|
هل فتاة النت سيئة؟؟
من بين اهم المواضيع و اغربها اللي صادفتني
هل فتاة النت.. سيئه ؟ ولايفضلها الشباب.. دعوه للنقاش.. هل فتاة النت فتاه سيئه ولا يفضلها الشباب ؟ فتاة تكتب في منتديات الانترنت اتت اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعة مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقظتها وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون خطابات الدعوة لليلة الفرح الموعودة ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام ؟ قال زميله خطيبتك كاتبه في منتدى بالاسم الفلاني ؟ قال وما ادراك ومن اعلمك ؟ قال اختي تعرفها واسرت لها بذلك ؟ وهي تكتب باسم مستعار اتريد ان نفتح المنتدى لنشاهد مواضيع خطيبتك؟ قال العريس والعرق يتصبب ولما لا ؟ فتح الزميل المنتدى استخرج بالبحث جميع مواضيعها ثم بدأ الاثنان في التصفح فهاهي ترد على فلان وتشكر فلان وتتناقش مع فلان وتضحك من طرفة فلان وهذا فلان يمدح ماتكتب ويثني على ماتقدم وهي ترد عليه بالثناء والشكر احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم خطيبتي ؟ قالت امها لامانع .. اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل ؟ لكنه فاجاءها بسؤال واحد هل انتي الكاتبة الفلانية في المنتدى الفلاني ؟ قالت نعم انا هي قاطع حديثها وقال اسف انا لا اتزوج فتاة انترنت وأطبق السماعة حالة قد تمر يوما ما على فتى او فتاة فما موقفكم ؟ - 1 - ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟ - 2 - هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة؟ - 3 - بنظركم ،، هل كل فتاة تستخدم النت لابد أن يكون لها صديق ؟ - 4 - ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟ - 5 - ماهو الخط الاحمر الذي يجب ان تقف عنده الفتاة وتقول للانترنتوداعاً ؟ - 6 - انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟ ((( السؤال للفتيات أيضاً ))) |
الموضوع جميل جدا..
بس هأقولك ع حاجه .. البنت لما تشترك في منتدى محترم بيناقش قضايا محترمه ..رائع جدا ..واكيد ده هيأثر ع شخصيتها ..ولما تيجى ترد ع الاعضاء الاولاد باحترام وفى حدود..يبقى مفيش مشكله طالما احنا عارفين حدودنا كويس .. وبعدين هى مش بتكلمو مثلا على ميلها ..او علىشات ..انا مش شايفه ان فيها مشكله .. هى بتكتب في منتدى تقدر كل الناس تشوف الحوار البيحصل يعنى بتتتكلم في النور .. لكن انا بشوف اعضاء مثلا ولاد بيدو اميلاتهم لبنات والعمليه مفهاش حدود خالص .. ده بقى المينفعش .. الموضوع طالما فيه حدود خلاص .. معلش طولت .. شكرا ع الموضوع .. |
ده مين قال كده ؟! البنت حتى فى الميل بقدام محترمة نفسها يبقى تمام ... يا جماعه احنا فاهمين الدين و الشرع و المجتمع غلط ... و ده عيبنا دايماً .... بصى انا هقولك على حاجة
زمان ايام الاسلام الصح و الصحابة مكنوش بيعملو غلطة واحدة .... عارفة بقى كان فيه منتديات ( مجالس زى المقاهى كده ) بستائر تحتشم فيها النساء و مبيتلعش منه غير الصوت بس ( هتقولى ربن قال صوت المرأة عورة ) يا سيدتى الفاضلة ماشى بس صوت المرأة عورة نفهم فى ايه مش نقول ف كل حاجة ... صوت المرأة عورة فى الغناء ... الزعيق ... الضحك بصوت عالى جدأً و طبعاً انتم فهمين ... هما فى المجالس دى كان بيتبدلو الاراء و كانت النساء المثقافات لها اراء و بيتكلمو من وراء ستار و بيقولو اللى هما عاوزينه و لما كان بيتطرق الحوار لاحد الطرفات ( لان المسلمين كانو بيضحكو بردو زمان انتم للى معقدين الدين ) كان النساء