|
تنظيم من نوع خاص "العدد هيقل يعنى هيقل "
سلام عليكم http://www13.0zz0.com/2010/01/30/21/185901997.jpg كالعادة وزى كل موضوع هبدأ موضوعى بجملة ( مش عارف ابدأ الموضوع ازاى )!! وكالعادة وبدون مقدمات... ندخل فى الموضوع بس قبل ما ادخل فى الموضوع احب اعرف حضراتكم ان الشق الاول من الموضوع مش مرتبط ارتباط وثيق بالشق التانى ولو عايز تبدأ من الشق التانى انزل لتحت هتلاقى علامة "*****" هنا هتلاقى الشق التانى (وهو اسهل من الشق الاول بكتير " من المعلوم ان عدد سكان مصر حسب الاحصائية اللى اتعملت هذا العام "79 مليون بنى ادم " دا غير الفكة لم تنجح اعلانات التى فى "tv للى مش هيعرف يقرأ" واعلانات ماما كريمة مختار فى تخلى الشعب المصرى عن العادات الموروثة الا وهى كثرة الانجاب !!... فقرر القدر ان يقوم بدوره فى خفض الكثافة السكانية هذا كله بمساعدةوزارات النقل وغيرها من الوزارات التى لها كل الفضل فى تخفيض الكثافة السكانية.... فقد لعبت وزارة النقل دور " البطل " فى فيلم "قلل عدد الناس بدل ما نحتاس " وقد صدر الفيلم فى عروض متعددة حتى يتمكن الناس من الاحساس بانخفاض الكثافة السكانية ومن هذه العروض " احرقنى شكرا اللى تم عرضه فى قطار الصعيد تحديدا العياط "! والعرض الثانى " غرقنى شكرا او عبارة الموت الذى تم عرضه فى احدى العبارات تحديدا عبارة السلام "! مرورا ببعض حوادث النقل فى الطرق السريعة اما العرض الثالث ( اصدمنى شكرا بطولة قطارين والذى تم عرضه فى العياط ايضا " اشهر سينما للنقل فى مصر ومازال العرض مستمرا ..... !! والغريب فى هذا الامر استقالة مخرج الفيلم " وزير النقل " عقب عرض كل منها ولا ندرى السبب!! واضافة الى تلك الروايات شاهدنا بعض القصص القصيرة امثال " حدث فى الدويقة " و " وحريق مجلس الشورى " و غيرها من القصص القصيرة التى نالت اعجاب القراء والتى نالت جائزة ذهبية فى " حريق قصر ثقافة بنى سويف " هذا بالاضافة للحوادث " النص كم " التى تحدث فى الطرق السريعة خاصة بعد انتشار ظاهرة التوكتوك التى ادت الى غضب عربات النقل الثقيلة وجعلتها تضرب فى اقرانها من العربات الصغيرة الضعيفة القوى على الطرق والكبارى هذا كله ادى الى زيادة عدد الوفيات وادى ايضا الى خفض الكثافة السكانية وهذه الطرق افضل بمئات المرات من اعلانات التى فى"tv للمرة التانية " لانها طرق مضمونة وتم تجربتها عدة مرات وكل الطرق انتهت بنجاح لانه فى كل مرة نرى مانرى من الوفيات التى لا تعد ولا تحصى !! وبعد كل هذا يعلن السادة المسئولون انهم ليسو مسئولون وان المسئولية كلها تقع على عاتق احد البشر الغير مسئولين " مع انى مش فاهم حاجة "!! ولا ندرى انشكر وزارات النقل على ما تقدمه من كوارث طبيعية تساعد فى خفض الكثافة السكانية ام نسن لهم حد السكين للخلاص منهم بسبب الاهمال الشديد المصحوب بتسيب وعدم رقابة!! وفى هذا المقام يحضرنى احد ابيات الشعر القائلة من لم يمت بالسيف مات بغيره " غيره دى بتمثل القطارات والعبارات .... الخ الخ "!! نرجو من الله العلى القدير الا يكون الوزير الحالى كغيره من الوزراء ونظرا لاننا شعب بيحب الزيادة السكانية حتى اسألو " ام احمد "مرات "عم عبده البواب" بنقول للسادة المسئولين خلاص معدناش هنخلف تانى بس ياريت ترحمونا من القطارات والعبارات والدويقات "*****" بفكرك بالعلامة اللى قولتلك عليها اول الموضوع لان العلامة دى معناها متصدعش دماغك ومتقراش الموضوع وقوم اضربلك حجرين او اشرب شاى فى كوبايتين ولا اراكم الله مكروه فى قطار لديكم وختاما دمتم فى رعاية الله |
ههههههههههههههههههههههههههههههههههه
في تعليق |
جزاكم الله كل خير.
