|
السلام عليكم ورحمة الله وبركته
لفت نظرى يا جماعه فى الفترة الاخيرة نقطتين مهمين جدا يمكن بيحصلوا دايما مع ناس كتير أولا : تلاقى مثلا مجموعة من الشباب ماشيين وبعدين تعدى من جنبهم واحده متبرجه ويجى واحد مثلا يعاكسها يقوله لا يا عم مينفعش دى اخت واحد صاحبى ومينفعش . ثانيا : فى مره جماعة من اصحابى واقفين وفى بنت متبرجة معدية من جنبهم ولا بسة بقى طقم ايه مقولكش واخوها واقف من ضمنهم وفجاة واحد بيقول شفت البت "من غير اسم " لابسة ايه واخوها واقف تخيل المنظر ده . يا جماعه الموضوع ده مر عليا كتير جدا وفى ناس والله من اعز اصدقائى واخواتهم فى قمة التبرج وانا بتحرج جدا لو لقيت اخته ماشية فى الشارع والناس ماشية تتفرج او تبص عليها وفعلا ببقى نفسى اكلمه بس بخاف انى اجرحه رغم ان فعلا من واجبى انى اجرحه وكمان والله اصحابى دول غاية فى الاحترام . بس فى بنات فعلا امهاتهم بتشجعهم على كده وانا شفت بعينى الكلام ده اللهم اهدى بناتنا واخواتنا وامهاتنا وجميع نساء المسلمين وحفظهم من التبرج اجمعين انا عايز اعرف بس رايكوا فى الموضوع ده ايه |
::::::::::) لا تعليق ::::::::)
اولا المووضوع ملوش اي لازمه وقلنا مليار مره يا اخ طالب الجنه ( ياللي كنت كمل كلامك ) وللمرة المليار وواحد ليس اللبس مقياس لأخلاق البنت بس لأننا شعب متخلف وسوري في اللفظ وتفكيرنا م العصر الحجري بنفتكر ان اللبس بيحكم على شخصية البنات فيه بنت بتبأى لابسة كامل اسلامي بس للأسف سلوكها منحدر جدا انا مقولتش ان اللبس دا حلال طبعا كل ما يظهر مفاتن المرأة حرام رابعا انا مش بشغل نفسي بأي بنت ماشية في الشارع وهقولك مبدأ ومكنش لازمه للموضوع من اساسه انه اللي مترضهوش لأختك مترضهوش لأي بنت ولو مش محترمة وكما تدين تُدان واخر كلمة انا ملياش دخل ياعم لو بنت لابسه ايه ان شاء الله متكنش لابسه ليها اهل وليها اخوات يقدروا يقنعوها بكدا انا ملياش دخل بيها لاني ملياش اي علاقة بيها ولو زميلة صاحبي هي حره عندها اخوها يحكمها او لأ مش عارف ايه المواضيع دي فايدتها ايه يعني؟ متزعلش من ردي بس دا رد صح مكنش لازم الموضوع دا يعني عشان سؤال سيادتك العبقري ردي ساخر جدا بس بيعبر عن كلام من منطق صح سلام بأى |
انا من راى البنت
لا الشكل ولا الميك اب ولا البس مقياس للبنت على راى المثل كل الاى يعجبك والبس الاى يعجب الناس ;) |
طب اقولك على موقف اصعب من ده
واحدة اعرفها كانت زميلتى فى الثانوى لبسها ضيق اوى وليها اخ كبير وهى كانت بتكلم ولاد و اخوها عارف وساكت !!!!!!!!!!!!!!!!!! عارف لية ؟؟؟؟ عشان هو كمان بيكلم بنات وعايزها تدارى عليه!!!!!!!!!!!!!! ده يبقى اسمه راجل ؟؟؟؟؟؟؟؟؟؟!!!!!!!!!!!!!!! انا عمرى ما بحترم ابدا الولد اللى يكون شايف اخته او اى حد من اهل بيته لابس وحش او بيتصرف تصرفات كده وسايبه لان ده مايبقاش اسمه راجل وهو لو مامتها موافقة هو لازمته اية ؟؟ على العموم ربنا يهدى شباب وبنات المسلمين وشكرا على الموضوع |
