بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - تظلم من النتيجه (https://www.thanwya.com/vb/showthread.php?t=189173)

تظلم من النتيجه

تظلم من النتيجه علي الجميع يكتبو عن تظلم نتيجه (الصف الثالث الاعدادي)
وبصراحه

والله احنا عندنا فى الغربيه هبل فى التعليم الناس درجاتها مش متناسقه يعنى واحد جايب5 فى العلوم ومقفل العربي بالذمه تيجى اذاى يعنى؟؟؟انا اتظلمت فى الدرجات منقني وانا مفروض منقصش ورحت قدمت تظلم والله اعلم هيعملولى ايه؟؟؟؟؟؟
انا مستنيه يوم 13/3 ادعولى بس اخد حقى لانهم ظلمنى خالص

احنا عندنا الدرجات غريبة اوى

ناس ماتتوقعش انها ممكن تجيب اعلى من 130 فجاة يجيبوا 143 او 144

اه النتائج عندنا غبيه جداا
والله

انا كنت ناقصه درجه ونص في الحاسب وكل الهبل جايبين 10لان الامتحان بتاعنا كان تافه اصلا بس عملت تظلم ولسه شايفه النتيجه امبارح خدتهم مش بيعرفوا يعلموا امال بيعلموا ليه

اه با نسه لتظلم هل اتي لكي حقك ام لا

بالنسبة للتظلم معتقدش انه هيغير حاجة اما عن الدرجات بجد مش متناسقة نهائى بس الصراحة دى حاجة مش جديدة وانا عرفاها من زمان

انا عن نفسى مش بتظلم كتير غير ف الحاسب والرسم 3 دراجاااااااااااااااااااات

قدر الله وما شاء فعل

قدر الله طبعا وان شاء الله الترم الي جاي هتعوضي فيه ان شاء الله

يا احمد والله دة مش تعليم دة اسمة هبل يعنى اية المدرسين اللى بيصححوا يعملوا كدة ولية خلوا النتيجة تظهر بدرى طب ما كانوا اخروها بس على الاقل كانت هتبقى صح ومفيش ظلم انا كرهت التعليم والله العظيم يعنى انا مظلوم فى العربى ظلم رهيب انا مقفل الامتحان وناقص مش عارف لية واحكيلك على موضوع والله العظيم والله العظيم الولد اللى كان ورايا مش حالل فى النحو كلمة واحدة صح كل حاجة غلط وتخيل جايب 29 تيجى ازاى يكون غلطان فى النحو كلة ويجيب 29 والله انا متغاظ جداً ولو فضلت اتكلم مش هسكت تخيل انت واحد مبيفتحش كتاب ايوة والله العظيم ولد مبيذاكرش وطالع الاول على المدرسة لجنتة كانت عبارة عن سوق خضار كان بيفتح الكتاب ويجيب كل حاجة وقدمت شكوة لرئيس اللجان ومفيش فايدة ممكن تقلى دة يبقى اسمة اية يلا انا طولت عليكوا كتير والحمد لله على كل شىء قدر الله وما شاء فعل وان شاء الله ربنا مش هيضيع تعب حد وحسبى الله ونعم الوكيل فى كل ظالم وعلى فكرة كل اللى بيفكر فى التظلم منصحوش بكدة لان مفيش حاجة هتحصل

اقتباس:

المشاركة الأصلية كتبت بواسطة nada allam (المشاركة 2006742)

صح والله ياندى انتا اكتر محافظة غريبة اوي انا ليه واحده صاحبتي عندها غلطة في الرياضة وجايبة 30 وانا طالعه ومتأكده انه انا مش عندي غلط وهأقفل اجيب 29 انا متضايقة جدا لانه كان امتحات تافهه بس يللا للي حصل ياريت المصححين يكون عندهم ضمير اكتر من كده في الترم التاني وربنا يستر وفي واحده كده سايبه التعبير كله ومابتعرفش حاجة اصلا جايبة 29.5 عربي مش عارفه نعمل ايه على العموم قدر الله وماشاء فعل واسفه طولت عليكم

اذيك يافقي عملت ايه في النتيجة واذيكم كلكم ياجماعه والله وحشني اوي ياريت اي حد يقرأ رسالتي يطمنا ويقول هو ناوي يبدأ الترم الجديد ازاي

اه والله النتيجه فيها ظلم مثل ما قاkw_m95
اما روح الروح انا الحمد لله تمام اما بنسبه للامتحنات فيها ظلم جا مد جدااا والله العظيم انا مظلوم في اشياء كثير
اما بنسبه لبدء العام ده ها نبده بحيويه ان شاء الله ونشاط ور بنا مع الجميع

والله انا عن نفسى شفت الدرجات كان هيغمى على
ازاى انا واصحابى حلين زى بعض خالص فى الحاسب ومفيش حد جايب زى التانى مع ان الامتحان كله اكمل واختار ووصل يعنى بيعلموا ازاى
وكمان الاولى على مدرستى صحبتى وعنها غلطتين فى الانجليزى وجايبة الدرجة النهائية والتانية بردة صحبتى وعندها فى الرياضة الدالة كلها غلط وسؤال كمان ومش ناقصة فيها خالص انا تعبت فى الاخر الحمد لله انها جت لحد كدة
وبجد اللى اتظلم ميزعلش اكيد ربنا مش هيضيع حقة اما هيعوضها فى الترم التانى او بعدين
سلاااااااااام

حسبي الله و نعم الوكيل