|
اريد مساعده انا محتار
انا فى اعدادى هندسة عين شمس التى تحتوى على هذه الاقسام
كهرباء عماره مدنى ميكانيكا وانا محتار فى الاختيار مع انى اعرف انها تبع التقدير ولكن انى اريد القسم المطلوب فى العمل وفى نفس الوقت تكون دراستها ليست بصعبه ويمكن تجاوذها مع العلم انى لا احب الرسم ولكنى اوئدى فيه بشكل جيد وليس بسيىء واعشق الرياضيات فمن سؤالى عرفت ان قسم كهرباء يحتاج لجهد غير طبيعى وانى ايضا لا احب الفيزياء بشكل كبير فارجو من اهل الخبره ان يرشدونى الى القسم المناسب الذى ينفعنى ايا كان وحتى ان كان فى اى جامعه هندسه اخرى وشكراا جزيلاا لكم |
صراحة صعب تلاقى قسم مش معتمد على واحدة من الاتنين فيزياء و رسم
مستنى آراء المهندسين معاك لأنك لازم تلاقى حاجة من الاتنين فى قسمك و الله أعلم |
بوص اى قسم له مستقبل ماعدا انتاج شوف انتا التعرف تكون حلو فيه وادخل القسم بتاعه
|
بص اتكل على الله واشتغل رقاصه هههههههههههههه
سورى بجد |
اقتباس:
التقدير مش هو الحاجة الصعبة اللى مش حتدخلك القسم يعني لو مستواك متوسط حتجيبهم كلهم ان شاء الله كهرباء فيزيا بشكل اساسي ورياضة عماره الرسم بشكل اساسي ثم الرسم برده :d مدنى :الرياضة خاصة التكامل وبعد كده مواد انشائية ميكانيكا: فيها رياضة برده حتلاقي في حاجات احياناً مشتركة بين الاقسام بس دي بتبقى حاجة كده زي لمجرد المعرفة يعني مثلاً ميكانيكا بتاخد stress اللى بياخدوه في مدني بشكل اساسي ومدني بتاخد دواير كهربية اللى بياخدوها في كهربا بتوسع وانا حاخد الترم التاني (اولى كهربا) حاجة برده بتاعت مدني تقريبا الاستريس برده من ناحية الشغل من رأيي عمارة اقلهم اما الباقي يختلف حسب الاقليم بتاعك اهم حاجة القسم اللى تدخله تدخله عشان صنف المواد اللى بتحبه مش عشان الشكل بشكل اساسي |
ليه قسم ميكانيكا انتاج مالوش مستقبل؟؟؟؟؟؟؟؟؟؟؟؟؟؟
|
ان سالت ناس وقلولى ميكانيكا باور
|
مفيش قسم سهل فى عين شمس
لكن صعوبة كل قسم بتختلف كهربا صعوبته مزاكرة و فهم كتب و مراجع و بنعيش حياتنا معاهم و مفيش رسم خالص و الحضور مش مهم اوى مدنى كل يوم عندهم كذا شيت يتسلم الصعوبة عندهم هى كمية الشيتات الخيالية عمارة طول اليوم بيرسموا فى الكلية و فى البيت و يسهروا على مشاريع و يطبقوا كتييير ميكانيكا فيها صعوبة مزاكرة بس مش زى كهربا و فيها بردو رسم و تسليم لوح و اصعب دكاترة فى الكلية فى التعامل موجودين فى ميكانيكا بالنسبة للشغل دا رزق بايد ربنا و كل سنة سوق العمل بيتغير و الاقبال يبقى على تخصص مختلف فمينفعش حد يحدد القسم على اساس الشغل قبل ما يتخرج ب 4 سنين !!! دا غير ان مستوى المهندس بيفرق طبعا مش مجرد القسم اللى متخرج منه |
انا شايفة مدنى كويس بالنسبة لانك مبتحبش الفيزيا
مفيش ف مدنى رياضة غير اول سنة بس وبيبقى معظمها تكامل ورسم مدنى كله اسطمبات حاجات سهلة مفيهاش اى حاجة هو التعب الوحيد عندنا ف القسم كمية الشيتات والريبورتات اللى بتتسلم لان بنوصل ف اسبوع ممكن نسلم 7 او 8 ريبورتات بس كدراسة مش صعب والرسم سهل مش زى عمارة ومفيش فيزيا وبردو مش صعب زى ميكانيكا وكهربا والله اعلم يعنى ربنا يوفقك |
اقتباس:
كلامك صح عن الأقسام وعن الرزق |
| جميع الأوقات بتوقيت GMT +2. الساعة الآن 01:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.