|
يوميات المواطن حنفى ؟؟؟
السلام عليكم با أحلى اعضاء النهاردة جايبه يوميات جديدة ويا رب تعجبكم يوميات المواطن حنفي الحلقة الاولى : فى البيت (حنفى نازل الشغل الصبح بدرى ) الزوجة : انت نازل الشغل ياحنفى ؟ حنفى : لا نازل ألعب كوره ياولية بطلى الاسئلة المتخلفة دى الزوجة : طب بس براحة عليا شوية ده احنا لسة على الصبح يعنى حنفى : هو انتى اللى شافك يبقى شاف صبح مش عارف أنا كل يوم الواحد يصطبح بالخلقة دىhttp://forum.tamerlovers.com/images/...new/diablo.gif الزوجة :استغفر الله العظيم يارب ايه ياراجل انت هو انت راكبك عفريت ولا ايه؟http://forum.tamerlovers.com/images/...new/blush2.gif حنفى : وهو برضه فى عفريت يطيق يقعد فى شقة انتى قاعدة فيها؟ الزوجة : طيب ياسيدى أنا مش هرد عليك هات مصروف الشهر عشان أنا نازلة السوق كمان شوية حنفى : ليه ؟ هو النهاردة كام فى الشهر؟ الزوجة :النهاردة أول يوم فى الشهر ياحنفى و مافيش ولا مليم فى البيت حنفى : ياولية هو انتى منبه بيضرب أول كل شهر ؟http://forum.tamerlovers.com/images/...new/swoon2.gif مافيش مرة كده تحصل معجزة وتنسى موضوع المصروف ده؟ الزوجة : قصر ياحنفى وهات الفلوس عشان اشوف اللى ورايا حنفى : والله ياختى مهمة أوى سيادتك والحاجات اللى وراكى مقطعة بعضها ومش لاقية وقت ياعينىhttp://forum.tamerlovers.com/images/.../new/icon8.gif الزوجة : اللهم طولك ياروح ياراجل انت هو انت مافيش يوم تعديه كده من غير خناقةhttp://forum.tamerlovers.com/images/.../new/korse.gif حنفى : وهو انت حد يشوف وشك ومايتخانقش طب ايه رأيك بقى مافيش فلوس النهاردة ويبقى اتصرفى انتى بقى ان شا الله تعملى الاكل زيت وملحhttp://forum.tamerlovers.com/images/.../new/blink.gif الزوجة :حنفىhttp://forum.tamerlovers.com/images/...new/blush2.gif حنفى : ياست بقى بلا حنفى بلا زفت أنا خافى فى داهية الهى يارب أرجع الاقى الانبوبة فرقعت فى وشك.http://forum.tamerlovers.com/images/.../new/begad.gif (وبعدين يرزع الباب وينزل ) |
الحلقة الثانية : فى الشارع
(حنفى ماشى فى الشارع بسرعة فخبط ست معدية بكتفه ) الست : حاسب ياحمارhttp://forum.tamerlovers.com/images/.../new/begad.gif حنفى : ايه قلة الادب دى ؟ ايه حاسب دى ؟http://forum.tamerlovers.com/images/...w/clapping.gif الست : مش تفتح وانت ماشى بدل ما تخبط فى خلق الله كده حنفى : ياست أنا حر أفتح أقفل عينى وانا حر فيها وبعدين هو حد قالك تمشى فى الشارع مالتاكسيات مالية البلد أهى و لا هى طولة لسان على الفاضى وبعدين ايه اللى حصل يعنى ؟ كسرتلك ايد خلعلتلك رجل فقعتلك عين و لا هو دلع ومياصة وخلاص ؟ الست :على فكرة انت قليل الادب ومش محترم http://forum.tamerlovers.com/images/.../new/korse.gif حنفى : ياسلام ياختى محسسانى انك انتى اكتشفتى حاجة جديدة يعنى http://forum.tamerlovers.com/images/...hysterical.gif الست : يعنى انت ترضى تعمل كده مع أختكhttp://forum.tamerlovers.com/images/.../meshfahem.gif حنفى : لا طبعا مارضاش ده لو أختى أنا كان زمانى رميتها تحت الاتوبيس اللى جاى هناك ده الست: لا , واضح انك مش عايز تجيبها لبرhttp://forum.tamerlovers.com/images/...s/new/cool.gif حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة الست : أنا مش هارد عليك لان مستواى وأخلاقى مايسمحوليش http://forum.tamerlovers.com/images/.../new/icon3.gif انى ارد على واحد ----- كده زيكhttp://forum.tamerlovers.com/images/.../new/tease.gif حنفى : قولتلك بلاش قلة أدب ؟ ايه زيك دىhttp://forum.tamerlovers.com/images/...s/new/rofl.gif ؟ الست : روح ياعم الله يهديكhttp://forum.tamerlovers.com/images/.../new/bekor.gif حنفى : ماشى ياختى الله يسهلك http://forum.tamerlovers.com/images/...hysterical.gif الهى يارب وانتى ماشية فى الشارع تعدى من تحت بيتنا تقوم الانبوبة اللى هى هتفرقع فى مراتى تفرقع فيكى انتى كمان ستات آخر زمن http://forum.tamerlovers.com/images/...hysterical.gif (وبعدين يسيب الست ويكمل طريقه فى انتظار مشكلة أخرى ) |
يلا عاوزين تفاعلكم
واكمل ولا لا |
حلوة جداااااااااا يا هيدى
يلا كملى |
متشكرة يا جميلة
|
الحلقة الثالثة : فى المواصلات (حنفى واقف فى الشارع مستنى ميكروباص , حنفى لقى ميكروباص جاى من بعيد فشاورله والميكروباص وقف له) حنفى : رايح مدينة نصر يا اسطى ؟ الكمسرى : ايوه يا أستاذ تعالى . حنفى : لا ده أنا رايح الهرم , روح انت http://forum.tamerlovers.com/images/...hysterical.gif الكمسرى : امال بتقول ليه مدينة نصر ياعم انت , ولاهى عطلة وخلاصhttp://forum.tamerlovers.com/images/.../meshfahem.gif حنفى : ياجدع باطمن ان فيه مواصلات لمدينة نصر http://forum.tamerlovers.com/images/...new/tongue.gif, يمكن أفكر أروحها فى يوم ولا حاجة , وبعدين أنا حر أسال السؤال اللى أنا عايزه و لا هى الاسئلة بقت بفلوس اليومين دول ولا ايه ؟http://forum.tamerlovers.com/images/.../new/tease.gif (سواق الميكروباص مشى بالعربية بسرعة قبل ماخناقة تحصل بين الكمسرى و حنفى , حنفى لقى ميكروباص تانى جاى فشاورله والميكروباص وقف ) حنفى : رايح الهرم يااسطى ؟ الكمسرى : ايوه يااستاذ تعالى حنفى : طيب معاك مكانين فاضيين ؟http://forum.tamerlovers.com/images/.../new/dance.gif الكمسرى : لا والله معلش يابيه , مافيش غير مكان واحد http://forum.tamerlovers.com/images/...s/new/rofl.gif حنفى : طيب كويس أنا عايز مكان واحد بس , اصل انت لو كان معاك مكانين ماكنتش هاركب .http://forum.tamerlovers.com/images/...new/tongue.gif الكمسرى (عمل انه ماسمعش حاجة ): انت نازل فين ياأستاذ؟ حنفى : نازل الهرم ان شاء اللهhttp://forum.tamerlovers.com/images/.../new/tease.gif الكمسرى (مبتسما ): خوفو ولا خفرع ولا منقرع.http://forum.tamerlovers.com/images/...hysterical.gif (بعد كده أدرك الكمسرى انه ارتكب غلطة فادحة لما فكر انه يهرج مع حنفى )http://forum.tamerlovers.com/images/...s/new/rofl.gif حنفى : لا رايح عند أبو الهول ياخفيفhttp://forum.tamerlovers.com/images/...hysterical.gif , سمعت انه تعبان فقلت لما أروح اطمن عليه يمكن محتاج حاجة منى كده ولا كده و أو يكمن ابنه الهول محتاج حد يوديه المدرسة أهو زى مابيقولك اعمل الخير وارميه فى