بشرى للمتعاقدين وبجد والله المرة دى
 

اولا انا طبعا تعيين 2/ 2009 يعنى لسة هدخل الكادر الامتحان اقصد

المهم كنت فى الادارة علشان اشوف اخبارنا اية بالنسبة للامتحان قالى انة لسة بس الناس اللى امتحنوا هيثبتوا بجد طبقا لتعليمات الوزير بدر والله اعلم بس اللى قالى مسئول فى قسم الاحصاء بالادارة


وفى خبر تانى بس ارجو من الناس التاكد منة لانى سمعتة انهاردة بس غير متاكدة وهو ان icdl اصبح ثقافى مش اجبارى يعنى اختيارى دى انا سمعتها بس بامانة مش متاكدة ياريت الناس تاكد الخبر

يا مسهههههههههههههههههههههههههههل

في محافظتنا مفيش غير مان واحد اللي عنده سكيل كارد يعني معتمد من اليونسكو والضغط عليه طبعا شديد يعني لو حسبناها هيكون معانا على الاقل سنه علشان كل المتعاقدين في المحافظه يكون معاهم الشهاده دي يبقى اكيد مش هتكون شرط للتعيين طالما في تعيين وربنا يستر

السلام عليكم
جزاك الله كل خير على المعلومة واريت نتمنى تطلع صح

اذا ان شاء اللة اثبتنا يبقى وزير راجل ابن راجل :d

طبعا عارفين انا مين
الكبار قبل الصغيرين
انا المفتش كرومبو يامتعاقدين
طبعا كلكلو على احر من الجمر منتظرين
تعرفو كشوف النتيجه راحت فين
دا كانت مفاجاه بالنسبه ليه انا كمان
كنت ماشى فى شارع جامعه الدول فى الميدان
اشجع فريقنا الهمام
زى كل مصرى فرحان
بعد فوزنا اربعه على فريق الخرفان
و فاجاه لقيت 180 ميسد كول من رقم تمام
رديت لاقيت وزيرنا الجديد بن وزيرنا القديم
و طبعا كلكو عارفين انا اقصد مين
المهم لاقيته بيصرخ و بقول انت الحل ياكرومبو
الحقنا كشوف نتيجه المدرسين المتعاقدين اتسرقت من عربيه نقل بمقطورتين
و هيه فى طريقها راجعه من المطار للمتحف المصري
قولتله و هيه كانت فى المطار بتعمل ايه
قالى غالى بيقول انها كانت فى سويسرا بيحللها يشوف عندها انفلونزا الخنزاير
لانه خايف على الماعاقدين
طيب وراحه المتحف المصري ليه قال ما هو غالى قال علقوها فى المتحف و اعملوا التذكره ب 100 جنيه
امال هاجيب مرتباتهم منين
و الدكتور يسرى الجمل وافق
و هيه فى الطريق اتسرقت هيه و العربيه من ميدان التحرير الدهر الحمر الساعه 2
و لما الدكتور يسرى ماعرفش يرجعها قالو الحل ابن الوزير القديم
و انا بصراحه ياعم كرومبو جمارى غلب و روحى اتطلع و دماغى هاتنفجر من كتر التفكير
ماعدش فيه مكنا ما دورتش عليها فيه غير تحت ابو الهول و الهرمين
بس ابو الهول حلف ماشافش نتايج من قرنين
قولتله انا بقى بحدقتى عرفت اللى سرقها مين؟
هو
اما
1- فريق الجزائر 2- الموساد الاسرئيلى 3- وزير الم....
قاطعنى و قالى اسكت ياكرومبو هاتودينى و تودى نفسك ورا الشمس انت مش عارف انت بتتكلم على مين و حافظ على برنامجك و اتمنعت الحلقه من الاذاعه و لحد الساعه مفيش لا نتيجه و لا بتاعه

يا رب يا مسهل

يامسهل يارب وتطلع النتيجه

انا بقى ياكرومبو عرفت اختيار رابع غير اللى قولتهم وهو سبب عدم ظهور النتيجة لحد دلوقت ونعذيبنا وعدم التثبيت علشان تظهر خفة الدم الحلوة دى هههههههههههههههههههههههههههههههههههههههههههههههههه هههه
هههههههههههههههههههههههههههههههههههههههههههههههههه ههههههههههههههههههههه

الاستاذ خفيف الدم افتكر انى ما نشرتش حاجة اللى بيها يكون التهريج دة انا كل اللى شيفاة ناس قاعدة تلعب باعصاب الاعضاء فلما سمعت الخبر قولت حبيت ابشركم وفى نفس الوقت اطلب من السادة الزملاء عدم نشر شئ الا وهو متاكد ولو انت مفتش كرومبوا هات الخبر اليقين افضل من انك تهرج ويمكن اللى احنا فية دة اننا اخدين كل حياتنا هزار وكل جد فى حياتنا يتقلب الهزار