|
يا ريت كل عضو يكتب عن حلمه في الحياة وكمان هدفه في الحياة مع التفريق بين الحلم والهدف وايه المصلحه له من تحقيق
الهدف او الحلم و ايه اللي ممكن يستفيده الاخرين منه ويريت يكتب البيانات بصدق .؟؟ يعنى ممكن من خلال الموضوع نتعرف على احلام بعض ومش عارفة هل هو مكرر ولا لا |
والله انا كنت بحلم 3 احلام الصراحه كنت بحلم ابقى رئيس الجمهوريه..بس دى بعيده شويه..ربنا يستر ومدخلشى المعتقل
تانى حلم كنت بحلم ادخل كليه طياران وابقى طيار بس دى راحه لان نظرى راح خلاص فى الثانويه وليا صاحبى الانتيم دخلها..مش مشكله بس انا لما بشوفه بحس ان انا الى دخلتها تالت حلم كنت بحلم ادخل كليه صيدله والحمد لله دخلتها بس ربنا يسترها بقى علشان بدات اتعقد من الكليه دى سلام وشكراااا على الموضوع |
بسم الله الرحمن الرحيم
شكرا يا نور على الموضوع :D وان شاء الله يا كلكول ربنا يوفقك فى الكلية انا بحلم وهدفى انى ابقى مهندس بحرى وليا حلى تانى ربنا يتممه ان شاء الله وهو احسن حلم فى حياتى :rolleyes: |
يااااااااااااه انا نفسى فى حاجات كتيييييير
بحلم ادرس فى الجامعة ونفسى حال البلد يتصلح ونفسى اختم القرأن قريب ونفسى فى زوج صالح متدين ونفسى ارتقى بمهنة الصيدلة و......... و............ و........... ياه حاجات كتير اوى شكرا على الموضوع |
حلمى أن مفيش أحد من شباب مصر يحتاج يشتغل خارج مصر
|
وده مستحيل يا استاذي الفاضل
|
حلمى انى كنت ابقه مهندسة بس دة راح خلاص
وكمان كنت عايزة ادخل كلية الشرطة بس انا قصيرة وكمان نفسى ادخل اكادمية الفنون المسرحية قسم دراما ونقد ونفسى ابقه دكتورة فى الجامعة وحاجات اخذها الطير ورحل |
بداية اشكرك يا نور على الموضوع الجميل .
والله هي حاجات كتيرة باحلم بيها ..... اني اطلع من الكلية بتقدير عالي ... وان مصر يبقى حالها افضل من كدة .. وان بابا يرجع من بره ويستقر معانا بقى لانه تقريبا ماشافش مصر سنين كتير .. وباحلم بزوج يكون كويس ومحترم ومتدين ويعرف يتحمل المسؤولية . وفي احلام كتيرة اوي بس مش فاكراها حاليا ..... شكرا يا نور على الموضوع الجميل .. .. .. |
<div class='quotetop'>إقتباس(gomaa @ Feb 6 2007, 01:06 AM) [snapback]264920[/snapback]</div>
اقتباس:
الموضوع ببساطه يعنى انا لما اخلص كليه هاشتغل فين وامتى وبكام و هيكفينى ولا لا اعتقد انى لو سافرت بره مش لفتره طويله كفايه او سنتين او تلاته هكون احسن ما اقعد هنا انا اعرف ناس سافروا لفتره قليله وكونوا فلوس كويسه تسمحلهم انهم يبدأوا حياتهم سوء بالشغل وفتح مكتب وغيره او بالزواج عشان محتاج مصاريف كتيره |
<div class='quotetop'>إقتباس</div>
اقتباس:
انا كنت بحلم اني ادخل طب وراح الحلم التاني اني اكون ناجح في دراستي التالت الاقي بنت الحلال بعد 6 سنين كده هههههههه والهدف اني اتميز يعني كل حاجة متوفرالي بس انا عايز اتميز في حاجة محدش في اللي ردوا اتكلم عن الهدف وشكرا يا نوور على الموضوع |
اكيد كل واحد يا jumpo نفسه يبقى متميز
بس خلينا نتكلم بجد نسبة التميز قليله فى غياب الامكانيات انا مابقولش انها مش موجوده لا .... بس لازم يكون معاك امكانيات عشان تبدأ .................... ................. ............ وبخصوص التوقيع بتاعك بتهيقلى الحته دى لازم تتغير ما بقاش ينفع بعضينا أسال عليه من تانى مش بيقول ماضينا برضه |
انا حلمى هو حلم واحد بس
عارفين هوايه انى اشوف وجه ربنا سبحانه وتعالى سواء هدخل الجنة او النار عارفين ليه لان الجنة والنار ماهم الا مخلوقان انما انك تشوف وجه الله سبحانه وتعالى ليس بعده شىء يوصف وشكرا على الموضوع |
انا حلمى الوحيد انى احقق احلامى
و هدفى انى ارضى الله و اهلى و انفع نفسى و الاسلام |
| جميع الأوقات بتوقيت GMT +2. الساعة الآن 03:20 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.