|
...لو كان التراب رجلا لعزمنى على كوباية شاى!!
يا إلهى ما كل هذا التراب؟! ماكل هذة الحبيبات والذرات والطفيليات الطائرة والهائمة على وجوهنا في الهواء...... أعتذر عن استخدام لفظ الهواء لأن هذا ليس هواء فمن الهراء أن نطلق هذا اللفظ المحترم المنقرض على هذا الذى يلسع وجوهنا ويندفع كالطلقات والشظيات في حبات ننى عيوننا فبمجرد ان تنزل الشارع سوف تجد ان المكان كله محاصر وإنك مستهدف اينما ذهبت فالغبار يترصدك ويتبعك وطابق على نفسك زى ما وائل جمعه طهق دركبه في عيشته وخرجه من هدومه في بطولة كاس الامم الافريقيه اللى كسبناها فـ 2008 نحن الآن نشاهد الاوساخ والفضلات عامله انكاجيه مع الهاموش وطايرين عينى عينك من امام بلكونتك وناقص يعملولك باى باى.... وغير كده يا شكماناتك يامصر!...... أن تتحول الفيروسات والميكروبات من ذرات لانشاهدها بالعين المجرده إلى كائنات حيه تاخدك بالحضن أول ما تلمحك جاى من بعيد وأنت فين يا راجل ما تجيب بوسه وإلبس إنت بقي العلاج بالشئ الفلانى لايشفي ولا يغنى من جوع ودور العيا هتاخده وهتمر بكل مراحله وكل الادويه دى عامله زى ماتكون واحد صاحبك واقف معاك في محنتك وبيقولك شد حيلك إنما مفيش في ايده حاجه يعملها أن يحدث لك كل هذا واكثر هو خير دليل إن إنت اكييييييييييييييد اكيييييييد في مصر!!!!!!! إمضاء واحدة عندها دور برد شديد قوى مش راضي يخف ولا بالطبل البلدى والله فكرة انا لسه مجربـــتش الطبل البلدى!!!!!!! |
:d
يعنى سايبة التراب برا وجايباه فى المنتدى كمان مش كل شوية هننضف المنتدى انتى عارفة بونكس للغسيل بقا بكام دلوقت؟ ======= ثم عادى يعنى السحابة السودة مضللة علينا والتراب بيحرسنا والذبالة بتونسنا دا كله خير للبلد على فكرة عامة ربنا يشفيكى من دور البرد وعلى فكرة الطبل البلدى احسن من السمن البلدى هيخليكى تخفى علطول :d ====== شكرا على الموضوع وياريت بعد كمية التراب والغبار اللى جبتيه فى الموضوع دا تجهزى مكنسة وتتبرعى بيها للمنتدى مش هنصرف عليكم احنا :d |
اقتباس:
اى خدعه ياعم اهه خدمة التوصيل السريع جت احلى مكنسه كهربائية هتشوفوها عشان التــــــــــراب بس تفتكر ان ده الحل؟؟؟؟؟؟؟ نورت الموضوع |
المكنسة دى سارقاها منين اصلها بناتى اوى :d
لازم الواحد يشخص المرض الاول وبعدين يعالجه يعنى مثلا انتى عندك برد لازم نعرف البرد دا جه منين واكيد بعد العلاج مش هتكررى الحاجة اللى تسببت فى البرد اللى جالك ========== نفس الحكاية فى بلدنا لازم نشخص سبب البلاوى دى مصانع وسيارات وزبالة بس مشكلة مصر ان فى ايدهم المرض وفى ايدهم العلاج وبيسيبو المرض ينتشر ومش بيحاولو يعالجوه بس كل اللى اقدر اقوله ان وزارة البيئة وزارة بيئة عايزة ناس تتفهم الموقف وتعرف ازاى تتعامل مع كل المشاكل اللى بنشوفها يوميا الحل مش فى ايدى الحل فى ايد كل الناس لما يعرفو ان النظافة من الايمان شكرا على التراب قصدى الموضوع :d |
اقتباس:
لا شكر على التراب قصدى الواجب |
|
موضوعك جميل جدا ,,
