|
.... حبيبك مات ....
انت عارف لو بأيدي اجيلك مش هتردد لحظة ومش هستني بكرة عشان اشوفك لكن قلبي مش عارف جراله ايه لما حس اني مشتاق اشوفك خلاني اخاف لو قابلتك .. وقول هيجرحنا زي م سبنا ومن تاني هيعذبنا زي اول مرة قلت لقلبي دا حبيبك رد عليا ... وقلي بلاش .. داللي جرحنا مرة ممكن يجرحني تاني ومتنساش لحظة م دموعك نزلت منك ادامه وممسحاش وخليك فاكر غروره وخينته وضميره الاناني وحياته اللي م الاول مش حياتنا سكت ورجعت لالبوم ذكرياتي مع قلبي حبيته .. بكل كياني لقيت كلام قلبي حقيقي واني من حبي لحبيبي نسيت كل اللي جرالي وبقي عندي استعداد احبه تاني مع ان حبه الاولاني لسه جوايا مسكت صورته ورديت ع قلبي مش معقول القلب دا يجرح ويقسي ويخدع دا قلب حبيبي وفـ لحظة نزلت دموعي وبان خوفي وصرخ صوتي وقال ..... حبيبك مات ومعدش غير قلب خاين وقادر كله غرور واحساس كداب |
اقتباس:
الله الله الله عليك يااحمد بجد رائعه جدا ابدعت في ترجمة حوار النفس والحيره مع قلبك المحب والمجروح من الحبيب عجبتني كتير مشاعرها حلوه واحساسها عالي ديما مبدع تقبل تحياتي |
روعة بجد وكل قصايدك فعلا روعة وآية فى الابداع وكمان عندك حق من كتر ما بنحب بنسى اللى حبناهم عملوا فينا ايه ونتجرح ونتجرح وبرده بننسى وبنسامح ولما بنفوق بنكتشف ان اللى خسر هو احنا واللى ضعف احنا وبحبنا قوناهم مش لينا لأ علينا واحنا مبيبقاش جوانا غير الجرح والعذاب وبرده مش بنكرهم ليه مش عارفة واللى يتعب اكتر اننا مبيبقاش عندى القدرة اننا نحب تانى حتى لو حد بيحبنا اوى لان مبقاش فى قلبنا حاجة نديهاله غير الجرح وبنبقى احنا بعد كل اللى عملناه احنا اللى خسرانين وبنموت فى اليوم الف مرة من الجرح
|
اقتباس:
ميرسي جدا ي فندم ع زوقك العطر و جد انا مكنتش متوقع ان احد ممكن يرد علي شكرا جزيلا ع كل كلمة ذكرتيها نورتيني ويارب اكون عند حسن الظن |
اقتباس:
حقيقي ميرسي جدا ي فندم ع تعاطفك ... وكلامك عن الجرح وعذاب الحب بس احنا مش بنقدر ننسي اللي جرحنا عشان هو اول حب واول جرح بس أكيد فـ يوم هنرجع نحب لان الحب ابتسامة القلب والقلب من غير ابتسامة ينتهي حقيقي حضرتك نورتيني جدا ميرسي جدا ع زوقك وكلامك اللي ادي للموضوع رونق اخر شكرا جزيلا ي فندم ويارب اكون عند حسن الظن نورتيني |
حلوة جدا انت عامل زى كل حاجة أكتبها اطبع فيها الحزن شمس ,قمر عندى كل الدنيا بتبكى بس هوة انت مش بتكتب فصحى ؟
|
اقتباس:
ميرسي جدا ي فندم ع زوقك و جد حضرتك نورتيني اما حكاية الفصحي فأنا مش بعرف اكتب فصحي و كمان انا حابب الكلام العامي لاني بعرف من خلاله اعبر عن اللي جوايا |
حبيبك مات
ومعدش غير قلب خاين وقادر كله غرور واحساس كداب اللى بيموت عمره م بيرجع تانى ..أرضى بنصيبك وسيبك من اللى خانك ومقدرش حبك وأكيد ربنا هيقابلك باللى يستاهل حبك ويحافظ عليه..سلم إحساسك وقلمك المبدع |
اقتباس:
بجد والله الفكرة جميله وحزينة بس براقة رغم الحزن وأهم حاجة ان اللى بيخرج من القلب بيدخل على طول فى القلب، جزاك الله خيرا بجد الشعر لغة القلوب أسعد الله قلبك واناره بنور اليقين وأذهب عنا وعنك كل سوء آمين، تقبل مرورى أخى الكريم وفى أنتظار أعمالا قادمة |
اقتباس:
ميرسي جدا ي فندم ع زوقك وفعلا لازم نرضي بالنصيب ونفوق عشان نرجع نعيش حياتنا زي زمان بس لو اللي حبني مات فـ قبل م يموت موت قلبي وعشان كداا معدش ينفع احب نورتيني |
اقتباس:
شكرا جزيلا ي فندم ع كلام حضرتك وميرسي جدا ع زوقك وميرسي ع الدعوة تقبل الله منا ومنك أمين ي رب العالمين نورتيني ويارب اكون دائما عند حسن الظن |
مش عارفه أرد عليك وأقول ايه
بجد مش عارفه اكتب بس مش هقولك الا.... تسلم ايديك على الكلمات الرائعه والاحساس الاروع |
اقتباس:
وشكرا جزيلا ع كلام حضرتك ويارب اكون دائما عند حسن الظن نورتيني |
كلام جميل جدااااااااااااااااااااااااا
ربنا يوفقك |
| جميع الأوقات بتوقيت GMT +2. الساعة الآن 12:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.