|
لأول مرة فى مصر .... إنتخابات حرة ونزيهة ... إنتخب بدون بطاقة إنتخابية
الآن ولأول مرة فى جمهورية مصر العربية الانتخابات حرة ونزيهة
بضمان سرية التصويت كاملة وضمان نزاهة فرز الأصوات أختر الخيار الذى تراه مناسباً حسب رأيك دون ضغط أو إكراه لا تخف فصوتك سرى لن يتعرف عليه أحد هذه الانتخابات لجميع أعضاء المنتدى بلا إستثناء سواء معاك بطاقة إنتخابية أم لا فقط ضع صوتك بالاستطلاع الموجود بالأعلى وسوف ترى فوراً نتيجة الاصوات دون تدخل من أحد فى انتظار تفاعلكم |
ارشح الدكتور البرادعى لانه افضل من على الساحه او ممن قالوا انهم سيترشحون ولكنه ليس افضل المصريين ممن يستطيعون تحمل هذا الحمل الثقيل
|
انا قلت الريس اتجنن وقال يعمل مرة تصويت نزيه بين الشعب :d
أكيد طبعاً لو الخيار بين مبارك والبرادعي يبقى مبارك الراجل العسكري وليس العالم الرجل المصري وليس الامريكي الراجل اللى تعب في بلده مش اللى تعب لبلد غيره |
انا من رأيي جمال مبارك
|
اقتباس:
ممكن حضرتك تراجع نظام مبارك الفاسد وما وصلنا إليه حضرتك لو شفت البلد هتعرف بجد أحنا وصلنا لأيه أما الكلام اللى بيقول أن مبارك رمانة الميزان وراجل عسكرى والكلام ده فأنا أحب أقول لحضرتك كفاية أنك تنزل الشارع وانا منتظر ردك البرادعى ولا مبارك ؟ |
مش هقدر أقول اسمي مش عشان خوف عشان انا مش عايز أأذي كليتي اللي بحبها
اسمي أحمد كلية علوم بس مش هقول الجامعة بختار الدكتور محمد البرادعي لأن مصر مش هينهضها رقص وأداء عسكري بس مصر محتاجة 5 % عسكرية و 95% علم ونهضة علمية شوفوا بقي كام برئ بينتحر كل سنة في الثانوية ولما تدخلوا الجامعة هتتفرجوا علي المعامل اللي يدخل منكم علوم بيوزعوا الكيماويات بالقطارة وأجهزة بايظة وتعالوا بصوا علي الوزير الجديد اللي نازل افتري علي الطلبة اللي عضمهم طري وتعالوا بصوا علي مجلس الشعب الفاااااااااااااسد والجثث الفاضية اللي بيلاقواها كل شوية سارقين اعضائها وبتتباع برا في السوبر ماركت والطب الفاسد دكاترة بيغتصبوا ومستشفيات فاسدة كلوا باااااااااااااااايظ والعيش اللي كان بيترمي في عهد السادات بنموت بعض عليه دلوقت والبترول مش لينا وشوية هيلفوا الاثار في اكياس ويبيعوها للأجانب والشعب كله هيسافر عشان يتقدم علف للبهايم برا اعملوا خطوة بقي وحدة صح أنا مش بشتم في حد بالعكس الرئيس محمد حسني انسان محترم بس اللي حواليه بيضللوه اذن لو ابنه مسك اللي حواليه ماسكين من الاول فهي هي الحكاية واتفرج علي فيلم طباخ الريس كلاكيت تاني مرة |
رأيك صحيح مسيو إيهاب وبعدين مصر محكومة حكم عسكرى منذ قيام الثورة إيه رأيكم نغير شوية
|
والله انا مشفتش رحولة ولا شهامة زي ابن البلد جمال مبارك
كفاية انه وين مايروح المنتخب معاه ده ومش لوحده ده كمان هو وأخوه شوفوا تربية مبارك يا جماعة مبارك مش وحش لالالالالالالا اللي حولينه من وزراء هما اللي وحشين ونعاتبهم ونقول الكلام اللي فوق عليهم لكن جمال ولا البرادعي لالالا طبعا جمال كفاية انه متربي في بيت السياسة كلها عارف كل كبيرو وصغيرة مش واحد جا من أمريكا ولا يعرف اي حاجة عن البلد وبكل سهولة نديله أصواتنا ونقول ايوة هو ده اللي هيبقى ريسنا ياريت تعيدو نظركم وتشوفوا بعين الحق مش بالعين اللي مش بيرضيها أي حاجة مهما كانت كويسة وتحسب للحكومة ارجوا ان تتقبلوا رأي |
'طبعا وبلا تفكير الدكتور الحاصل على نوبل محمد البردعى
لانه قادر على ان يجعل مصر افضل وافضل ياريت كان عندى بطاقه انتخابيه كنت فديته بصوتى ولكننى لم اصل الى السن ا القنونى لذلك ...... تنتخبوا ميان البردعى |
اقتباس:
اقتباس:
مشكلة مبارك الحاشية و انعدام السيطرة الكاملة ------------- فليبق الوضع كما هو عليه لحين ظهور المنتظر |
اقتباس:
هو حضرتك عرفت منين إنه البلد في عهد البرادعي حتبقى الحياة لونها وردي ؟ كفاية إنه مبارك قدر يوصل بمصر سياسياً لحوالي تلاتين ولا اربعين سنة من غير احتلال !!! طول عمرنا بندرس التاريخ كله احتلالات البرادعي إن شاء الله حيحقق حلم اسرائيل في احتلال مصر ! انتو ليه حاطين العلم وحده كافي ليحكم مصر ؟ كان في مادة عندي في كلية الهندسة اسمها "تاريخ العلوم الهندسية" كان بيقول المهندسين مينفعش يمسكو البلد بغض النظر عن كونه هو ايه بس انا شايف إنه ميمسكهاش غير راجل عسكري مش "فافي" مدلع طول حياته في امريكا |
اقتباس:
كلام مظبوط وؤايده بشدددددة |
اقتباس:
اوك معاك يا بانزر العلم عمره ماهو اللى هيمسك البلد احنا عايزيين رجل عسكرى و سياسى زى مبارك كده ربنا بقا يطول فى عمره |
اقتباس:
ولحين ظهور من يستحق ... أؤيد بقاء الوضع كما هو عليه |
اقتباس:
صعب جدا تلاقى واحد كامل فيه كل السيمات الناجحه يعنى مثلا: تلاقى فى الريس مبارك انه سياسى درجه اولى و بيعرف يحافظ على مصالح البلد الخارجيه و عندك البرادعى راجل علم و سياسى برده بس مش زى مبارك و عندك جمال مبارك يعنى ماليل اقتصادى شويه و بيعمل مشاريع و حاجات ترفع الاقتصاد المصرى يعنى ماتلاقيش حد معاه كل حاجه و مافيش حد منهم بيهتم بالشئون الداخليه لان دى وظيفه الوزرا الجحيم اللى انتوا بتشوفوا الناس عايشينه فى العشوائيات و الللى قربت على المجاعات دى وظيفه الوزرا و الحاشيه الللا تحت احمد نظيف كلها لما تبصوا للعيب شوفوا المسؤل يعنى اكتر العيوب اللى انتوا شايفنها فى البلد دى سبابها الدكتور احمد نظيف و الوزرا بتوعه اما رئيس الجمهوريه فانا شايفه انه وجه البلد بره بس ده اللى كل الدنيا ماشيه بيه فيبقى احس واحد سياسى يمسك البد هو مبارك و شكرا |
| جميع الأوقات بتوقيت GMT +2. الساعة الآن 10:20 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.