسرعة وبدقة فالحل انك تحل كتير
بس تبقى فاهم اللى انت بتحله
وتشوف الحتت الصعبة اوى فى منهجك وتسأل فيها الاستاذ بتاعك لو معرفتهاش
لان تلت تربع المدرسين بيدوكوا الحجات اللى هو شايف انها هتيجى فى الامتحانات وخلاص عشان تنجحوا وبيفكسوا للحجات اللى ممكن تبقى صعبة
وده اللى حصل معانا فى امتحانات 2008 دى
والحمد لله حصل اللى حصل ولبسنا فى الحيط :d

المهم كمان انك تكون بتستخدم ألة حاسبة واحده لان دى بتديك ability اكتر انك تبقى اسرع لانك بتكون اتعودت عليها

كمان حاجه
حاول وانت بتحل ماتلفش وتدور فى المسألة
حاول توصل لهدفك من الطريق القصير
ومش كل مسألة تقول لا دى صعبة ومش هعرف احلها لان هو ده اللى بيصعبها

اقدر اقولك ان امتحان الفيزيا فى اعدادى هندسة عندنا الميد تيرم عبارة عن 10 مسائل كلهم اختيارات بس
واقدر اقولك بكل فخر برضه ان 1قول ييجى 7% بالكتير اوى يعنى بس من الكلية كلها تقريبا اللى جايبين 20 من 20 فيها :d
على فكرة انا هندسة عين شمس نسيت اقولك
ونسيت اقولك انى رغاى اوى :d
عشان شكلك جديد ولسه ماتعرفش ابو كيمو :d

المهم احنا جبنا كده لان اه الامتحانات كانت فيها تريكات كتييير
بس المسألة لو جبت التريكة بتاعتها تحلها فى سطر من الاخر
فانا بقولك كده عشان اما تيجى تحل تحاول تفهم هو ايه اللى مطلوب
مش تقعد تكتب صفحتين تلاته وفى الاخر تكتشف انك بتلف حولين نفسك ;)


بالنسبة للكتب ابحث مع الشرطة بقى :d


اه كمان نصيحة
بلاش تصدق اى حاجه بنظر يقولها :d

الف شكر يا ابو كيمو

يا جماعه انا كان ليا سؤال
اييييييييه الفرف بين هندسة بترول السويس و هندسة القاهرة قسم بترول و تعدين؟؟؟
و لما ان شاء الله ال 2 يسافروا بره هل يبقى حد فيهم مميز عن التانى؟؟

sorry اقصد ايه الفرق,

بترول السويس متخصصه واحسن من القاهره وطبعا في اي شركه جوه او بره مصر هيبقي مهندس السويس احسن ومتفضل علي مهندس القاهره

احم احم ...وسع يا جدع عشان فيه كلام مهم حيتقال

الحقيقة يا ابنى انا حديك خلاصة تجربتى فى الحياة قبل ما اموت ..

بالنسبه لرياضة 2 اى اى رياضة بصفه عامه مافيش حاجة اسمها وصفه سحرية تخليك تحل المسائل بدقة وسرعة لان الدقة ما بتجيش غير بالتركيز والسرعة ما بتجيش غير بالحل الكتيييييييييييييييير للمسائل

بالنسبة لواحد كان مجنون فى الثانوية العامة زيى كنت مصاحب كتاب غلس وغتت ودمه تقيل اسمه((((( لامى ))))) وده كنت بحاول احل اكبر كم ممكن من مساءله رغم ان كان فيه مسائل كتير فوق مستوى الامتحان كنت لما اخد بريك بين المواد احل فيه ....لما ازهق اطلعه احل فيه ...قبل ما ابدا مذاكرة احل لى مسالتين وكده يعنى


خلاصة الرغى اللى مش جايب همه ده : حل الرياضيات بالذات عايز منك تركيز كبير قوى عشان يكون دقيق وعايز منك حل مساءل كتير عشان تكون سريع



ياريت تبلغنا تطوراتك

اخوك المطحون فى هندسة : مهند