وش السواقين ياخفيف. الكمسرى (مكشر) : الاجرة يا بيهhttp://forum.tamerlovers.com/images/...s/new/cold.gif حنفى : عمال أقولك رايح أزور ابو الهول وباكلمك عن عمل الخير و وانت تقولى الاجرة الدنيا بقت وحشه أوى ياجدعان http://forum.tamerlovers.com/images/...s/new/rofl.gif الكمسرى : يابيه الاجرة لو سمحت عشان أشوف اللى وراياhttp://forum.tamerlovers.com/images/...new/blush2.gif حنفى : هو فيه ايه يا رجالة هى مصر كلها بقت مهمة ولا ايه , كل ما أكلم واحد يقولى خلص عشان أشوف اللى ورايا , حاجة تفقع المرارة , ماتكونش انت والولية مراتى فاتحين شركة مع بعض ولا حاجةhttp://forum.tamerlovers.com/images/.../meshfahem.gif الكمسرى : يابيه الاجرة عشان اليوم يعدى , مش عايزين نضايق على حدhttp://forum.tamerlovers.com/images/.../new/blink.gif حنفى : ياماما , تصدق اترعبت يا أخى , طب ايه رأيك بقى ان أنا مش دافع الاجرة الا لما أنزل , وكله بالقانونhttp://forum.tamerlovers.com/images/.../new/icon3.gif (حنفى طلع رجل بتاع قانون اهو) الكمسرى : يعنى انت فارقة معاك أوى انك تدفع لما تنزل عن انك تدفع دلوقتى http://forum.tamerlovers.com/images/...w/clapping.gif حنفى : يا جدع أنا حر أدفع دلوقتى , أدفع كمان ثانيتين , أدفع لما أنزل , أدفع المرة جاية , فلوسى و أنا حر فيها .http://forum.tamerlovers.com/images/.../new/icon6.gif الكمسرى : وقف يا أسطى لما نشوف أخرتها مع الجدع ده ايه .http://forum.tamerlovers.com/images/...w/medieval.gif حنفى : آه وماله , وقف يااسطى لما نشوف أخرتها معاكو ايه http://forum.tamerlovers.com/images/.../new/gehad.gif ( الكمسرى يدخل ايده فى بقه ويطلع موس ويحطه على رقبة حنفى ) الكمسرى : هتدفع ولا تتشاهد على روحكhttp://forum.tamerlovers.com/images/.../new/begad.gif حنفى : هو حضرتك صدقت ولا ايه , ده أنا كنت بهزر معاك يا أخى يااه , ماكنتش أعرف انك عصبى أوى كده , هى الاجرة كام ؟http://forum.tamerlovers.com/images/...w/clapping.gif الكمسرى : جنيه ونص حنفى : خد اتنين جنيه اهمة , ياراجل اخزى الشيطان وشيل البتاع ده من على رقبتى أبوس ايدك , ده أنا كنت بهزر والله و وآدى ياعم راسك أبوسها.http://forum.tamerlovers.com/images/...hysterical.gif ( الميكروباص كمل طريقه وحنفى قاعد جواه زى الكرسى اللى هو قاعد عليه وحاطط عينيه فى الارض لحد ماوصل لمحطته , حنفى نزل زى الصاروخ وطلع يجرى ناحية أقرب .......حمام )http://forum.tamerlovers.com/images/...hysterical.gif |
الحلقة الرابعة : حنفى بيجيب فطار (حنفى بعد ماخرج من الحمام وحس انه هدى شوية بعد لحظات الرعب اللى عاشها قرر انه يروح يشترى فطار عشان يروح الشغل و بما ان حنفى مصرى فهو أصلا ماعندوش اختيارات فى فطاره , هو فول وبس , حنفى راح على الراجل بتاع عربية الفول اللى بيجيب منه كل يوم ) بتاع الفول (بيكلم نفسه ) : ياساتر هو الراجل الرخم ده هييجى كل يوم ولا ايه , ياساتر على الرخامة.http://forum.tamerlovers.com/images/.../new/bekor.gif حنفى : ايه ياجدع انت شكلك مش طايق نفسك ليه كده؟ ووشك اتغير ساعة ماشفتنى كده ليه؟ ماتكنش شفت عفريت ولا حاجة http://forum.tamerlovers.com/images/...s/new/evil.gif بتاع الفول : ياريت ياسى حنفى كان عفريت , أصل انا من غير ماخبى عليك ساعة مابشوفك بحس بانتعاشة كده فى قلبىhttp://forum.tamerlovers.com/images/...hysterical.gif حنفى : ليه ان شاء الله , عبيط انت ولا ايه ؟ايه اللى بيخليك تنتعش ياخويا؟ http://forum.tamerlovers.com/images/smilies/new/ok.gif بتاع الفول : أبدا ياسى حنفى أصلهم دايما كان بيقولولى ان أنا مافيش حد فى رخامتى لحد ماعرفتك و اكتشفت ان أنا مجرد تلميذ فى مدرستكhttp://forum.tamerlovers.com/images/.../new/yahoo.gif حنفى : طيب ياابو لسان طويل , بطل رغى بقى و اعملى شقتين فول و شقتين طعميةhttp://forum.tamerlovers.com/images/...s/new/good.gif بتاع الفول : اشمعنى غيرت طلبك النهاردة يا سى حنفى , مانت طول عمرك بتاكل 3 سندوتشات بسhttp://forum.tamerlovers.com/images/...-shakehead.gif حنفى : الهى ياشيخ تنطس فى نظرك , الهى وانت ماشى تخبط فى شجرة , الهى عصفورة تعمل على دماغك و ماتلاقيش منديل تمسح بيه . هو أنا كنت باكل من جيب أبوك يابنى ولا انا كنت باجى أطفح عندك ببلاش . انت مالك انت , حاجة غريبة والله , هو انت شغال بياع فول ولا مخبر فى أمن الدولةhttp://forum.tamerlovers.com/images/...new/diablo.gif بتاع الفول : خلاص ياعم حقك عليا , ياساتر ماكانتش كلمة يعنى , باسألك سؤال عادى , أعوذ بالله , طيب ياسيدى هاعملك طلبك وتاكله بالسم الهارى ان شاء الله ( بصوت واطى)http://forum.tamerlovers.com/images/.../new/bekor.gif حنفى : بترطم بتقول ايه ياابو لسان طويل http://forum.tamerlovers.com/images/.../new/korse.gif بتاع الفول : ولا حاجة , بقول ربنا يكرمك زى ماكرم غيرك قبل كدهhttp://forum.tamerlovers.com/images/...ot-worship.gif حنفى : طب خلص عشان أنا اتخنقت منك بتاع الفول : امال انا أعمل ايه , ممكن أسالك سؤال ياسى حنفى ؟http://forum.tamerlovers.com/images/...s/new/fans.gif حنفى : اتنيل اسألhttp://forum.tamerlovers.com/images/.../new/icon2.gif بتاع الفول : هو انت ناوى كل يوم تيجى عندى ان شاء الله يعنىhttp://forum.tamerlovers.com/images/...s/new/rofl.gif حنفى : مضطر يااخويا , أصلك أقرب واحد للشغل , وهو لو كان فى حد غيرك كنت فكرت أقرب منك أصلا و وهو انت الاكل اللى بتعمله ده يبقى أكل بنى آدمين ده أكل بهايم يابنى بس هنعمل ايه بقى , أدينا صابرينhttp://forum.tamerlovers.com/images/.../new/thanx.gif بتاع الفول : لا , على فكرة يا سى حنفى فى مطعم فتح جديد على أول الشارع , يعنى قريب أوى أوى من هنا والاكل اللى بيبيعه أكل بنى آدمين فياريت تجربه , ويارب تبقى زبون دايم عنده , وربنا يرحمه بقى http://forum.tamerlovers.com/images/smilies/new/sad.gif حنفى : ماشى يازبالة , هات الاكل اللى هاطفحه عشان أمشى بتاع الفول : اتفضل أهو يا حنفى بيه شرفتنا ونورتنا و هتوحشنا والله انت ورخامتك حنفى : نور لما يكهربك , ووحش لما ياكلك , يابعيدhttp://forum.tamerlovers.com/images/...new/wizard.gif بتاع الفول : ده من ذوقك ياحنفى بيه , ومش بعيد عليك الكلام اللى انت بتقوله ده , و أهو الحاجة اللى مخليانى ماردش عليك , انك ماعدتش هاتيجى التانىhttp://forum.tamerlovers.com/images/...new/swoon2.gif حنفى : ترد عليا , الهى ترد المية فى زورك ياشيخ , يلا فى ستين داهية أنا خافى يابتاع أكل البهايم ( ومشى حنفى بعد ماحرق دم الراجل اللى ساب شغلانته وباع عربية الفول بتاعته واشتغل لميع جزم , واهو كله من تحت راس حنفى ) |
