|
بكرهك ..ارتحتي كده؟
بكرهك اوعي تهوبي تاني لمكاني بكرهك انسي نمرتي اسمي وعنواني بكرهك أيوه وبكره سيرتك وكلامي عنك بقى مخنوق صوته بيهز كياني بكرهك اوعي تهوبي تاني لمكاني ******* دا انتي متستاهليش كلمة ولا حتى الرنة دا انتي متستاهليش ثانية طب ليه استنى يوم اسود يوم ما عرفتك قال ايه هتهنى شوفت معاكي الويل وكفاية خرجت من الجنة بكرهك اوعي تهوبي تاني لمكاني ******* بمزاجك تيجي وتبعدي تحبي وتنسيني ومزاجك إنك تدبحي تبكي على دمعة عيني ما كفاية بقى تمثيل على مين وريني مش لعبة خلاص قلبي فوقي وانسيني بكرهك اوعي تهوبي تاني لمكاني ******** كدابة كدبتي عليكي وعليا على كل الناس كدابة وأكبر كدبة تقولي عندك احساس طب عايشة ازاي قولي من غير إخلاص؟ هو مفيش عندك ولا الدم خلاص؟ بكرهك اوعي تهوبي تاني لمكاني ****** بكرهك ارتحتي كده؟ أنا عمري كرهت؟ خدتيني البحر وجبتيني عطشان وتعبت رسمتيلي طريق وردي ودخلت وتهت ونسيت الفرحة وف نارك انا مت ودبت بكرهك اوعي تهوبي تاني لمكاني بكرهك انسي نمرتي اسمي ومكاني بكرهك .. بكرهك .. |
اقتباس:
شكرا لك :D |
مشكووووووووووووووووووووور
جميله |
اقتباس:
نورت الموضوع اقتباس:
نورت الموضوع |
شوف يا عم قصيدة جميله و تحتوى على الفاظ قوية على الرغم القصيدة عامية تنم على احساس بالكره للحب الفاشل
|
دا انتي متستاهليش كلمة ولا حتى الرنة
عجبتنى الجملة دى |
اللي يحب عمره مايكره ده من وره قلبك
كثرة الحب يأجج المشاعر واكيد حضرتك كتبتها وانت غضبان القصيده جميله وكلامها مؤلم وحسينا وعشنا المها معاك وهنا يكمن ابداع الشاعر بتوصيل احساسه للمتلقي تقبل تحياتي |
يا نهار ابيض ايه ده كله دا حضرتك على اخرك
انا بصراحة وياريت حضرتك متزعلش بجد من ساعة ما قريتها مابطلتش ضحك اصلى كتبت حاجة قبل كده زيها مش زيها اوى بس فيها خناقة كده برده والمنتدى كله اتلم وكانت مشكلة :slap1qk6: بهزر طبعا بس حلوة اوى اوى اوى اوى اوى بجد والله جامدة انا اصلا عنوانها نفسه عجبنى مووووت واحسن حاجة ان حضرتك طنشتها بلا وجع دماغ عالم هبلة صح |
كدابة كدبتي عليكي وعليا على كل الناس
كدابة وأكبر كدبة تقولي عندك احساس طب عايشة ازاي قولي من غير إخلاص؟ هو مفيش عندك ولا الدم خلاص؟ بكرهك اوعي تهوبي تاني لمكاني فعلا صعب العيش بدون إخلاص ، بجد حضرتك اسلوبك جميل والكلام دمه خفيف بالرغم من الحزن والالم تسلم دائما من كل سوء http://files.fatakat.com/2009/4/1240157372.gif |
اقتباس:
ويارب أشوفك دائماً منورنا اقتباس:
اقتباس:
اقتباس:
شكراً ألف شكر على مرورك الجميل اقتباس:
|
جميلة قوى إحساس حزين مفرط قولته فى لحظة غضب وثورة عاشق بس على قد الكلام الكتير إلى قلته وغضبك الشديد أنا متأكدة إن عمرك ما هتكرهها من السهل إنك تحب لكن من الصعب تكره إلى حبيته تسلم إيديك منتظرين المزيد ربنا يوفقك |
قصيدة جميلة جداااااااا
|
اقتباس:
ربنا ما يجيب كراهية يا رب بس يمكن تكون كراهية موقف اقتباس:
|
معذرة أتحداك لو اللى كتبته تجربه واقعيه فأتحداك لو كنت حبيت بجد انك تكره .. القلب اللى يحب لا يمكن يكره . ممكن ينسى بفعل الزمن لكن يكره مستحيييييييييييييييل |
اقتباس:
وشكرا على سلسلة التحديات دي وشكراً على مرورك الرائع وأنا اتفق معاكي تماماً ولكن ممكن تكون الكراهية كراهية سلبية أو فعل معين شكراً |
| جميع الأوقات بتوقيت GMT +2. الساعة الآن 07:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.