انا مع البري ان المصرررين متخلفين ههههههههههههههههها
هو قالها بنفسه بس جدعان ودمهم خفيف وحبيبي وهكمل بس مش دلوقتي |
لا الصراحه يابرى انا مش معاك فى كلامك
لبس البنت بيحدد شخصيتها واخلاقها الى حد بعيد بس اكيد لكل قاعده شواذ عااااااارف والله لان اى بنت محترمه عمرها ماهتقبل على نفسها انها تلبس لبس مش كويس والله ده رايي وشكرا ليك على الموضوع سلام |
امسح يا قمر يا حبيبي الكلمة اللي انت كاتبها دي عيب عليك
واقرأ كلام محمد البري كويس قبل ما تتكلم أما انت يا طالب موضوعك كويس بس الحوار بتاعه معروف ، وانت عامله نقتطين ليه لا مؤاخذة سوري على رخامتي :) بس لا مؤاخذة الشارع ده اسمه إيه ؟ :) |
بصوا رايي بجد يا جماعه بجد البنت اي بنت سواء مصريه او من الكنغو حتي لازم تكون محشمه ومحترمه
|
أساسا الناس مش بيسيبوا البنات في حالها
وانا هحكلكم موقف حصل عندنا في الجامعة بنت من علوم كانت اول حاجة لابسة العباية وطرحة عادي خالص ولما لقيت الناس مش سايبنها وبيتكلموا عليها فكت الطرحة وبعدين لقتهم لسه بيتكلموا عليها راحت شالت العباية وبقت لابسة جيبة وتيشرت ولسه بيتكلموا راحت بدأت تلبس المحزء والملزء لدرجة انها بقت تيجي الجامعة والله بــmini skirt وبودي كت ولسه بيتكلموا فالبت بدأت بعباية وطرحة وطلعت من الجاممعة بشبه لبس عنى كده انها حتى وهيه لابسة العباية عايزة تقلعها معنى كده ان مش كل المحجبات محترمات وحوار شبه ده بس عندنا في صيدلة بنت مسلمة وبتلبس جيبة وتيشرت ومش محجبة وقمة في الأحترام مش بتكلم ولاد خالص مرة واحد شافها واقفة وقالها انت مش داخلة المحاضرة ولا ايه قالتله انت مالك ادخل ولا مادخلش بوش كشر (البنت فلقة قمر (قمر 14)) معنى كده ان مش كل اللي كاشفين شعرهم قللات ادب وفي اللي كاشفة شعرها وقليلة الأدب وال محجبة مش قليلة الأدب فمتحكموش باللبس زي البري ما قال البنت بأخلاقها مش بلبسها والمواقف دي عندنا في الجامعة والله |
انا معاكو ان فعلا لبس البنت مش هو اللى بيحدد شخصيتها
لكن الناس نظرتها للبنت من لبسها لان مش معقول عشان اعرف شخصية واحده اروح اكلمها وبعدين اعرف اللبس بيعطى انطباع فى عقول الناس اما بالنسبة للبنت اللى كانت لابسة عباية وبعدين قعدت تغير لبسها لحد ما وصلت الى ما هى عليه دى مش واثقة من نفسها او فعلا لابسة العباية كاى ملابس وبرضه مش شرط ملابس البنت تحدد شخصيتها انما الملابس تعطى انطباع فقط بس ممكن حد يقولى ليه البنت اللى بتلبس ملابس ضيقة او ما شابه بتلبسها لييييه لو هى فعلا محترمة سورى يعنى الاحترام اعتقد لازم يكون فى كل شىء مش تكون اخلاق البنت كويسة وتمشى فى الشارع مثل الكاسيات العاريات وبعدين ازاى الاب يكون محترم ويرضى لبنته انها تلبس كده او اخوها ؟؟ وشكرا |