حلوه تسلم ايدك
|
مرسى يا جميلة على زوئك
|
جميللللللللللللة جدااااااااااااااااااااااا
|
جميلة جدااااااااااااااااااااا
يلا كملى |
الحلقة الخامسة : فى الشغل (طبعا زى مانتو مش عارفين , حنفى شغال مدرس فى مدرسة اعدادية , وبما إن اليومين دول فى امتحانات فحنفى كان عنده مراقبة على لجنة . حنفى دخل اللجنة وبدأ يعمل شوية حركات من بتوعه) حنفى : اسمع يافاشل انت وهو , حسك عينك أى واحد فيكم يفكر , مجرد انه يفكرhttp://forum.tamerlovers.com/images/...s/new/fool.gif بس فى إنه يغش حرف من اللى جنبه , والحمام ممنوعhttp://forum.tamerlovers.com/images/.../meshfahem.gif , لو العملية قفلت معاك أوى , اعملها على نفسك واحنا هنبقى نتصرفلك فى هدوم http://forum.tamerlovers.com/images/...s/new/wink.gif, وممنوع حد ياخد أدوات من غيره , انتو جايين امتحان مش محل بلاى ستيشن , سامع يافاشل منك له .http://forum.tamerlovers.com/images/...s/new/wink.gif (العيال قعدت تبص لحنفى وهو بيكلم , وكأنها بتبص لمخلوق فضائى جاى من المريخhttp://forum.tamerlovers.com/images/...s/new/evil.gif , ومستغربين انه داخل عليهم سخن أوى , المهم ورق الاجابة جه , وحنفى بدأ يوزع الورق ) حنفى : كل جحش فيكم يكتب اسمه ورقم جلوسه على الورقة من برة ويحط أى حاجة تحت الورقة عشان الكلام مايطبعش وتكتب اسم المادة فى الخانة اللى فوق دى .http://forum.tamerlovers.com/images/.../new/begad.gif أحد التلاميذ : أستاذ , أستاذ حنفى : هو احنا هنبتدى أسئلة من دلوقتى , عايز ايه يا منيلhttp://forum.tamerlovers.com/images/...s/new/rofl.gif التلميذ : هو احنا هنمتحن مادة ايه النهاردة؟http://forum.tamerlovers.com/images/...s/new/rofl.gif حنفى : نعم ياخويا, هتمتحن مادة ايه النهاردة , ده انت هتتعلق حالاhttp://forum.tamerlovers.com/images/...w/clapping.gif التلميذ : لا والنبى ياأستاذ , كله الا التعليق ده أنا كنت بهزر معاك والله http://forum.tamerlovers.com/images/...s/new/fool.gif حنفى : بتهزر , طيب ,, أنا هاعرفك ازاى تهزر تانى معاياhttp://forum.tamerlovers.com/images/.../new/icon7.gif أحد التلاميذ : أستاذ , أستاذ حنفى : اللهم طولك ياروح , فيه ايه يابنى ,عايز تهزر انت كمان ولا حاجة؟http://forum.tamerlovers.com/images/...new/swoon2.gif التلميذ : لا ياأستاذ , أصل أنا كنت بكتب وأنا سرحان فكتبت اسم اللى جنبى فى ورقتى بدل مااكتب اسمى http://forum.tamerlovers.com/images/.../new/icon5.gif حنفى : الله يخربيتك , هو انت هتبدأ الغش من دلوقتى , يعنى أعملك محضر غش دلوقتىhttp://forum.tamerlovers.com/images/.../new/icon2.gif التلميذ : محضر غش ازاى ياأستاذ , هو ورق الاسئلة اتوزع لسة ؟؟