موضوع هام لاسئلة القدرة لجميع الطلاب
 

يا جماعة اكيد كلنا سمعنا ان الوزير الجديد قال ان الامتحان هييجى فيه تحليل و تفكير لايعتمد ع الحفظ ايه رايكم بدل ما نكتب اسئلة مباشرة نعرض فى الموضوع دا كل اسئلة الذكاء والقدرة محنا فى المدرس والدروس بنحل كل الاسئلة دى لكن لو اى حد عنده سؤال لو سهل حتى بس فى خدعة يعرضه لينا بس يبقى من المنهج

وانا هبدأ بسؤال كويس
ماذا يحدث عند اضافة اكسيد الحديد المغناطيسى الى حمض الكبريتيك المركز دا كلنا عارفينه المهم الجزء دا وكيف تتاكد من وجود كل من كبريتات الحديد الثنائى والثلاثى فى الملحين

اسفة كيف تتأكدى من وجودهما فى النواتج مش فى الملحين سورى اتلغبطت حلوا دا وفى تانى واللى عنده يؤل

ياجماعة والله الموضوع هام جدا وياريت اى حد يخوشه ويقرأه يشارك برأيه احنا عايزين نحل فى المنتدى اسئلةالقدرة ويبقى فى اشراف من المدرسين وانا بدأتلكم بسؤال الى حد ما كويس وهجهز لكم اسئلة احلى ان شاء الله وكلنا نتعاون

بجد موضوع هايل والمفروض ان احنا نهتم بيه. بس بالنسبة للسؤال الي انت كاتباه هتكون الاجابة بتقسيم المحلولين في انبوبتين مختلفتين ونضيف لاحدااهما ثيوسينات الامونيوم هيتكو لون احمر دموي ويدل علي كبريتات الحديد الثلاثي والاخري نضيف نترات الصوديوم وحمض كبريتيك فتتكون حلقة سمراء ونستل علي وجود كبريتات حديد ثنائية وشكرا علي الموضوع مرة تانية
بالتوفبق للجميع.

فكرة رائعة فعلا وشكرا جزيلا وانا ان شاء الله اجيب اسئلة

اجابتك صح يا مروة وياريت تطرحى علينا بعض الاسئلة الجامدة ومرسى لدوك توتو وياريت تورينا اسئلتك الحلوة

خدوا السؤال السهل ده وجاوبوه
عند اضافه حمض HCl مخفف الى كبريتيد الحديد II كيف تتعرف على الغاز المتصاعد بطريقتين؟؟؟

اختي مروة
ما ينفعش تفصلي بين كبريتات الحديد 2 و كبريتات الحديد 3
لكن ممكن تكشفي عنهم و هم في المحلول و ذلك بوضع الصودا الكاوية او محلول النشادر
و هي دي طريقة الكشف عن مركبات الحديد 2 و 3
اي طريقة تانية لو عملتيها في الامتحان هتبقي غلط
لانه فيه توحيد اجابات في الثانوية العامة(كلام المستر)

شكرا على مرورك يا نواعم بس كلام مروة صح ولكن ينقصه الدقة هى قالت نفصل المحلول فى انبوبتين والمحلول المقصود بيه هنا هو كبريتات الحديد 2و3 والماء يعنى فى كل انبوبة يبقى موجود جزء كبريتات حديد 2و3 وماء ونكمل زى ماهى قالت لكن لو اجابتك هتبقى مش مظبوطة لان لو حطيتى صودا كاوية يبقى هتتفاعل مع الاتنين والراسبين هيترسبوا معا فهيبقى الراسب خليط من اللون الابيض المخضر والبنى المحمر قهيدى لو تانى خالص

سوري بجد علي الخطا ده بس بالنسبة للاجابة المستر بتاعي قال انها صحيحة يعني احنا حنقسم المحلول في انائين وبعدين نضيف الحجات الي انا قولت عليها في الاول بس يا نواعم لوعملنا زي ما حضرتك بتقولي اللونين الناتجين هيتداخلوا مع بعضهم وبرضه مش هنعرف نميز بينهم ارجو اني اكون قدرت اوصل المعلومه لحضرتك.بالتوفيق للجميع.

انا سالت المدرس بتاعي في السؤال ده وقالي ان هو ملغي بس الاجابه هتكون fes+hcl = fecl2+h2s
ويتم التعرف علي الغاز الناتج (h2s ) اولا من الرائحة الكريهة لان رائحته تشبه رائحة البيض الفاسد وثانيا انه يسود ورقة مبللة بخلات الرصاص.
بالتوفيق للجميع

السلام عليكم عندى سؤالين/ 1-علل-يضم الجدول الدورى7دورات افقية .
2-يضم الجدول الدورى 18مجموعة راسية .
ومعايا معلومة حلوة ***** العالم الذى وضع اعداد الكم اسمه(سورنيسن)
يارب اكون افدتكم ولاتنسونى من دعاءكم

فين الاجابات