وفعلا الموضوع زاد عن حده .. والمشكله بتكبر واحنا مش حاسين ,,او عاملين نفسنا مش حاسين .. توقيعك جميل جدا ع فكره ,, ميرسي ع التوبيك .. |
والله أس كل حاجه ملوثه للبيئه هي التكنولجيا
ياااه لو نرجع لزمن التخلف تاني:d هنبقي عايشيين بالطبيعه ومع الطبيعه وتبقي الطبيعه هي مصنعنا من غير دخان ملوث بجد كان نفسي اكون من ايام القدماء دول عشان اشوف الجو وهو نضيف اكييييد شعور تااني خااالص:bosyht9: ميرسي ع التوبيك |
حسبى الله ونعم الموكيل بعد اما اعدت اكتب فى الرد أكتر من نص ساعة المنتدى فصل :angry2: شوفتى النصيب انا طبعا استحالة هعيدال انا كتبته تانى بس انا هختصره جدا انا بس حبيبت اعمل مقارنة بسيطة احنا الحمد لله كلنا فى مصر بنعانى من سوء الجو والامراض التنفسية النابعة منه بس دا بيختلف من مكان للتانى بدليل ان المرض لما بينتشر بتختلف كثافة الاصابة من بلد للتانية ومن المدينة للتانية بس السبب فى التلوث بيبقى نابع من سوء استخدام للانسان للبيئة ال عايش فيها احنا ربنا سخرلنا البيئة نضيفة واحنا الحمد لله شغالين فى اننا نبوظ اهم نعم ربنا ادهالنا دى الناس ال مش مامنة لربنا بتحافظ عليها واحنا بنتعلم منها ازاى اننا نقلل من التلوث والجو الملوث وللاسف مفيش فايدة والمهم برده اننا مش بنتعلم من أخاطائنا بالرغم من البلاوى ال احنا فيها لو حد عايش برده وبيجى مثلا يقضى شهر فى مصر متهيالى بيجى عشان يقضى الشهر فى السرير نتيجة للفرق الشاسع فى التلوث لان المجتمع الراقى نسبته فى التلوث بتبقى قليلة جدا بس برده نرجع ونقول إن الله لا يغير ما بقوم حتى يغيروا ما بأنفسهم بالمناسبة بيقولوا كونجستال حلو للبرد:d |
اقتباس:
ميرسي جدا حضرتك نورتى الموتوع اقتباس:
لا والله التكنولوجيا مش اساس التلوث المشكله في اللى بيستخدموها نوتينى يا سكرة اقتباس:
هههههههههههههههه محلس تعيشى وتاخدى غيرها فعلا مع حضرتك حق في كل كلامك نورتينى يا عثوله |
جميل والله الموضوع وعنوانه شدنى أول ما قرأته بس ما كنتش مفكرة إن التراب مأثر فيكى قوى كدا
|
اقتباس:
ههههههههه ميرسي جدا لمرورك يا سكــــــــرة بس التراب مش مأثر فيا لوحدي وبس |
هو التراب عندنا فى مصر بس ! التراب موجود فى الدول لاعربية كلها و الحمد لله ( عالم معفنة ) بس التراب ه بسبب لصحر اللى احنا فيها ( بس بردو ميمنعش انهم عالم معفنة ) و كمان مش مشكلة يعنى شكمانات العربية بتطلع دخان ما السجاير بتطلع دخان بصى هقولك تجريبة جميلة روحى لعشار من رمضان و قفى قدام مصنع من برا لمدة نص ساعه هتبقى من اخونا فى لسودان من الاخر سوووده ده لان التراب الاسود هناك بالعبيط !! ( بردو ميمنعش اننا عالم معفنة ) هو فيه 3 حلول : 1- نبطل السجاير ( كمل انت المقطع )
2- ندمر المصانع 3- نمشى بالعجلات او برجلنا مهو رجلنا مخلوقة عشن نمشى عليها مش نضرب بيه بس ... و ده كله بيخلينا نتأكد فى لاول و فى الاخر اننا علم معفنة ! |
|
| جميع الأوقات بتوقيت GMT +2. الساعة الآن 07:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.