لما كل هذا الكره
 

اليوم كنت فى المدرسة التى اعمل بها وهى تابعة لادارة منيا القمح شرقية ودار حوار بينى وبين السيد وكيل المدرسة والمسؤل عن الفترة المسائية التى اعمل بها لااعلم كم الحقد الذى يكنه مثل هؤلاء لأمثالنا نحن المتعاقدين جت سيرت التثبيت ان شاء الله بعد النجاح يرد المحترم ويقول ابق قابلنى مفيش تثبيت انتم بتحلمو دمدير الادارة قال اى مدرس ميعجبكش ابعت اسمه واحنا نوديه ابعد مدرسة وهكذا يا اخوان كتمت غيظى حتى لااندفع وتوجهت الى الله ان يكتب لنا جميعا النجاح ثم يرزقنا التثبيت لأنى تعبت 12عام فى المدرسة تيجى مرتبات المعينين واحنا لأنتسائل لماذا؟ يقول لنا لسة مفيش فلوس فى الادارة قمة الظلم والتفرقة والله ياأخوانى فى ناس ما بتروح المدرسة ومرتبه بيروح لها واخرها كان الأخ عاوذنى اروح مسابقة المعلم المثالى لأن مفيش حدمن الاساسيين عاوز يروح وحاجات تانية كتير والله انا ذهقت لااعلم لما هذه التفرقة انا حاسس ان زمن الاحتلال رجع تانى ونعامل معاملة مواطن درجة تالتة عذرا للا طالة ولكنى تعبان من هذا الظلم وادعوا الله للجميع ولى بالنجاح وعلى امثال هذا الرجل ان يريحنا الله منهم عقول عفى عليها الزمن مرتبه ماشاء الله يشغل عشرة ولا يقتنعون شكرا لكم وللمنتدى العزيز :angry:

فعلا..
عندى فى المدرسة الاساسيين بيقوللنا انتوا لسه شفتوا حاجة؟
انتوا عايزين تخدوا كل حاجة ع الجاهز؟
وابقوا قابلونا لو اتثبتوا

علشان كده ان شاء الله ربنا هاينجحنا كلنا ونتثبت..
وربنا يريحنا من العقليات المتخلفة دى

هتلاقى حكايات ذى دى كتير طالما أن هناك سادة وعبيد أقصد ثابتين ومتعاقدين والمصيبة إن الثابت ده لم يكن ثابتا لكفاءته ولا المتعاقد بعقد لعدم كفاءته وفشله بس هو النصيب ويحمدوا ربنا انهم اتعينوا فى زمن الرخص
وده حصل فى مدرستى أيضا لما زميل متعاقد كان ماسك الإشراف وبينبه زميله الثابت على حصته أصله عايز كان يزوغ من الحصة ويروح لمدير المدرسة ويقوله أزاى واحد متعاقد يأمرنى ويتحكم فى
على الرغم من إن المتعاقد ده مؤهل عالى والجميع يشهد له بالجد والإجتهاد وهذه سمة المتعاقدين وأيضا أصحاب الضمير من الثابتين والزميل الثابت دبلوم صنايع
يبقى من العدل عشان أحافظ على مسيرة العملية التعليمية ولايكون هناك حقد طبقى دون ذنب لاحد فيه يبقى الكل متعين يا إماالكل متعقد والثانية طبعا مستحيلوة .....وحسبنا الله ونعم الوكيل

انا بعد 4 سنوات لم احصل على جزاء ولا خصم من المرتب ولا استجواب
وكمان واخد حقى تالت ومتلت والكل بخاف مننا المتعاقدين

قاهر الاسود اسم على مسمى

قاهر الاسود عامل رعب للناس فى المنتدى هههههههههه
مبالك بقى الناس اللى معاه فى المدرسه
بس بجد هما مينفعش معاهم الا كده
انا لما بضايق منهم بقولهم اوكى انا سيبهالكو خالص وماشيه
وطبعا لان فيه عجز جامد جداا بيخافو ويرجعو يراضونى تانى

ان شاء الله حنثبت
وحنغيظهم:slap1qk6:

انا هقولك على حاجه سنة2002 كنت لسه بالحصه في اعدادي وكنت بدرس علوم 3 اعدادي وجت نتايج الفصول بتاعتي اعلى من المدرس الاول بتاعي طبعا كان هيطق بعد الشكر لي طبعا من المدير علشان كده دايما هتلاقي منهم غيره لاننا اكثر عملا واعلى نتائج واعلى همما والله دائما معنا ومعك ودايما قول يارب لان الظلم ف كل مكان

في ابتدائي بقى الاساسيين بيكرهوا المتعاقدين لانهم اعلى مؤهلا وبيقارنوا احنا اول ما اتعينا خدنا كام وهم اول ما اتعينوا خدوا كام بصراحه مش بيفكروا احنا اتعينا سنة كام وهمه اتعينوا سنه كااااااام بس يارب نتثبت انشاء الله مش عشان نغيظهم علشان احنا عايزين نبقى زيهم وميبقاش في تفرقه

كلامك صح على فكره مستر مصطفى
اصل مينفعش اعلى صوتى على المدير والاساتذه الرجاله
طب اعمل ايه؟؟ اعمل زعلانه بقى وخلاص هكلم الموجه يندبنى فى اى مدرسه
انا بتبهدل على ما اجلكو ينقلنى وبهدله ببهدله مش فارقه
يجو بقى يصلحونى ومعلش بنشد على بتوع البلد اصل بيراعو الغريب والكلام الفاضى دا
ربنا يكرمنا ونتثبت ونعرف نرد بصوت عالى ان شاء الله

شكراااااااااا
اخجلتم تواضعنا