http://forum.tamerlovers.com/images/...s/new/beee.gif حنفى: ده انت بتتلامض كمان , ده انا هبهدلكم النهاردة , اعمل خط صغير على الاسم اللى انت كتبته واكتب اسمك فوقيهhttp://forum.tamerlovers.com/images/...s/new/fool.gif التلميذ : بس فى حاجة تانية ياأستاذ حنفى : قول ياخويا , ماهو أصلا اليوم باين من أول ماشوفت مراتى الصبح التلميذ : الواد اللى جنبى برضه كان سرحان وهو بيكتب اسمه ,فكتب اسمى فى ورقته بدل مايكتب اسمه.http://forum.tamerlovers.com/images/...new/blush2.gif حنفى : الله يخربيتكم انتو الاتنين , خلاص يا ساقط انت وهو بدلو ورقكم مع بعض التلميذ : نبدل الورق ؟! بس ده كده يبقى غش ياأستاذ http://forum.tamerlovers.com/images/...s/new/wink.gif حنفى : ده انت يومك مش هيعدى النهاردة . غش ايه يا أبو جهل ,هوانتو خدتوا ورقة الاسئلة لسة التلميذ : هو مش انت كنت عايز تعملى محضر غش من شوية ؟؟ حنفى: مستعجل أوى على المحضر , ماتقلقش نفسك , المحضر هيتعملك النهاردة لو فضلت تتلامض كتير كدهhttp://forum.tamerlovers.com/images/.../new/icon9.gif التلميذ : لا خلاص , انا اسف ياأستاذ ( ورق الاسئلة جه , وحنفى وزع الورق على التلاميذ)http://forum.tamerlovers.com/images/.../new/blink.gif |
الحلقة السادسة حنفى : ماسمعش نفس فيكو دلوقتى , كل واحد فيكو يركز فى ورقته ويكتب اللى هو عارفه , اللى هشوفه بيتلفت بس هاسحب منه ورقته , الامتحان زمنه ساعتين , ساعتين وخمس ثوانى يكون ورق الاجابة كل عندي , واللى هيتأخر عن خمس ثوانى , يبقى ياخد ورقته ويديها للراجل بتاع عربية الفول اللى تحت المدرسة , حد عنده سؤال؟http://forum.tamerlovers.com/images/...w/rolleyes.gif أحد التلاميذ: أستاذ , أستاذ حنفى : أيوة التلميذ : هو يعنى ايه السؤال اللى فى أول الورقة فوق ده ؟ حنفى : قول السؤال و أنا أقولك معناه التلميذ : مكتوب امتحان دور مايو للصف الثانى الاعدادى 2008/2009, يعنى هو عايز مننا ايه فى السؤال ده ؟ http://forum.tamerlovers.com/images/...nstruction.gif حنفى : عايز يعرف مستوى غباء كل واحد فيكو أد إيه , وبيتهيألى انت هتاخد أعلى نسبة على مستوى الجمهوريةhttp://forum.tamerlovers.com/images/...s/new/rofl.gif التلميذ : يعنى أكتب فى إجابة السؤال ده نسبة الغباء كام فى المية ؟http://forum.tamerlovers.com/images/.../new/begad.gif حنفى : لا سيبه فاضى وحل اللى بعده على مانسألك مدرس المادة , يافاشل حنفى : يلا يابنى انت وهو, عدى ربع ساعة و 3 دقايق و33 ثانية , يعنى فاضلكم ساعتين الا ربع الا 3 دقايق الا 33 ثانية , يلا عشان الامتحان طويل حنفى : خف ايدك بسرعة انت وهو , عدى نص ساعة الا خمس دقايق , يعنى فاضلكم ساعة ونص وخمس دقايق أحد التلاميذ : ياأستاذ كده حضرتك بتوترنا , مش كل شوية تقول الوقت , احنا كده بنقلقhttp://forum.tamerlovers.com/images/.../new/icon9.gif حنفى : طيب ياعم زويل , محسسنى انك هتنجح يعنى , والنبى ده منظر متعلم أساسا؟!http://forum.tamerlovers.com/images/...hysterical.gif التلميذ : الله يسامحك ياأستاذ حنفى : ياعينى يابنى , قطعت قلبى . خلص وبطل كلام , عيال آخر زمن صحيح (حنفى لقط واحد من