|
هل انت مع أم ضد الجدار الفولاذي ؟؟!!
السلام عليكم ورحمة الله وبركاته سأتحدث اليوم عن موضوع جاري في حياتنا المعاصرة الكل مغمض عيناه عنه لا أعلم لماذا؟!!! نعم ... لقد مر عام علي الغزو الغادر لغزة ولم يتغير حال العرب بل ازداد سوء وزداد ضعفهم وجهلهم بل بدأ حكام العرب يمزقون عربوتهم ويقتلون الشعب الفلسطيني http://www.moheet.com/image/67/225-300/679730.jpg هذا ما يظهر واضحا في الجدار الفولاذي الذي تبنيه الحكومة المصرية هذه خيانة معلنة كيف تسمح لنفسها هذا...!! لماذا ...!! وأشياء كثيرة أخري هي يعني مش بترحم ولا بتسيب رحمه ربنا تنزل:slap1qk6: هذه الممرات كان يهرب من خلالها السلاح للمجاهدين في فلسطين بل الأهم من ذلك هو الغذاء ولبن الأطفال الذين يهرب من خلال هذه الممرات حيث يقيم اليهود عليهم حصار حتي يجعلوهم يموتون جوعا وهذه الممرات هي تعد مساعد لهم ولكن الفاجعة الكبري ان بعض المصريين لا يفكرون الا في الخناقة المصرية والجزائرية خلاص كل حاجة خلصت مش باقي الا الحاجة دي بنيجي في الهيفة ونتصدر :stickjo4: والحكومة المصرية بتقول ال ايه حماية حدود مصر من ايه بقي ان شاء الله اذا كانت مصر فيها اسرائيل عايزين تحموها من ايه بقي ؟؟!! يعني اعدائنا في ارضنا وبنقول مش عارفة ايه.. ربنا يشفي مشفتش يعني حد غضب علي الجدار دا عايز يعزلوا مصر عن فلسطين بجد مش متخيلة ؟!! يعني مش كفاية اللي هم فيه .. مش كفاية ان كل واحد فيهم متوقع انه يموت في كل لحظة عشان حكومة مصر تنبسط .. الحكومة الشامخة .. حكومة الخيبة بدل ما تدفع الفلوس علي جدار أفضل أنها توفر شغل للشباب بدل ما تصرف الفلوس دا وتبني الجدار علي حسابها الخاص بتكاليف باهظة .؟..وفي الاخر الحكومة المصونة تقول بحمي مصر...!!! دي اسمها خيبة من العيار الثقيل سؤال ياجماعة:: هل انت مع أم ضد الجدار الفولاذي ولماذا؟؟!!:bosyht9: مع ان رأينا الحكومة أصلا مش يهمها الشعب ولا اي حاجة اهم حاجة نفسها بس يلا ع الاقل نطلع اللي جوانا |
اقتباس:
ازاي اسرائيل بتدخل وتخرج من مصر واحنا دلوقتي بنقول عايزين نحميها لا حول ولا قوة الا بالله |
الحقيقة انا مع بناء الجدار
|
اقتباس:
اقتباس:
مفيش مانع اسرائيل الاخت الكبيرة بتاعتنا :d تدخل تسلم وتمشي مادام مش داخلين باحزمة ناسفة ولا رشاشات الي لكن اسلحة تتهرب في قلب سينا ده بيشكل خطر طبعاً على الحدود خاصة بعدما ظهرت اصوات حالياً من جميع الدول العربية تصف مصر بالخيانة والعمالة ! بل واصبح الكثيرين الآن مستعدين لضرب مصر واعتباره نضال في سبيل الله وقتل الخونة ! متجاهلين كل تاريخ مصر والعرب وفضل مصر على العالم كله وليس على الوطن العربي فقط وإن اردنا ان نتكلم بواقع سياسي قليلاً الاسلحة بتتهرب لمين ؟ حماس ؟ احد تنظيمات الاخوان اللى الدولة بتحاربها في مصر ! حتروح لمين ؟ لفتح ؟ للفصيلة العميلة التي تحارب المجاهدين في غزة ؟ للشعب المناضل المنقسم لفصائل تتصارع فيما بينها ؟ وإذا كانت القوافل منعت بشكل رسمي من المرور بمعبر رفح يبقى ايه لازمة اللى حيعملوه بعد كده اذا كانت القرارات دي غير محترمة بوجود الانفاق مهما كان اللى بيروح اكل ولا سلاح فهو في النهاية يعتبر تهريب لانه بصورة غير رسمية واذا كان اعتراضكو اننا بنقفل جميع السدود تجاه اللائجين فهما قالو بنفسهم احنا مش حنسيب وطننا عشان نهج ونسيبها لليهود بعد كلامي ده انا مقلتش إني موافق على بناء هذا الحاجز بس مش موافق برده على بعض كلام بيتقال ورجال السياسة ادرى بالسياسة ومن حق مصر فرض سيادتها على حدودها |
