حد يساعدنى ضرورى
 

اول ما نتيجتى ظهرت قالى يرجى الرجوع للمنطقه الازهر يه التابع لها

يعنى النتيجه محجوبه لاخطاء

انا روحت المنطقه وبالهم طويل اوى

لان لسه ما وصلش لهم اى معلومات

ياريت اللى يعرف حاجه يفيدنى ضرورى

احسن حاجة انك تروح قطاع المعاهد الازهرية في مدينة نصر
وتطلع الدور التاني قسم الكمبيوتر التعليمي
تسأل على أ/ محمد طنان هو المسئول عن بيناتنا مع الاكاديمية
هما هيدلوك على الخطوات المطلوبة بالضبط
وكمان متنساش تأخد أصول كل الورق بتاعك وصور مختومة طبق الاصل منها للأحتياط

وده رقم تليفون الادارة : 02/2622008
خد بالك التليفون ده اوقات بيكون شغال فاكس
معلش اوقات بيعلق لكن اغلب الوقت شغال تليفون عادي مش تقلق
لو حضرتك من القاهرة اكيد هتعرف توصل هما المبنى هيكون خلف مستشفى الـتأمين الصحى بعد مسجد رابعة العدوية
لو من خارج القاهرة
عرفيني هتوصل القاهرة في اي موقف وانا اوصف لحضرتك المواصلات

وبالتوفيق

بجد ياشيماء مش عارفه اقولك ايه انتى انسانه محترمه جدا

على فكره انا بنت ومن المنصوره وبجد شكرا على اخلاصك

شكرا جدا لذوقك
وعلى فكرة انا كتبت ليكي هنا امبارح الرد بس مش عارفة راح فين

على العموم هاعيده تاني
ربنا يصلح ليكي الحال وتطمنى
ان شاء الله ما دمتى هتركبي من المنصورة هتوصلي القاهرة بإحدى الطرق التالية :
1- لموقف عبود وتنزلي في المؤسسة ( عند محطة المترة بتاعة شبرا الخيمة ) وتسأل من هناك على المواصلات اللي بتروح الحي السابع هتنزلي امام جامعة الازهر بنات
هتدخلي الشارع هتلاقي القطاع في الجهة المقابلة للباب بتاع الجامعة
2- هتركبي قطار اكسبريس وده هتقعدي فيه حوالي من 2.5 إلى 3 ساعات وهتعدي على بلدي ( مشتول السوق:078111rg3: ) وهتنزلي محطة شبرا الخيمة وهتتبعي نفس المواصلات السابقة
3- مش عارفة هتلاقي حاجة من المنصور لموقف السلام ولا لأ؟؟
لو كان بعد مهتوصلي موقف السلام هتدوري على المواصلات اللي بتروح رابعة ولما تنزلي عند مسجد رابعة هتسألي على مستشفى التأمين الصحي ( هتلاقي ناس كتير يدلوكي )
القطاع في الشارع اللي بعدها على اليمين

وبالتوفيق
ولو فيه اي استفسار انا موجودة ان شاء الله

ان شاء الله ما دمتى هتركبي من المنصورة هتوصلي القاهرة بإحدى الطرق التالية :
1- لموقف عبود وتنزلي في المؤسسة ( عند محطة المترة بتاعة شبرا الخيمة ) وتسأل من هناك على المواصلات اللي بتروح الحي السابع هتنزلي امام جامعة الازهر بنات
هتدخلي الشارع هتلاقي القطاع في الجهة المقابلة للباب بتاع الجامعة
2- هتركبي قطار اكسبريس وده هتقعدي فيه حوالي من 2.5 إلى 3 ساعات وهتعدي على بلدي ( مشتول السوق:078111rg3: ) وهتنزلي محطة شبرا الخيمة وهتتبعي نفس المواصلات السابقة
3- مش عارفة هتلاقي حاجة من المنصور لموقف السلام ولا لأ؟؟
لو كان بعد مهتوصلي موقف السلام هتدوري على المواصلات اللي بتروح رابعة ولما تنزلي عند مسجد رابعة هتسألي على مستشفى التأمين الصحي ( هتلاقي ناس كتير يدلوكي )
القطاع في الشارع اللي بعدها على اليمين

