|
هى ليه الدنيا بقت وحشه كدا ؟
السلام عليكم ورحمة الله وبركاته النهارده بجد بكتب الموضوع دا وانا قلبى بيوجعنى بجد بيوجعنى بسبب الاحوال الى احنا وصلنا ليها معقولة يا جماعه احنا وصلنا للمرحلة دى من الاستهتار بالنفس البشرية من الاستهتار بالقيم الاخلاقية من الاستهتار بالشريعة الاسلامية الى هو دين الله معقولة بجد هى فعلا ليه الدنيا بقت وحشه كدا ليه احنا بقينا وحشين اوى كدا النهارده الصبح حصل حادثه عجيبة اوى رواها ليا ابن عم القاتل حصلت عندنا فى بلدى النهارده يا جماعه صحينا كلنا على ان فى واحده لسه متجوزة بقالها سنه جوزها قتلها ومش قتل عادى لا دا دبحها قطع الوريد و ضربها فى رجليها البيه المحترم كان متعارك عادى خلافات الزوجية ومفيش بيت الا وفيه الخلافات دى فا روحت بيت اهلها فا ابوها قالها لا يابنتى مينفعش كدا ولازم ترجعى بيت جوزك وفعلا الست دى رجعت بيت جوزها جه البيه المحترم باليل لقى مراته نايمة هى و بنته الى لسه بترضع فى السرير راح المحترم جايب سكينه من المطبخ و قتل مراته ايه السبب محدش يعرف كل الى حصل انه كان شارب بلاوى مخدرات معقولة احنا وصلنا لكدا وصل بينا القتل كدا عادى ولا قبلها فى بنى مذار فى المنيا واحد يدخل على جارته الى محلتهاش غير بهيمه واحده دخل علشان يسرق البهيمه دى يقتل جارته و عيالها التلاته وجارته للدرجة دى احنا بقينا وحشين للدرجة دى بقت الدنيا وحشه ليه بيتعمل فينا كدا وليه بقينا كدا العيب فى مين فينا احنا ودا الاكيد ولا فى الوضع العام الى احنا وصلناله من بطاله و اختراع الافكار الشيطانيه والله حتى الشيطان برئ من الافكار دى لاخذ امولنا من ضريبة بمعنى اخر جزية ومن رسميات و محاربه فى لقمة العيش بيخدوها من ادينا و يدوها للاغنياء واصحاب الشركات للدرجة دى احنا وصلنا للفقر دا انتم عارفين انا مش عارف اذاكر حالنا مش عاجبنى ولا عاجب حد وكل الى بنعمله او بنقوله وانا مالى خلينا جمب الحيط ياعم احنا مالنا بالناس دى احنا بقينا كدا بقينا بنحارب من جميع الجهات واحد قالى كلمة قالى نفسى بجد الاحتلال يرجع تانى لان حالنا كان احسن من دوقتى ايام الاحتلال الانجليزى انا مش عارف ليه انا دخلت فى موضوع وطلعت من غيره او ليه كلامى مش متنظم بس انتم اكيد جواكم اكتر منى كمان |
لا حول ولا قوة الا بالله
طيب ليه يقتلها وهو عندوا بنت رضيعة يتمها يعينى ربنا يرحمنا فى الايام دى والتانى علشان بهيمة يضيع اربع ارواح انا مش عارفة والله ايه اللى بيحصل و اضافة كمان على البلاوى دى لسة واحد مقتول من اسبوع فى الصعيد مش عارفة من انهو حتة بالظبط اتقتل علشان موبايل ميسواش غير 200 جنيه مامتو كنت بتموت من كتر العياط فى البرنامج شكرا جدا عالموضوع جه فى وقته اوى اوى جزاك الله كل خير وربنا يصبر اهالى الناس اللى متت دى |
لا حول ولا قوة إلا بالله |
السبب غياب الدين
|
والله الي يسمع بلاوي الناس تهون عليه بلوته.ربنا يصبرنا .ونخلص من الهموم الي بتقابلنا دي.
|
انا بجد مش عاره اقول ايه ..
للدرجه دى وصلت الدنيا .. حسب يالله ونعم الوكيل .. وربنا يهدى الجميع .. |
ارجو من كاتب الموضوع يكمل الايه (ظهر الفساد فى ................)
|
لا حول ولا قوة الا بالله
كان شارب زفت مخدرات ؟؟؟؟؟؟؟؟؟؟ يا حسرة على شباب الامة |
للاسف الموضوع ده الضحية الاكبر فيه هى الطفلة الرضيعة
الطفلة دى عتكون ايه لما تكبر مش ممكن تنحرف مش ممكن تبقى شخصية غير سوية فى المجتمع وكمان يا عينى عالام اللى اندبحت دى بسبب خلاف ايا كان المفروض ميخرجش عن حيز النقاش بينهم فعقول ايه غير لاحول ولا قوة الا بالله العلى العظيم وهو القادر على انه يصلح حال الضحية دى |
{ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ }الروم41
- (ظهر الفساد في البر) القفار بقحط تامطر وقلة النبات (والبحر) البلاد التي على الأنهار بقلة مائها (بما كسبت أيدي الناس) من المعاصي (ليذيقهم) بالياء والنون (بعض الذي عملوا) عقوبته (لعلهم يرجعون) يتوبون ظهر الفساد في البر والبحر, كالجدب وقلة الأمطار وكثرة الأمراض والأوبئة; وذلك بسبب المعاصي التي يقترفها البشر; ليصيبهم بعقوبة بعض أعمالهم التي عملوها في الدنيا; كي يتوبوا إلى الله -سبحانه- ويرجعوا عن المعاصي, فتصلح أحوالهم, وتستقيم أمورهم. |
المشكلة اكيد فينا ربنا خلق الإنسان مخير وليس مصير بجد لا حول ولا قوة إلا بالله |
والله أنا لا أعرف أقول إيه بس الأسباب كتير والأهم الشيطان الذى يوسوس فى صدور الناس وحسبى الله ونعم الوكيل
|
لا حول ولا قوة الا بالله |
لاحول ولاقوة الا بالله
|
| جميع الأوقات بتوقيت GMT +2. الساعة الآن 08:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.