السؤال اللى بيدور على اجابة
لما احنا عارفين ان فى انفاق تهريب على الحدود من زمان والحكومة عارفة كدة ومنفضة بمزاجها او مش بمزاجها ايه اللى جد وايه اللى حصل يخلينا فجأة نفجر الأنفاق ونعمل حائط فولاذى مكلف جداً فى وقت قياسى ؟! ايه السبب ؟! يا ترى حد عنده اجابة مقنعة ! |
بصراحة كل مسلم عنده شوية إحساس
وبيحس بإخوانه فى فلسطين هيقول طبعا لأ طبعا لأ لحاجات كتير . إزاى تقولى موافق ومع بناء الجدار .هو هنبقى احنا والصهاينة على فلسطين مصر ببنائها هذا الجدار تشارك فى حصار الفلسطينيين وبعدين اللى يقول أمن مصر ومش أمن مصر ما هى الأنفاق دى من زمان ايه اللى حصل لأمن مصر وبعدين بالله عليكم بردة هما الفلسطينيين اللى عاملين خلل فى أمن مصر ولا مين؟ ومولد أبو حصيرة أهلا وسهلا بالصهاينة على أرضنا أعتقد إن مفيش مسلم غيور على دينه يرضى بالمهزلة دى يعنى الصهاينة جدار عازل ومصر جدار فولاذى؟؟؟؟؟؟؟؟؟ أظن أصبح فيه تشابه كبير بين أنظمتنا العربية وأنظمتهم! قصة الجدار الفولاذى من الأصل فكرة صهيونية وده مش كلامنا ده كلام قنصلنا السابق فى إسرائيل فى برنامج ع الجزيرة فى 2007 يبقى نظامنا بيعمل إيه بينّفذ من غير كلام كده زى الشطار أتمنى اننا كلنا نراجع نفسنا ونفهم كويس إيه اللى بيحصل حوالينا...... |
اقتباس:
أكيد هحترم رأيك بس ليه ؟!! يمكن تكون وجهك نظرك ف محلها نسفيد برده:d نورت الموضوع |
انا عايز اتكلم في كام نقطة كده بس من الاول كده انا مش بدافع عن النظام في مصر ولا الرئيس مبارك.
1-طبعا طول الفترة اللي فاتت الانفاق موجودة بعلم الادارة المصرية و عارفة انه بيدخل سلاح قبل الاكل و الشرب و الدواء. طيب ليه حماس مصدعانا بموضوع فتح المعابر و هم شغالين الله ينور من الانفاق؟و كمان مش مجرد مساعدات لا في ناس كتيرقالو ان حماس بتعمل بيزنس و تقبض على كل نفق يتعمل. 2-مش يمكن المخابرات المصرية فعلا اكتشفت مخطط لعمليات تفجيرية في سيناء باستخدام الانفاق؟. اصل في الحالة دي المخابرات هتبني الجدار و في نفس الوقت مش هتقدر تقول عن السبب..لان في مواضيع حساسة مش هتقدر ترد على الاعلام فيها. 3-حماس كانت بتسيح لمصر و بتقول انهم بيجيبو سلاح من الانفاق..و ده مش غريب لان فعلا مفيش حتة تانية ممكن تكون بتجيب سلاح لحماس.طيب انت عارف ان مصر و اسرائيل في اتفاقيات بينهم و مصر كتر خيرها انها بتساعدك في السر .. بتسيح كمان؟ 4-معبر رفح بيتفتح مش زي ما الاعلام بيظهره انه مقفول على طول..بيتفتح يومين كل اسبوع. و مصر بتدي مساعدات كتير جدا و موضوع القوافل ده مش زي ما الناس فاكرة ان مصر مش بتدي مساعدات فالقوافل دي جاية تساعد. 5-انا مع حماس في حربها مع اسرائيل..بس الفرق بين حماس و مصر. ان مصر دولة عليها مسئوليات قدام شعبها و قدام المجتمع الدولي..لكن حماس مش بتتحمل المسئولية..يعني بالبلدي كده هي بتحكم و احنا نأكل....مش قصدي ان ده فضل على غزة و على حماس. بس اقصد ان كل العالمالعربي و حماس لازم يقدرو ان مصر دولة مش حركة ولا تنظيم..و مش حاجة جديدة اننا نقول ان مصر عندها ااتفاقيات مع اسرائيل. |
