|
انا الوزير ودة ايميلى الشخصى !!
انا الوزير احمد زكى بدر ادعولى ربنا يوفقنى فى اصلاح التعليم لا احب النفاق او الرياء ومحبش حد يضحك عليا مش عايزين نكيف حياتنا على الغلط لا أخشى الا الله سبحانه وتعالى ولن افعل الا ما يرضى ضميرى مش عايزين فرقعات لكن عايزين نشتغل ادعولى ربنا يوفقنى فى اصلاح التعليم اللى عنده مشكلة او اى حاجة عايز يوصلها دة ايميلى الشخصى minister*moe.gov.eg _____________________________ ده كان أهم كلام قاله وزير التعليم الجديد انهاردة فى أول ظهور رسمى فى البيت بيتك ايه رأيكم ؟! |
كلام يطمن وربنا يوفقه لما فيه الخير والصواب
|
الزمــــيل العزيـــز / محــــمد فـــــوزى
اسمح لى ان اقدم لك خالص الشكر والتقدير على مشاركاتك المميزة والمتابعة المستمرة .. ولم اتمكن من مشاهدة البرنامج لكن لى سؤالين ماذا قال عن كادر الاداريين ماذا عن المتعاقدين .... الامتحان .... الكادر ... التثبيت ... |
اقتباس:
|
اقتباس:
ودى كانت اهم الحاجات اللى قالها اما استفسارات حضرتك فأنتظر اى زميل يكون سمع الحلقة كاملة عشان يفيدنا كلنا لك تحياتى واسفى على التقصير فى الإفادة |
اين المتعاقدين من كلام سيادة الوزير
|
تابعت الحلقه الوزير راجل شجاع وجدع وفاهم مصر مش بيتكلم عن تعليم سوسرا وزير مصرى ومتسمعوش الكلام الى الجرايد بتقولو راجل عارف ربنا راجل بيستعين بالله على اداء عمله بيطلب مننا الدعاء له ان ربنا يعينه ويوفقه لما فيه صالح التعليم قال عندى اولويات منها كادر المعلمين هنبحث الموضوع كله وشدد ان من حق كل من فى التعليم الحصول على الكادر وقال دا حقهم عشان يعيشوا متكلمشى عن التبيت لانه طبعا لسا جديد ميعرفشى البلاوى واننا متعقدين من زمان قال الى عنده مشكله يبعت ليا فور ا على ايميلى الى ذكره حبيبى محمد بيه فوزى minister*moe.gov.eg الوزير لديه حماس شدد على احترام المعلم من ولى الامر والتلميذ مع اعتبار ان الضرب او العنف ممنوع وقال لما ابنك يغلط فى البيت بتعنفه زى ما كلنا اتربينا الضرب للطالب ممنوع واى اساءه غير مقبوله للمعلم من الطالب او ولى الامر قال انا حاسم فى تطبيق القانون وقال محتاجين نظبط مناهجنا عشان تتماشى مع الواقع
دا الخلاصه وان شاء الله راجل تمام مهمتنا بقا نشتغله على الايميل ههههههههههه اقصد نبعتله ونعرفه بمشكله التعيين وان المفروض نتيجتنا قاربت الظهور كما قال الجمل يوم 15 يناير واننا عاوزين الامان الوظيفى وانا على فكره بعتله رساله وبعتله كمان صوره مفردات مرتب وقلتله دا مرتب مدرس بادىء حياته هيعيش ازاى؟ ياريت كلنا نشارك ونصيغ رسالتنا بطريقه جميله عشان يعرف ان شباب المعلمين ناس تمام اوى اوى اوى ورجاله على الاخر وشكر لكم جميعا |
سيادة الوزير الأستاذ الدكتور / أحمد زكى بدر وزير التربية والتعليم السلام عليكم ورحمة الله وبركاته تحياتنا اليك ودعاءنا لنا بالتوفيق الباهر فى مهام عملك الجديد شاهدنا حوارك الرائع الليلة فى برنامج البيت بيتك واثلجت صدورنا وبعثت فينا روح الأمل من جديد خاصة عندما ذكرت عنوان بريدك الإلكترونى للتواصل مع الجمهور ، ونحن مجموعة من المعلمين الأعضاء فى موقع ثانوية التعليمى - أكبر موقع تعليمى فى مصر - كانت لنا بعض المطالب التى طرحناها فى الموقع تحت هذا الرابط http://www.thanwya.com/vb/showthread.php?t=176166 والتى نتمنى من سيادتكم النظر إليها بعين المصلحة لتحقيق الصالح العام للعملية التعليمية بأكملها والمطالب هى ( 1 ) حل مشكلة المراقبة خارج المحافظات فى امتحانات الثانوية العامة منعاً