أأنا حقا متكبره
 

دائما مايعاملنى أصدقائى على أننى فتاه متكبرة واننى أحب نفسى وأكره لهم الخير مع أننى أريد الخير لنفسى وللآخرين ماذا أفعل وكيف أمحو من رؤوسهم هذه الأفكار وكيف أقنعهم بأننى أحبهم لاأحتقرهم؟

ساره متزعليش حبيبتى عشان مش لوحدك بيحصلك كده بصىانا مش بكلم مع اى حد من اصحابى عشان هما بيحبو يضحكو كتير وانا مش بحب كده و بحب احترم المكان اللى اذهب اليه وبعدين كمان عشان صوتى يعنى حلو والله مش تكبر بس دى غيره موجوده بين البنات اهم حاجه انك تراعى ربنا فى تصرفاتك وملكيش دعوه بحد وادعى لربنا ان ربنا يهديهم ويهدينا واسفه انى تدخلت

اللي بيعاملك وحش يا سارة عامليه وحش .. او يستحسن تبعدي عنه خالص

وطالما انتي شايفة نفسك بتحبيلهم الخير يبقى ميهمكيش منهم

أشكركم على ردودكم وسوف أحاول العمل بها بإذن الله

ارجعي إلى نفسك جيدا ، وتفكري في تصرفاتك مع جميع الناس اللي بتعامليهم ليس أصدقائك فقط

إذا وجدتي في نفسك أنكي متكبرة فتراجعي عن هذه الصفة ( لما ورد فيها من أحاديث نبوية شريفة وأهمها : لا يدخل الجنة من كان في قلبه مثقال حبة من كبر ) ......

أما إذا لم تجدي ، فهذا - في رأيي - يرجع إلى : 1- إحساس زائد في تعاملك اتجاههم
أو 2- سوء اختيار منك لأصدقائك

فإن كان إحساس زائد ناتج عن تفكير كثير في كل كبيرة وصغيرة بينك وبين أي أحد في كل موقف ؛ فهذا حله عدم التفكير في كل موقف إلا ما يحتاج التفكير فعلا.

وإن كان سوء اختيار منك لبعض أصدقائك ، فهذا حله التعامل السطحي مع هؤلاء ( أي لا تتعمقين معهم في المواقف والأمور)


مع إنني أشعر أنك تخلطين الفهم بين الألفاظ الآتية
( التكبر - الحسد - الحقد )
لأن ما تفضلتين بقوله ليس تكبرا بل هو حقدا
أي أنهن يشعرن بعدم حبك لهن وعدم تمني الخير لهن بل وزوال الخير من عندهن

عموما مهما كان فراجعي أفعالك مع الناس ولا تحاولي أن ترضي الناس بل حاولي أن ترضي رب الناس لأنك مهما تفعلين فلن ترضي جميع الناس

أنا حاولت فعلا لكن كانوا بيفهموا ده على إنه نفاق وانى باخدعهم وده بسبب هدوئى الزايد وبيعتبروه استهزاء بيهم لكن الهدوءهو طبعى ولاأستطيع اقناعهم لكن سأحاول ثانية شكرا لمرورك

انت حاولي

وصدقيني طالما بتحبيهم بجد

هيحبوكي وانا واثق من كدا

جايز تكوني انت احسن واحده فيهم

بس مش تخسريهم لانك هتكتشفي انهم اغلي حاجة بتملكيها

ابدأي بس باكتر انسانه بتحبك فيهم

انا كنت في يوم من الايام زي حضرتك

بس دايما كنت بقابل المعامله الوحشه منهم بمعاملة جميله

كنت دايما اهزر معاهم ع قد ماقدر

وكنت دايما ببتسم لما اشوف اي واحد فيهم ودي كانت مهمه جدا

لحد مابقينا كويسين اوي

واسف ع الإطاله دى