لكن لو دى سياسة متبعة طيب باقى الطيران محصلش فيه حوادث ولا الدور عليه ؟؟؟ |
انت باين عليك فايق اليومين دول
انت خلصت امتحانات يلا :d |
ههههههههههههه..
اسلوب فظيع فعلا .. بس معقول ده يبقى بجد,,دنا على كده ابقى طيبه قووى على اساس انى بفتكر كل حاجه قضاء وقدر .. ع العموم توبيك جمييل .. |
يعني احنا مثلا معندناش غير قطار العياط واللي جراله ....! انا مثلا لسه جاي من مصر امبارح و القطار خرج من المحطة فـ السابعة والنصف و صل طنطا فـ التاسعة الا ربع و كل حاجه زي الفل و الركاب كانت سعيدة جدا وبتغني ... القطارات حلوة للي يركبها ي جماعة انتوا بتقوله ايه ؟ دا طبعا عك ف عك No comment ع الموضوع |
اقتباس:
فين التعليق:) اقتباس:
نظرا للزيادة الرهيبة فى عدد السكان وعدم قدرة القطارات والعبارات على مواجهة الزيادة الرهيبة هيتم اللجوء الى الطائارات وربما التوكتوك وعربات الكاررو دمت فى رعاية الله |
اقتباس:
شوفت الناس المحظوظة انا مش بحسد انا بحقد بس |
ههههههههههه موضوع لذيذ بجد المشكلة اننا مش بيهمنا حاجة بل بالعكس دا فيه تقرير بيقول ان مليون سيدة حامل ربنا يزيد ويبارك يعني هنبقي قريب 90 مليون مع شوية فكه:d ...... في سنة من السنيين بس كنت ساعتها صغيرة بقي كان حدث حريق بتاع قطار الصعيد الحادثة المشهورة وكمان كان ساعتها فيه طايرة وقعت في المحيط وسيارة دخله في بعض وكمان عجل بردو اصطدموا في بعض :006et4: واحد قريبي ساعتها كان في أسيوط وكان هيركب القطار دا بس ستر ربنا بقي وبعدين لما اتصل بينا بيقول انا مش عارف انا هرجعلكم ازاي ؟! قطار بيتحرق والطايرة بيتقع والسيارة والعجلة بردو بيحصل مشاكل حتي المشي علي الرجلين في مشاكل ممكن تقع في حفرة الحكومة بتحفرها:d ...... بس انت ظالم الحكومةيعني تعمل ايه اكثر من كدا عايزكم تعيشوا في راحة ويبقي العدد قليل فبتعمل بالمثل اللي بيقول اللي مش يجي بالذوق يجي بالعافية ولا عزاء للمصريين:bosyht9: شكرا ع الموضوع ياباشمهندس بس سؤال بسيط انت معندكش امتحانات ... كل لما ادخل ابص بصه كدا ع المنتدي القيك بتكتب مواضيع ياريته موضوع:d بتوع هندسة بيخلوا بسرعة ! |
ما تخافوش انفلونزا الخنازير بتساعد برضة والعدد حيقل يعنى حيقل موضوع جميل يسلمووووووو |
اقتباس:
اه يا سيدى خلصت امتحانات امال هقعد كدا من غير ما اخلص جتكم القرف :d اقتباس:
بس فى حاجة اسمها اسباب وعلشان كدا الرسول "ص" قاللنا ناخد بالاسباب شكرا على المرور دمتم فى رعاية الله |
اقتباس:
احلى حاجة ان بعد الرغى دا كله بتقول لا تعليق انت تبع المعارضة صح؟! :d شكرا على المرور يا حج احمد دمت فى رعاية الله |
اقتباس:
بس طالما قولت بحسد مش بحقد اشك انى عارفك :d دمتم فى رعاية الله |
اقتباس:
اقتباس:
الجملة دى تحتمل معنين المعنى الاول "بيخلصوا " وهنا انبهك انك نسيتى حرف المعنى التانى ماخوذ من الخلل اى الهبل او العته ودى فى حد ذاتها جريمة تعاقب عليها الادارة انتى تقصدى ايه بالظبط؟! :d عامة اها تقريبا احنا اول ناس بتخلص فى الشرق الاوسط اصل هما بيطحنونا بسرعة دمتم فى رعاية الله |
موضوع كميل كامل الدسم -_- بس و لولا انه حرام كنا عملناها من القرون الوسطى :bosyht9: ده كريكاتور للدستور على فكره اتفرج شويه فى مواضيعها و اضمنلك موته سريعه بالفالج :d يلا فى رعايه الله |
| جميع الأوقات بتوقيت GMT +2. الساعة الآن 02:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.