التلاميذ بيطلع ورقة مخبيها تحت الطاقية )http://forum.tamerlovers.com/images/smilies/new/hi.gif حنفى : حلاوتك يامعلم , بتغش ياضhttp://forum.tamerlovers.com/images/.../new/icon5.gif التلميذ : والمصحف الشريف ماغشيت ياأستاذhttp://forum.tamerlovers.com/images/.../emot-fail.gif حنفى : طلع الورقة بالذوق عشان ماقطعلكش ورقة الاجابة التلميذ : ورقة ايه ياأستاذ , والله مامعايا ورق ولا حاجة , أنا الحمد لله شاطر ومش محتاج أغش حنفى : طب اقلع الطاقية التلميذ : وايه علاقة الطاقية بكلامى مع حضرتك , هى الطاقية هتغش ولا ايه ؟ههههههhttp://forum.tamerlovers.com/images/.../new/icon6.gif حنفى : وكمان بتهزر , اقلع الطاقية يلاhttp://forum.tamerlovers.com/images/smilies/new/hi.gif التلميذ : ياأستاذ ماينفعش , أصل أنا عندى الايدز والدكتور قاللى ماقلعش الطاقية دى خالص , أصل أنا لو قلعتها هاعدى كل اللى حواليه , وانت عارف بقى ان الايدز بيجيب كحة وسخونية وحاجات من كده , وأنا خايف عليك والله ياأستاذ حنفى : يعنى مش هاتقلعها , طيب ( حنفى راح مكتف الواد , وقلعه الطاقية , ولقى الطاقية مردومة ورق) http://forum.tamerlovers.com/images/.../new/dance.gif حنفى : نهارك مش معدى http://forum.tamerlovers.com/images/.../new/korse.gif التلميذ : والله ياأستاذ آخر مرة , أصل أنا لو مانجحتش فى الامتحان ده , أبويا هيطلق أمى حنفى : الهى البيت يولع بيهم هما الاتنين و العالم يستريح من الاتنين اللى جايبينك , ده انت يابنى كده كتبت على نفسك حكم بالاعدام , ولما تبقى تروح , أبقى طمنى أبوك طلق أمك ولا لسة التلميذ : عشان خاطرى ياأستاذhttp://forum.tamerlovers.com/images/...questioned.gif حنفى : خاطر لم يخبطك ويجيبلك ارتجاج فى المخ يابعيد , بره , اطلع برة واعتبر نفسك شلت المادة , عشان تتعلم الادب بعد كدهhttp://forum.tamerlovers.com/images/...s/new/ohmy.gif (الواد خرج من اللجنة , بعد ما حنفى عمله محضر غش , وحنفى كمل مراقبته على اللجنة ) حنفى : فاضل من الوقت ربع ساعة حنفى : فاضل من الوقت عشر دقايق حنفى : فاضل من الوقت خمس دقايق أحد التلاميذ : ايه ياأستاذ , هو انت مركب لساعتك موتور عربية ؟؟ حنفى : خلص ياابو لسان عشان فاضل خمس دقايق , وعشان استظرافك ده , فاضلك دقيقتين بس التلميذ : طب وتتعب نفسك ليه , اتفضل الورقة أهى ,الله يخربيتك (بصوت واطى) حنفى : ياسلام على الثقة , أبقى قابلنى ان نفعت . يلا يابنى انت وهو , زى ماقلتلكو قبل كده اللى عايز يجيب ورقته دلوقتى يجيبها , واللى مش عايز بتاع الفول مستنيه تحت . (حنفى لم ورق الاجابات كله , بعد ماطلع عين العيال ووترهم , وكان السبب فى ان عشر عيال شالو المادة دى ده غير ان الاول على الفصل نقص عشرين درجة فيها .... بركاتك ياشيخ حنفى) |
مرسى على مروركم يا احلى اعضاء
|
ازيك هابدى موضوعك منور المنتدى:022yb4::022yb4::039uw8: بجد احلى موضوع ليكى
يلا فين الفصل السابع انا غاوى مغمرات وافلام رعب الصديق البااشا امير العذاااااااااب:022yb4::039uw8: مستنى الفصل السابع |
| جميع الأوقات بتوقيت GMT +2. الساعة الآن 01:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.