ده اللي ناقص
|
اقتباس:
بتعلم فيكم الفصحي:p اقتباس:
فيه علاقة ان لحد دلوقتي فيه ناس دماخها مشغوله بالموضوع وكمان التوتر بين الشعبين خلي الشعوب عايزة تنتقم من بعض وسيبين الموضوع الرسمي اقتباس:
أكيد فيه حاجات كثيرة بس الاكيد ان كل حاجة هتتعرف في وقتها اقتباس:
كويس انك مش موافق علي الجدار بس مش كل حاجة بتتعامل في مصر يبقي المختصين فيها ادري لانهم مش بيعملوا اللي الامور الخارجية اموار من ناس خارج مصر والحكومة المصرية بتمشي وراهم ربنا يهدي نورت ياباشمهندس |
اقتباس:
وكمان عايزة تقوم البلاد العربية علينا عشان محدش يقدر يتكلم عن فلسطين ولا عن القضية وكمان تطرد الفلسطنين من وطنهم حاجات كثيرة نورت الموضوع |
اقتباس:
مفيش مسلم يرضي بالمهزلة دي نورتي الموضوع |
اقتباس:
هل مفيش حد في فلسطين بيقاوم الا فتح وحماس لا طبعا فيه ناس تانية كثيرة بتقاوم وبدافع عن فلسطين اكثر من الناس دي بس الفرق ان اللي بيعملوا في السر دول عايزين يحرورا القدس فعلا والناس الثانية الله اعلم بالنوايا وبعدين مصر والدول العربية مفروض وخلي بالك من مفروض دي تساعد فلسطين لانها عربية وكلنا عرب يبقي ازاي نسكت ومش نتكلم دا في حد ذاته عيب كبير علينا كلنا بس لازم تفرق كويس بين مصر والحكومة المصرية فالحكومة المصرية لا تمثل مصر بشعبها الطيبة اللي نفسه فعلا يحرر القدس ونردها وبعدين فيه حاجات اسرائيل اهم ولا فلسطين اكيد فلسطين يبقي مش مفروض نبرر موقفنا عشان نحسن الصورة ادام نفسنا نورت الموضوع |
ماذا قدمت لنصرة المستضعفين ؟
ابنى لكن اجب ؟ لماذا تم التفكير فى الجدار الآن فقط ؟
لماذا لا يبنى جدار على حدود اسرئيل ؟ من اخبرك ان معبر رفح يفتح يومين فى الاسبوع ؟؟ ما حصلش عندما قرر سادتنا فتح المعبر يومين تلاتة فى يناير نشروها فى العالم وفى الاخر - المعبر مفتوح للأفراد - ((مش مساعدات- مش محتاجة شرح )) انا بالطبع لا انفى المسئولية عن كل مسلم فى العالم وتزيد سخريتى من اى رئيس عربى مسلم ينطق بربع كلمة فى حق مصر ؛ لأنه ببساطة لم يقدم شىء (( واللى بيته من........)) ============= وبعد بناء الجدار ومصر مرهقة بـ........ ومشغولة بـ......... الميزانية مافيش ولن تتحمل شعب تانى !!!! لكن ؟ لماذا تمنع المساعدات القادمة من الخارج ؟ ماتقولش ما بتمنعش - لكن قل للضغط على حماس ============== حماس السبب .. ماشى ....وفتح . ... اوكى ما ذنب شعب آخر محاصر من حماس ومن اسرائيل ومن المسلمين لاذنب له الا انه ولد فى فلسطين ؟؟ |
اقتباس:
ربنا ينتقم من الظالم ويوحد العرب والمسلمين في الوقت دا بس هنقدر نتكلم وندافع عن فلسطين نورت الموضوع |
| جميع الأوقات بتوقيت GMT +2. الساعة الآن 02:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.