بتضحك بس بصوت خافت ضحة رقيق او يعنى وضع اليد على الفم لعدم اصدار صوت الضحك بصوت عال .... نستفيد ايه من ده ... ان البنت كانت بتشارك من قديم الازل فى كل حاجة ... هتلى اية واحدة بتقول البنت مينفعش تتكلم مع ولد فى ثقافة او فى اي حاجة بقدام فى النور و فى احترام ... يا جماعه المجتمع بنت وولد ... لو مفيش بنت اتكلمت خالص مفيش شاب هيلفت انتباهه بنت ابداً و مش هيبقى فيه عجاب و جواز !!!! الخلاصة : بنات الانترنت + حدود + احترم = ثقافات متبادلة ... كفاية بس التخلف اللى احنا فيه |
بارك الله فيكي اختي
ولكن انا أعرف داعيات شوفي داعيات على النت ولية اصحاب كتيرة والحمد لله ملتزمين ولما بشارك في أي منتدى لازم آخد بالي من اسمه لا ن المنتدى بيبان من عنوانه ولا أرى ان الفتاة أخطأت عندما تستخدم النت بل فهي تبين انها متفوقة عن باقي الفتيات انها مثقفة وتعرف لغة العصر إنما المصيبة الكبرى انا الأخت دي بتستحدم النت إزاي ففي البعض من الشباب لا يحب ان خطيبته تعرف النت ليه؟ انا هقولك ليه لان 95 % من الشباب بيستعملوا النت استعمال خاطيء ولا يعرف شيء عن الإتجاهات السليمة ولو يعرفها بيتجاهلها فنظرته لفتاة النت انها تفعل مثله وتستعمل النت في ان تكلم كذا عبر الشات وترسل لكذا رسائل عبر النت وتكلم كذا عبر المسنجر وتضحك معه ومن اول مكالمة ترسل له صورها ووووو ..........إلخ هذه هي نظرة الشاب لفتاة النت ولكن نيجي للفتيات اللي احنا سمناهم فتيات النت 65% منهم يستعملوا النت في نشر الدعوة الإسلامية هقولكم ليه لأن معظم الفتيات في البيت ماذا تفعل تقعد على النت وبفضل أخوات الدعوة دي تقول لدي ودي تقول لدي لان احنا عارفين ان البنات تحب تتكلم كتير وتفضفض كتير فتلاقي منتدى إسلامي اتعمل انهردة تلاقي بكرة 1200 واحدة اشتركت في المنتدى المعلومة عندنا بتنتقل بسرعة وفي أولياء امور بتخاف على بناتها فمش بتفكر في انها تدخل النت البيت غير لوكانوا واثقين من بناتهم انهم هيستعملوا كويس وده سببب لإنتشار الفتيات الصاحات في المنتديات وأرجع واقول ان البنت الكويسة هي اللي تعرف تستخدم النت في شيء كويس وهو زي ما كلنا عارفين انه سلاح ذو حدين على الإنسان/ة يعرف طريقه فين وأخيرا فتاة النت التي تعرف طريقها الصح أفضل بكثير من الفتاة العادية اما إذا كانت تسخهدمه في امور ................. فالبنت العادية أفضل وشكلرا يا *بنت مصر * على طرح الموضوع بارك الله فيكي وجعله الله في ميزان حسناتك |
أعتقد ان مفيش حاجه اسمها فتاه نت ولا حاجه لان البنت اللي ع النت هي اللي في البيت وهي اللي في الشغل وو... فده راجع لشخصيه البنت نفسها سواء محترمه او غير... هو فعلا ممكن تكون ع النت اكثر حريه لان مفيش رقابه بس بردوه معتقدش انها هتكون للدرجه وبدليل ان البنات الغير ..... ع النت هم في الواقع كده بردوه
.....والسلام عليكم |
الموضوع جميل
بس ما دام البنت كويسة وردها على اى حد بحدود واحترام يبقى كده تمام |
طبعا الامر ليس بهذة العمومية
كل0000000 كلمة خادعة كل الصعايدة 000 كل الخليجيين 0000 والنت جزء من المجتمع فيه الصالح والردئ والي الأبنة الغالية أسيرة الصمت مشاركتك متميزة ولكن اسمحي لي انها متحيزة شويه ومنين جبتي ارقامك؟؟95 % من الشباب سئ و65 % من الفتيات داعيات؟؟؟؟؟ طيب امال الشباب بيكلموا مين بنات امريكا؟؟؟؟ النت هو اداة للخير والشر والعبرة بالتربية والاشراف الاسري وتقبلوا مروري |
| جميع الأوقات بتوقيت GMT +2. الساعة الآن 09:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.