كيف تراجع لطلابك؟
 

كل عام وانتم بخيرمعظمنا الان خلص المنهج وسوف يبدأ فى المراجعه . انا عن نفسى سابدأ من الاحد القادم. ولان منتدانا اكبر منتدى تعليمى ويضم نخبه من افضل مدرسى مصر عاوزين نتناقش فى افضل طريقه للمراجعه ارجو من الاخوه الزملاء كلهم ان يشاركوا فى هذا الموضوع بطرحه وجهه نظرهم ولانريد كلمات شكر فقط او المرور دون ابداء الرأى اضع امامكم الان فهرست المنهج

اعتقد يا مستر عصام ان افضل طريقة للمراجعة هى عمل مذكرات مراجعة نهائية تشمل ملخص للكلمات الهامة والقواعد الهامة وكل مذكرة تشتمل على خمس وحدات وتكون كل مذكرة شاملة كل التمارين التى تتعلق بهم وبذلك يكون المنهج فى اربع مذكرات يسهل على الطالب الالمام بهم ليلة الامتحان ونختم بمذكرة امتحانات شاملة لكل الوحدات ارجوا ان تتقبل رايى المتواضع مستر

اعتقد ان افضل طريقه هى ان اطلب من الطلبه شراء كتاب surprise فى المراجعه النهائيه لانه فى رايى المتواضع من افضل الكتب الخارجيه الموجوده وبعد الانتهاء منه اقوم بعمل امتحانات للطلبه للتعود على جو الامتحانات و قبل الامتحانات اقوم بعمل مذكرات مراجعة ليلة الامتحان وطبعا انا استفيد كثيرا من اعمال اساتذتنا هنا فى الموقع الذين ادين لهم بالكثير واشكرهم جميعا لاننا نستخدم اعمالهم واشكرك استاذ عصام لانك من المدرسين المحترمين والمجتهدين والمتميزين.......والسلام عليكم

في رأيى _ و مع احترامى_ كتاب surprise ليس بالكتاب الجيد للمراجعهز الافضل استخدام كتابى المدرسه و كذلك الكتب الاصليه فى القواعد و كذلك أسئله longman و اسئله السنوات السابقه المرتبطه بالمنهج الجديد

بالنسبة لى وفى رأى الذى الذى اعتقد انه لا شئ بالنسبه للسادة المدرسين العظام هنا
هو ان تراجع كل وحدة على حصتان باتباع نظام الاسئله حصة للكلمات والتعبيرات ومهارات الاتصال
وحصة للجرامروالقصه وسيظهر نقاط الضعف لدى كل طالب من خلال اجاباته
ثم فى الحصة الثالثه نقوم بحل الامتحانان على السبورة امام الطلاب كتغذية مرتجعه
ثم التدريب بعد الانتهاء من وحدات المنهج على حل كل سؤال على حدة
ثم نبدأ بحل امتحانات كتاب التدريبات المدرسى الورك بوك وامتحانات من اى كتاب خارجى وانا ارشح المعاصر
وتقبلو مرورى
اسلام قمحاوى
مدرس اللغة الانجليزيه- الزقازيق

جزاكم الله خيرا جميعا
السؤال الثانى نظام حصه المراجعه عندك ايه؟
انا عن نفسى ابدأ بتسميع الكلمات شفوى ثم تصحيح البرجراف وبعد ذلك الحل على الكلمات ثم مراجعه سريعه على القواعد وبعدين الحل عليها. فنا هو سيناريو الحصه عند الاخوه الزملاء؟

بارك الله يامستر مصطفى انا اقصد المراجعه الشامله وليس مراجعه ليله الامتحان. فهل نراجع فى الحصه الواحده unit ولا 2 ؟

من رائى ان افضل طريقة هى مراجعة كلمات الوحدة كاملة فى الحصة وياريت تكون مراجعة مكتوبة يعنى اوزع على الطالب ورقة بكلمات الوحدة وتمارين اختيارى على الكلمات فى حصة وفى الحصة التانية اراجع القواعد شرح والطلاب بعد كدة يجاوب على بعض التمارين الخاصة بالقواعد يعنى كدة الوحدة هتاخد منى حصتين
ودة من وجهة نظرى المتواضعة

كمية المراجعة تعتمد على وقت الحصة
سواء كانت ساعة او اتنين
بس انا رأيى ان المراجعة تكون وحدتين وحدتين

اولا السلام عليكم
ثانيا اجد ان أفضل شئ هو مراجعة وحدتين كل حصة أفضل لان وحدة وحدة هيحتاج 18 حصة غير القصة

السلام عليكم
عذرا اسمحولى اعرض وجهة نظرى بالنسبة لطريقة المراجعة مع علمى ان تاريخ الموضوع قديم و لكن له اثر حتى الان
اولا : انا شايف بداية نعمل جدول لمراجعة الجرمر زى الاستاذ عصام وضح بالاعلى بحيث يكون الشرح من المذكرة الاساسية ثم حل الاسئلة الخاصة بنوع الجرمر من مصادر شتى ( يعنى انا مثلا طلبت من اول السنة كتاب خارجى ) و المذكرة الموضوعة عبارة عن شرح الوحدات مختصر مع كلمات + وخصصت مذكرة الجرمر كانها كورس منفردة وراعيت فيها عدم تكرار الجرمر المتشابهة فى بعض الوحدات يعنى ملخصة و بعدين نفس الشئ فى الوحدات احل الاسئلة من المذكرة فى الحصة و بعدين الطالب عليه حل الاسئلة الوارد فى الكتاب الخارجى طبعا كده مجهود عالى
يبقى نعمل تسميع الكلمات عن طريق اسئلة الوحدة فى الحصة يعنى مثلا اطلب من الطلبة تحضير كلمات الوحدة الاولى وفى الحصة ابدء بعرض الاسئلة على الطالب ومن خلال الحل يتبين العجز فى الحفظ او غيره دون تسميع شفوى
و بعد كل 3 وحدات ابدء بعمل امتحان علىها ومن هنا نقيم مستوى الطلبة
اما بخصوص القصة فلابد من تقسيم وقت الحصة بين الوحدات و القصة
اظن مراجعة فصل مش هياخد اكتر من نصف ساعة بكل اسئلته وانا شايف ان القصة مش هى الازمة و لكن الازمة الحقيقية ان الطالب يلم كل الكلمات باتقان

اسف جدا لانى اطلت فى عرض وجهة نظرى
و جزاكم الله خير

مع احترامى للجميع