السلام عليكم ورحمة الله وبركاته
اخى واختى فى الله .... ازاى ان اللبس مش بيحدد ان البنت دى محترمه ولا لا بالله عليكم انتم لو شوفتو واحده لبسه شفتشى ماشيه فى الشارع انته حتقول عليها ايه حتقول عليها محترمه (معتقدش) اذا يبقى اللبس هو البيحدد سواء بتكلم ولاد او مش بتتكلم ودى تبقى محترمه ازاى من وجهة نظركم اعرف برضه؟؟؟؟ الرسول صلى الله عليه وسلم قال (من تعطرت ليشم الناس رائحتها فقد زنت) ايه فيه واحده بتحت برفان دلوقتى علشان ايه ما تجوبو انتم ؟؟؟؟ تبقى دى محترمه اذا كان الرسول هو القال كده عليها يبقى انتم باه حتبجو وتفننو فيها وتقولو انها محترمه فين الاحترام الفيها والموضوع فى غاية الاهميه علشان كل اخوتنا وبنتنا علشان لما تيجى يوم القيامه وتتعلق فى رقبتك وتقول انته شوفتنى وانا لبسه كده فى الدنيه وممنعتنيش وكنت بتقول انها محترمه ليه ممنعتنيش من انى اخرج كده حنقول لربنا ايه يا رب اختى كانت محترمه ومش بتكلم صبيان بس كان لبسها وحش انما باه اللبسه لبس محترم واخلقها وحش دى بتبقى منافقه ودى اشد عند الله بس والدها واخوتها بيكونو ابرياء منها يوم القيامه وانا اسف انى طولت عليكم اه نسيت احنا يا برى فى مجتمع شرقى مش غربى يعنى احنا عندنا البنت التغلط تضرب بالنار ولسه فيه فى الايام دى ناس كده ناس لسه عندها احترام واعتقد ان ده مش تخلف وتخلى اى حد يقول علينا كده طبعا اقصدك انته يا محمد يا قمر ممكن اعرف الاحترام عند حضرتكم ايه فى وجهة نظركم يعنى ؟؟؟؟ انا عارف انكم محترمين انا مش بقول كده لشئ تانى انا بس بتكلم فى الموضوع علشان محدش يفهمنى غلط وانا اسف لتانى مره انى طولت عليكم بس بصراحه كلامكم غظنى شويه |
طيب سيادتك عايز توصل لايه؟
------------ الخلاصه لبس كل بنت فى الاغلب- نقول بنسبه 95 %- هو مرايه للمضمون يعنى الاخلاق والتربيه يعنى بنت كويسه هيبقى لبسها وسلوكها كويس والعكس صحيح وانا مش معاك خالص يا برى على فكره يعنى ايه بنت محترمه ولبسها مش كويس؟ بزمتك قابلت شخصيه زى دى فين؟ وعموما البنت حره فى نفسها وعندها عقل تستعمله كان بها تركنه فى جراج عادى برده مش هتضر غير نفسها والدور والباقى على الشباب |
:( :( |
جزى الله خيرا كل من ساهم بالرد على هذا الموضوع
وكل من اتريق على الموضوع كمان وعلى فكره يا جماعه اللى بيقول المصريين متخلفين فاعتقد ان المصريين دول اهلك واهلى وكل الناس والمناقشة مستمرة |
عايز اقول انكم بتتكلمو فى موضوع قاعدته فيها شواذ كتير اوى
يعنى مش كل بنت لبس لبس محترم تبقى محترمه والعكس صحيح وفى بنات مجتمعهم بيحكم عليه بطبيعه لبسهم يعنى فى بنات فى الريف بيلبسو محترم جدا وهمه مش مقتنعين بيه ولما بيبعدو عن مجتمعهم بيتغير وتبان طبيعتهم |
| جميع الأوقات بتوقيت GMT +2. الساعة الآن 06:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.