|
الاوراق المطلوبه للتجديد 2010
السلام عليكم
انا من منطقة الغربية وجاء لنا احد الزملاء كان في المنطقة بورقه بها الاوراق المطلوبه للتجديد مره اخرى وكمان حددوا ايام التقديم حسب التخصصات المختلفه حيث ان المتعاقدين في سنة 2007 او اقدم هيقدموا من يم 16/1/2010 الى 28/1/2010 كل تخصص له يوم معين والمتعاقدين من 2008 هيقدموا اوراقهم في اول شهر 2 واهم الاوراق المطلوبه : 1- تقرير الصلاحية من الموجه والمدير 2- مباشرة عمل بعد التجديد 10/2/2010 اصل + 3 صور .....( النقطه دي مش فاهمها ) مش عارف زميلنا نقلها غلط ولا ايه 3- صورة من موقف التجنيد 4- اصل البطاقه .. للاطلاع 5- جواب من المدرسه انك على رأس العمل حتى وقته 6- رقم السجل الوجود على كارته المرتب 7- كارتة المرتب 8- ب 4 جنيه طوابل ... 4 طوابع من ابو 90 قرش , و 4 طوابع من ابو 10 قروش عشان نعمل حسابنا من بدري ومندوخش زي السنه اللي فاتت على الطوابع دي أهم المحاجات اللي مطلوبه للتجديد مع ان كان عندي أمل في الله اننا معدناش نجدد ونبقى تثبيت بس نقول ايه غير حسبي الله ونعم الوكيل وياريت لو اي حد عنده معلومات جديده ميبخلش علينا بيها والسلام عليكم ورحمة الله وبركاته |
- مباشرة عمل بعد التجديد 10/2/2010 اصل + 3 صور .....( النقطه دي مش فاهمها ) مش عارف زميلنا نقلها غلط ولا
يقصد إقرار القيام بالعمل |
- مباشرة عمل بعد التجديد 10/2/2010 اصل + 3 صور .....( النقطه دي مش فاهمها ) مش عارف زميلنا نقلها غلط ولا
اقرار القيام بالعمل تاريخ استلام العمل |
أنت بتتكلم عن إيه بالظبط يا أستاذ وجبت الكلام ده منين
|
اه الكلام دة ياريت توضح اكثر ولمين هل الي دخلوا الامتحان او الي لسة هايقدموا في الاكاديمية من جديد
ياريت التوضيح الورق دة لمين بالظبط داحنا في انتظار ظهور النتيجة ؟ |
يا جماعه انا بتكلم عن كل واحد هيجدد تعاقده في اواخر شهر 1 واوئل شهر 2
وده على لسان زميلي اللي جاي من المنطقه ... مطلوب من كل اللي هيجددوا ملهاش دعوة باللي دخل الامتحان بتاع الكادر من عدمه يعني للجميع ( بالنسبة لمعلمي الازهر ) اخواني في التربيه والتعليم مش عارف ايامهم بالظبط لسه |
تجديد ايه بالظبط؟؟؟؟؟؟
احنا لسه عقودنا ممتدة لحد شهر 7 وان شاء الله اللى هاينج (يارب كلنا ننجح) مش هايحتاج يجدد لأنه هايتنقل الى درجة معلم انا صراحة مش فاهم انت بتتكلم عن ايه؟ |
يا اخواني
في ناس هتجدد اخر الشهر ده في الازهر كتير جدا وفي ناس عقدهم ممكن يكون شغال لحد شهر 7 زي ما حضرتك بتقول فانا بعرف الناس الل هتجدد اليومين دول بالمطلوب انما اللي عارف انه لسه بدري على تجديد عقده خلاص يبقى مش مطلوب منه حاجه دلوقتي وانا معاك اننا كلنا يا رب ننجح ومحدش يجدد تاني نهائي |
أنت عملت برجلة وفوضي أخي الحبيب علي الفاضي وبعدين راجع تقول الأزهر
إحنا مالنا ومال بتوغ الأزهر |
مش فاهمة اى حاجة
مين بالظبط اللى هيقد الاوراق دى وليه الازهر هيقدموا اصلا وعشان ايه ياريت التوضيح والتربية والتعليم محدش قال على الكلام ده قبل كده |
أحبائي
اتأسف على عدم توضيح الامر حتى الان مع انني حاولت اشرحه في المشاركات السابقه احب ان اقوووول ان اكثر من 80% من مدرسي الازهر هيجددوا عقودهم الايام الجايه دي لان على اخر الشهر ده هيكون عقدهم خلاص انتهى صلاحيته فأنا كتبت لكل المدرسين الازهرية في القسم الخاص بالتربيه والتعليم وقسم الازهر لاننا كلنا ندخل في جميع الاقسام هنا في هذا الموقع اي عشان الكل يشوف الخبر ... وبلاش اخي الحبيب اننا نقول احنا في حالنا والازهر في حالهم وملناش دعوة بيهم والكلام ده لاننا كلنا في مركب واحد ارجو ان تكون الامور اتضحت |
كل يوم اوراق اوراق والله ماانا عارف بعد ما النتجة تظهر والكل ينجح ان شاء الله ويتحدد المصير اما بالتثبيت او التعاقد كما يدعى البعض مش عارف ايه هيكون شغل الاكاديمة بعد كدة والله المستعان
|
المفروض يكون التجديد للناس اللي ممتحتنتش او اللي منجحوش وهتنتهي مدة العقد مش للكل
|
انت السبب فى البرجلة دى
لان الموضوع دا مكانه كادر مدرسى الازهر مش هنا |
متعاقد تربية وتعليم وليس ازهر
والله انا قلبى وقع بسبب كثرة ما طلبوا مننا من اوراق رغم انى دخلت الامتحان يوم 20/11 السابق لكن لو هيرسى فى شهر 7 القادم ويطلبوا منى ورق تانى وميثبتونيش هسيبها خالص واروح اسافر الى مكان بقى اكرم من مصر حاليا للاسف للاسف
|
| جميع الأوقات بتوقيت GMT +2. الساعة الآن 08:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.