للمشقة والسفر والتعرض لمخاطر الطرق أثناء التنقل بين المحافظات ( 2 ) توفير احتياجات المعامل المدرسية وتزويدها بكافة الأجهزة والأدوات اللازمة منعاً لهدر الإنفاق والإستفادة من البنية التحتية لهذه المعامل ( 3 ) بحث العائد من ( ملفات الإنجاز ) فى المدارس ودراسة جدواه بالشكل الذى يحقق الهدف المنشود ويحافظ على وقت المعلم ( 4 ) إلغاء التعهد بالحصول على الدبلومة التربوية كشرط لتجديد عقود المعلمين غير التربويين واستبدال الدبلومة بدورات تدريبية مكثفة تقيمها الوزارة فى أوقات تحددها لاحقاً ( 5 ) عدم التقيد بالحصول على شهادة الرخصة الدولية للكمبيوتر كشرط للحصول على رخصة معلم ( 6 ) إعادة النظر فى قرار نقل كنترولات الإبتدائية من الإدارات إلى المديريات توفيراً للمشقة الواقعة على كاهل السادة المصححين ( 7 ) وضع لائحة لتنظيم دخول الحصص الإحتياطى بالتساوى بين جميع المعلمين ونحن إذ نثق فى إيمانكم بدور المعلم فى المشاركة الإيجابية بالرأى والإقتراح فإننا ندعو الله ان يوفقكم لما فيه صالح العباد والبلاد من أجل مستقبل مشرق لنا جميعاً والسلام عليكم ورحمة الله وبركاته أرسلت هذا الرسالة بالإيميل لسيادة الوزير منذ 5 دقائق أرجو تواصل الجميع مع هذا الرجل |
كلام جميل يا بو فوزى انا كمان بعتله رساله ياريت كلنا نبعت ونشارك معاه ولانسى قضيه التعاقد
|
اقتباس:
استاذ محمود ابراهيم احييك على سبقك الجميل وروحك العالية فى التعامل بصراحة لو كل واحد فينا عمل زى محضرتك عملت الوضع هيتغير الراجل بيقول خدو الايميل بتاعى كلمونى وابعتولى ومش هتأخر يبقى بصراحة يشكر احنا كمان لازم نحسسه اننا فاهمين وعايزين نطور وحل مشاكلنا وتحسين اوضاعنا اكبر جزء فى التطوير دة نفسى قبل محد يشتكى ويقول حسبى الله ونعم الوكيل يقول هو عمل ايه الأول وحاول يحل المشكلة ازاى الفرصة قدامنا ممكن نعمل حاجة والشكر كله لحودة بيه :friendsxs3: |
وأنا كمان بعتلوا اميل وكلمته فيه عن الأوضاع الماديةالمترضيه للمعلمين المتعاقدين اللى ناقص يشحتوا عشان يعرفوا يعيشوا
وقلتلوا كمان ربنا يعينك على المشاكل والعراقيل اللى هتقابلك فالوزارة كلها مشاكل لأنها من أهم وزارات الخدمات فى مصر وندعوا جميعا لسيادته بالتوفيق فى هذه ىالمسئولية |
:078111rg3:مستر محمد انا معك فى كل ما قلت وربنا يوفقنا لما فيه الخير والرشاد واعلم ان التدريس ما هو الاضمير ويقظه وخوف من العلى الجليل والى الامام لننهض ببلدنا ولينفعنا العلم لنخرج علماء ليفيدو ا وطنهم الحبيب مصر والله ولى التوفيق
|
أظن الكلام جميل و لا يحتاج غير التنفيذ
يارب يحل مشاكلنا و يثبت المتعاقدين و ينظر لمرتباتنا و يعمل على تحسينها شكرا مستر محمد فوزى |
يقول الحق تبارك وتعالى { الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الوَكِيلُ فَانقَلَبُوا بِنِعْمَةٍ مِّنَ اللَّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ } [آل عمران 174:173] . بين الحق تبارك وتعالى في هاتين الآيتين أن كلمة حسبنا الله ونعم الوكيل تقال عند الشدائد وهي من أقوال المؤمنين المتمسكين بالله والناشدين لنصر الله وبين أن من يتمسك بهذه الكلمة فهو من الناجين بفضل الله ونعمته . وعليه فلا تعتبر هذه الكلمة من الكلمات غير اللائقة بل هي في محلها عند وقوع الظلم . |
:039uw8:
المهم الأفعال وليس الأقوال وياما سمعنا كلام وطلع سراب ومحصلش منه أى شىء أبوفيـــــــــــــاض |
| جميع الأوقات بتوقيت GMT +2. الساعة الآن 11:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.