لو ركبتي السوبر جيت من المنصورة انزلي المظلات واركبي من هناك اتوبيس لجامعة الازهر

وعلي فكرة دول كتير منهم 710 & 1 &14 وغيرهم كتير انا مش فاكر لاني بقالي زمن مارحتش هنال
بس هما كتير

شكرا ليكى ياشيما للمرة التانيه وشكرا لاستاذ زكريا

انا كنت فى المنطقه عندنا فى المنصوره وقالو ليه انهم يوم الاحد هيعملو اجتماع ع كتير عندهم اخطاء وربنا ييسر الامور

وبجد مش عارفه اقولكم ايه انا حبيت المنتدى ده جدا ب الناس المحترمه اللى فيه

اشكر جميع الزملاء على هذه المساعدات القيمه لصاحبة المشكلة اما بالنسبه للاخت صاحبه المشكله لو لم تجد اجابة شافية فى منطقتك قبل نزولك الى مصر اخبرينى وإن شاء الله ممكن اوفر عليكى مشوار القاهرة حيث اننى أذهب كثيرا الى قطاع الكمبيوتر التعليمى وممكن أسالك عن السبب وأخبرك به لان المشوار الى حد ما شاق بالنسبة الى فتاة من المنصورة للقاهرة ومن القاهرة الى مدينه نصر

ياريت بجد لانه فعلا مشوار كبير جدا وانا عمرى ما خرجت بره المنصوره اصلا

لو انت من القاهره وقريب منك يبقا بجد جميل عمرى ما هنساه ليك

عندنا المنطقه فى المنصوره منفضين اوى وبتوصلهم الاخبار متاخر ومبيريحوش حد

وشكرا على اهتمامك

بس عايز أعرف ايه المشكلة أروح أسأل على ايه ؟؟ اما الذهاب الى الكمبيوتر التعليمى فى مصر اى طلب منه ان شاء الله اقوم به واوفر عليكى المشوار

ابقى طمنينا عليكي
وتعرفينا ردهم عليكي كان ايه
وبالتوفيق

اكيد ياشيماء باذن الله

انا تخصص اصلا دراسات اجتماعيه ومكتوب فى العقد دراسات اتبعتلى الكود مدرسة دراسات
لما جيت اشوف رقم الجلوس لقته تخصص تانى معلم فصل ابتدائى يوم الامتحان قدمت صورة العقد وامتحنت دراسات ف النتيجه اتحجبت ع امتحنت تخصص غير اللى موجود فى رقم الجلوس

شكرا لتعاوتك مع الزملاء
جزاك الله كل خير وجعله في ميزان حساناتك يوم القيامة

موضوع حجب النتيجة والعودة الى المنطقة الازهرية حدث معى وانا وعدد من زملائى أصحاب تخصص الجغرافيا حيث تقدمنا لاختبار الكادر لنمتحن فى تخصص الدراسات ثم غيرنا التخصص يوم الامتحان حسب العقد واختبرنا فى الجغرافيا وجميعنا ما تزال نتيجتنا محجوبة رغم تقديمنا لصور العقود الى منطقة الغربية التى نتبع لها يوم الامتحان .
وعندما ذهب احد زملائنا الى القاهرة اخبروه ان البيانات الصحيحة سوف تصل الى الاكاديمية خلال ايام قليلة وما زلنا فى الانتظار !!!!!!!!!

موضوع حجب النتيجة والعودة الى المنطقة الازهرية حدث معى وانا وعدد من زملائى أصحاب تخصص الجغرافيا حيث تقدمنا لاختبار الكادر لنمتحن فى تخصص الدراسات ثم غيرنا التخصص يوم الامتحان حسب العقد واختبرنا فى الجغرافيا وجميعنا ما تزال نتيجتنا محجوبة رغم تقديمنا لصور العقود الى منطقة الغربية التى نتبع لها يوم الامتحان .
وعندما ذهب احد زملائنا الى القاهرة اخبروه ان البيانات الصحيحة سوف تصل الى الاكاديمية خلال ايام قليلة وما زلنا فى الانتظار !!!!!!!!!

مفيش اى اخبار عن النتيجه المحجوبه لو نتيجتك ظهرت ياريت تعرفنى ضرورى

ثم البيناتا الصحيه المنطقه اللى هتقدمها ولا انت قدمت طلب