|
مختارات من رباعيات الضاحك الباكي صلاح جاهين
بسم الله الرحمن الرحيم و به نستعين
النهادرة جايبلكم مختارات من اجمل ما كتب شاعرنا المصري الاصيل .... الضاحك الباكي .... صلاح جاهين ============================== يا عندليب ما تخافش من غنوتك قول شكوتك و احكي عن بلوتك الغنوة مش هتموتك انما كتم الغنا هو اللي هيموتك =================== ياللي بتبحث عن إله تعبده بحث الغريق عن اي شئ ينجده الله جميل و عليم و رحمن رحيم احمل صفاته ...و انت راح توجده ===================== غمض عينيك و امش بخفة و دلع الدنيا هي الشابة و انت الجدع تشف رشاقة خطوتك تعبدك لكن انت لو بصيت لرجليك تقع =================== اوصيك يا ابني بالقمر و بالزهور اوصيك بليل القاهرة المسحور و ان جيت في بالك .... اشتري عقد فل لاي سمرا ...... و قبري اوعك تزور ===================== ياللي بيتك قش مفروش بريش تقوي عليه الريح يصبح مفيش عجبي عليك حواليك مخالب كبار و مالكش غير منقار و قادر تعيش ====================== ايوب رماه البين بكل العلل سبع سنين مرضان و عنده شلل الصبر طيب ..... صبر ايوب شفاه بس الاكاده مات بفعل الشلل ==================== انا قلبي كان شخشيخة اصبح جرس جلجلت بيه صحيوا الخدم و الحرس انا المهرج .... قمتوا ليه خفتوا ليه لاف ايدي سيف و لا تحت مني فرس ===================== ايش تطلبي يا نفس فوق كل ده حظك بيضحك و انتي متنكدة ردت قالت لي النفس : قول للبشر ما يبصوليش بعيون حزينة كده ===================== بحر الحياة مليان بغرقي الحياة صرخت خش الموج في قلبي ملاه قارب نجاه ..... صرخت قالوا مفيش غير بس هو الحب قارب نجاه ===================== انشد يا قلبي غنوتك للجمال و ارقص في صدري من اليمين للشمال ما هوش بعيد تفضل لبكره سعيد ده كل يوم فيه الف الف احتمال ===================== يتبع |
جميييييييييله شكرا للمساهمه
|
اقتباس:
شكرا لمرور حضرتك الكريم |
اول ما قرأت العنوان
حسيت انك انتى اللى عاملة التوبيك بجد توبيك جميييل جدااا تسلمى ياقمر |
بجد موضوع كتير جميل ومميز
وياريت مش تزعلى منى...ياريت تاخدى بالك قبل ماتنزلى المختارات اللى عندك المختارات اللى موجوده فى القسم الخاصه بجاهين فى انتظار المزيد من مواضيعك وباقى الموضوع ده طبعا:) فى رعاية الله |
اقتباس:
و كويس ان الموضوع عجبك شكرا لمرورك الرائع :) |
[quote=hend ere;2027538]بجد موضوع كتير جميل ومميز
الاجمل هو تواجدك بالموضوع :) وياريت مش تزعلى منى...ياريت تاخدى بالك قبل ماتنزلى المختارات اللى عندك المختارات اللى موجوده فى القسم الخاصه بجاهين اكيد مش هزعل من نصيحتك الغالية يا قمراية كويس انك لفتي نظري ان القسم كان فيه مواضيع خاصة بجاهين ( علي فكرة انا ما كنتش اعرف ان كان فيه مواضيع سابقة خاصة برباعيات جاهين ) انا عملت الموضوع لاني من محبي رباعيات صلاح جاهين و حبيت اعرف الاعضاء بجزء من رباعياته فى انتظار المزيد من مواضيعك وباقى الموضوع ده طبعا:) فى رعاية الله[/quote شكرا لمرورك الرائع :) |
شكرا لحضرتك على التوبيك الجميل
|
اقتباس:
شكرا لمرور حضرتك الرائع :) |
دول رابطين لمواضيع جاهين
على اسم مصر http://thanwya.com/vb/showthread.php?t=67193 من اشعار صلاح جاهين http://www.thanwya.com/vb/showthread.php?p=1289752#post1289752 انا جبتهم من فهرس القسم...ادخلى فيه هتلاقى مواضيع اكتر ليه فى رعاية الله يا قمر |
[quote=hend ere;2031809]دول رابطين لمواضيع جاهين
على اسم مصر http://thanwya.com/vb/showthread.php?t=67193 من اشعار صلاح جاهين http://www.thanwya.com/vb/showthread.php?p=1289752#post1289752 انا جبتهم من فهرس القسم...ادخلى فيه هتلاقى مواضيع اكتر ليه فى رعاية الله يا قمر [/quote شكرا يا قمر علي الروابط شكرا لمرورك للمرة الثانية :) |
موضوع مكرر
|
| جميع الأوقات بتوقيت GMT +2. الساعة الآن 07:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.