<div align="center">بسم الله الرحمن الرحيم

انا إن شاء الله هكتب أغنية جديدة ليا لسا مألفها حالا

وهنزل بشرحها عشان الكل يتخيل الموقف هو مش على لساني انا

دا على لسان اللي حس التجربة " يعني مثلا انا كاتب اغنية لتجربة شخص ما مش انا يعني " بس تعتبر ذاتية مثلا على أنها تجربة صديق او او

يبدأ اللي هيقول الكلام دا ويحكي حكايته

هي الحكاية اني وواحد صحبي " صديق عمري " وكان فيه واحدة صحبتنا في الكلية المهم انا كنت بحبها جدا وصحبي كان بيحبها جدا " بس مكنتش أنا اعرف " وهي كانت بتحبني

حبنا بدأ يكبر يوم بعد يوم بس كان في فرق " صاحب عمري " كان أغنى مني وعربيات وكدا

كنت عايش معاها قصة حب جميلة بس حسيت انها بدأت تميل لصاحب عمري وفي يوم معدي وانا جاي الكلية وداخل المحاضرات لقيتها معاه في الكافتريا ايديهم في ايد بعض

صحبي للأسف مكنش يعرف حبي ليها لكن المشكلة انها كانت حست كل حبي ليها

كل اللي حصل اني حبيتها قوي فلما شوفت الموقف دا قلت اللي يحب يسامح ويغفر وممكن شعور عادي أخوة

جيت في يوم تاني لقيتها معاه في العربية طلعت وراهم لقيته وصلها للبيت ولقيتها بتقوله " باي يا حبيبي "

يااااااااه اتدمرت قوي حسيت اكن حبي كل انتهى حب طفولة وانتهى لمجرد حبها للبهرجة والعربيات وكل المظاهر

بعدت عنها قوي " دا صاحب عمري يا جماعة " بعدت كتير وبدأت انسى بدأت مروحش الكلية قد كدا والموقف أثر فيا قوي لدرجة كبيرة

المهم عدت شهور وبعدين لقيتها بترجعلي وبدأت تحكيلي حاجات بينهم وانها عايزاني وبس

وبتحكيلي غدره ليها " وبتختلق دا " صحبي عمره ما كان غدار هي اللي غداره وتستاهل اللي جرالها

بس انا كان نفسي انها تكمل مع صاحبي وربنا الحمد لله وفقهم وارتبطوا ببعض ونسيتني بس انا كسبت صاحب عمري عنها

مش عارف اللحظة دي عدت في عمري ازاي يمكن حبي لصاحبي فاق حبي لنفسي وحبي ليها



انا كان نفسي اخدها في حضني بس بصيت للهفة وحب صاحبي ليها قلت لأ بلاش اخليها خاينة للمرة التانية كفاية انها خانتني

ودا صاحب عمري يعني " ابقالي منها " هيفضل معايا طول عمرنا مش هخسر صحبي عشان قلبي بعدت عنها وكل ما تيجي تكلمني ابعد عنها

مش عايزها تخونه تاني زي ما خانتني في يوم من الأيام استحملت كتير وآسيت كتير بس كله يهون عشان " صديق عمري "

الكلمات مستوحاه من نص القصة الصغيرة دي :)






آل جاية ايه وبتحكيلي
بحبه هو تغنيلي
حيران انا سهران انا
وبغدره هو بتشكيلي
على ايه وداع يا دموع عيني
ما هو كله يوم بكرة تجيني
بحبها وبعشقها وبدمعها ... تناديني

اهرب يا قلبي في وداعها
رجعالي بكرة بدموعها
مشتاقة ليك محتاجة ليك
امشي بعيد ولا تسمعها

على ايه رجعالي ندمانه
يا فراق ما الدمعه وحشانا
على ايه راجعه تصون حبي
ما في يومها باعت في هوانا


آل جاية ايه وبتحكيلي
بحبه هو تغنيلي
حيران انا سهران انا
وبغدره هو بتشكيلي
على ايه وداع يا دموع عيني
ما هو كله يوم بكرة تجيني
بحبها وبعشقها وبدمعها ... تناديني

هي الدموع من أحزانا
ولا بتنزف في ألمنا
ولا يا قلبي بتعمل ايه
ما هي قتلت كل أحلامنا

فاكرة في حبي وعدتيني
بعتي وخنتي جرحتيني
جايالي ليه هتقولي ايه
فاكرة في يوم ودعتيني

خنتيني مع صاحب ليا
بعتيني وكدبتي عليا
مكنش ييجي في بالي يوم
اكتب بغدرك أغنيه

دا قلبك ظالم وأناني
عايزه تخوني واحد تاني
قلب حبك بحب كبير
دلوقتي راجعة علشاني

انا رافض انك رجعالي
دا صحبي عمري وابقالي
من غدرك انتي في يوم بعتي
عشانه ترخص أحلامي


آل جاية ايه وبتحكيلي
بحبه هو تغنيلي
حيران انا سهران انا
وبغدره هو بتشكيلي
على ايه وداع يا دموع عيني
ما هو كله يوم بكرة تجيني
بحبها وبعشقها وبدمعها ... تناديني







</div>

جامده يابرى :( :(

جامده قوي

معلش يا بري غيرها في غيرها

لا بجد جامدة

الموضوع دة جامد موت
ربنا يوفقك

انت رجعت للحزن تاني ولا ايه:(
عايزين حاجات زي العنب و السمك وشبرا و علييي علييي

<div align="center">ماتقلبش المواجع الجرح لسه واجع </div>

اشطه باللوز يا معلم ايه الحلاوة دى يا بنى


والله طول عمرك جامد

آل جاية ايه وبتحكيلي
بحبه هو تغنيلي
حيران انا سهران انا
وبغدره هو بتشكيلي
على ايه وداع يا دموع عيني
ما هو كله يوم بكرة تجيني
بحبها وبعشقها وبدمعها ... تناديني

<div align="center">شكرا ليكم كلكم بجد :)

دلوقتي انا بدخلها مرحلة التجديد والتنقيه والتصحيح في الأخطاء ربنا يسهل يارب :)

ويارب تكون جميلة وميكونش كل دا مجاملة :)</div>

على ايه رجعالي ندمانه
يا فراق ما الدمعه وحشانا
على ايه راجعه تصون حبي
ما في يومها باعت في هوانا


يابنى من يومى وانا بقول عليك جاااااامد بجد

احساس عالى بجد

تسلم ايديك يابنى

لا تعليق عشان مفيش تعليق هيديها حقها :)

بجد روعه يا محمد كالعادة:)

تمام يامحمد ربنا معاك وبجد اغنية روعه بس بجد انا ليا ملاحظه على الحته بتاعة
خنتيني مع صاحب ليا
بعتيني وكدبتي عليا
مكنش ييجي في بالي يوم
اكتب بغدرك أغنيه
تفتكر كلامها ملائم مع الاغنية نفسها ؟
لكن الاغنية جميلة وربنا يوفقك