|
مرتضى وشويير الى اين؟
اعضاء المنتدى الكرام ارثى لكم حالى حالكم وهو حال الشعب المصرى باكمله اتحدث عن شعب نسى مشاكله باكملها اتحدث عن اعلام بارع فى اشغال الناس عن معرفة حقوقهم اعلام نجح فى خطته المنوط بها من قبل جهات معنية لتغييب شبابنا عن وعيهم وعن معرفة حقوقهم ماذا اقل لكم؟ لا استطيع ان احصر المشاكل الموجودة فى بلدنا هذه لسانى يعجز عن التعبير عما بداخلى ولكن اسمحولى ان كتب هذه السطور القليلة مرتضى وشوبير الى اين؟ وكأنها القضية الاولى فى مصر ( دايما بننسى مشاكلنا بسرعة ) مابين سيادة المستشار مرتضى منصور والنائب المحترم احمد شوبير اصبحت قضية تشغل الراى العام باكمله وليش لشعبنا القليل الحيلة امرا آخر يشغله غير هذه القضية ومعرفة احداثها والى اين وصلت نمسى ونصبح على اخبار هذه القضية كلام واقاويل متعددة مابين طرفى النزاع وسب لبعضهم البعض وتجريح لكل منهم وعلى الهواء مباشرة وقضايا فى المحاكم نرفع وينظر فيها وكانهم يحلون مشكلة رغيف العيش ( الله عليكى يابلدى ) هل خلت مصر من المشاكل؟ الم يعد هناك امور نتناقش فيها غير امر مرتضى وشوبير؟ اهذه هى مشكلة مصر ؟ فى يوم وليلة نسينا كل شئ نسينا حالنا؟ الم يعد لدى الاعلام قضايا ومواضيع تطرح للنقاش غير هذه القضية ؟ اسمحوا لى ان اقل لكم انهم لايعنون شيئا ولا يحترمون المكانة والمنصب الذى يشغلونه مين فينا فاكر راندا الشامى والمواد المسرطنة والمبيدات الحشرية الدكتور اشرف مروان وكيف تم اغتياله سيادة الوزير محمد ابراهيم سليمان وزير الاسكان والاموال الطائلة والعقارات والفيلل التى راحت هباءا منثورا هشام طلعت مصطفى التعليم وما به من مشاكل لاتحصى العبارة وضحاياها صخرة الدويقة الطرق والحوادث التى تحصل عليها والاف القتلى 7 7 7 7 7 وامثال اخرى كثيرة تعلموها وانا اعلمها ولكنى افضل ان لا اكتبها انى اخاف ان تكون هذه القضية باكملها هى بفعل فاعل ومقصودة ( كل شئ جايز فى بلدنا ) الموضوع مطروح امامكم للنقاش فيه |
هل فعلا هذه المشكلة مقصودة ام لا
|
فرق تسد
شتت تسد لما تكون مصر غير متجانسة داخلية تفتكر هفكر في الأحوال الخارجية ! لما تلاقي الناس مشغولة بالعيشة ولما تيجي فاضيح الناس بيقرأها عشان التسلية بس ويخرجهم من همومهم ! اظن ان المخطط واضح وباين ان الاعلام مسح عقلنا بقي تفكرنا كله في مواضيع هايفة اما الحقيقة مش عايزين حد يفكرنا بيها ! وحصل دا لما انجلترا كانت محتلة مصر بس مكنش فيه فضائيات ودش لكن كان بيشغلوا الشعب في السياسة الداخلية ويخلوا الشعب مشغول بالسياسة الداخلية عشان ميفكرش يطر انجلترا من مصر ! كأن التاريخ بيعيد نفسه احنا بردو محتلين فكريا وثقافيا واقتصاديا كل الاشكال الله يرحمنا برحمته شكراا ع المووضوع |
اقتباس:
اولا انا لا احمل الاعلام مسئولية كاملة ولكن يمكن القول اننا نشترك معه بطريقة مباشرة مما يسهل له كل مايقدمه لنا عجبتنى جدا احنا محتلين اقتصاديا وثقافيا و.. و.. نفسى تكون الادارة والسياسة مصرية 100 % |
ربما دخلت الموضوع بشكل متاخر بعض الشيء
لكن اعتذر من الكاتب مبدئيا على كل حال ... الموضوع كويس طبعا ..وكنت اتمنى اشوف حد بيحسب الامور كده. اليومين دول لا حديث الا عن مرتضى وشوبير...وكأن الهموم خلصت .. معتش غيرهم. بياخة متناهية...لكن دا العادي بتاعنا .. مفيش جديد. مش مبسوطة طبعا اني بقول الكلام ده....لكن الواقع بقى :blush:.. اعترف طبعا ان المشكلة سبها الاعلام التافه بالدرجة الاولى ... لكن بيشترك كمان في الاسباب : الجمهور التافه برده . اما عن المشاكل اللي مفروض نهتم بيها.... المذكورة بالموضوع وغيرها......: اتمنى تاخد حقها شوية من اهتمامتنا . ولو ان اهتمامتنا نفسها بقت مشكلة محتاجة حل. عذرا لو الكلام غير منسق ... لكني كتبته في توقيت غير ملائم نفسيا. |
اقتباس:
جميلة اوى الجملة دى فعلا احنا بجد محتاجين ان احنا نغير من نفسنا نشوف ايه اللى المفروض يتعمل ونعمله مش نستنى لما حاجة تنفرض عليها سواء نت ايجابية و سلبية ونتماشى معها والسلام اهتمامتنا لازم تتغير للافضل وشكرا جدا لردك وربنا يوفقك ويفك كربك |
اقتباس:
بغض النظر عن إنه الاتنين أنيل من بعض والاتنين محتاجين يتخلعو خالص ولكن تفسيرك او تبريرك للحدث في غير محله فلو قارنا كل مشكلة بالمشكلة الأخرى وقلنا مش حنحل دي عشان دي اتقل ولا دي اهم يبقى مش حنخلص حاجة ! ياعم حل مشكلة ولو كانت صغيرة وواحدة ورا واحدة حنوصل للكبيرة مش قصدي بكلامي إنه موضوع شوبير مهم ونسيب الباقي دلوقتي بس في تبريرات تانية اكثر ملائمة لهذه الحالة أما عن سر انشغال الناس بالقضية دي فتقدر تقول الشعب المصري بيحب يتلم في الخناقات عشان يتفرج :d خصوصاً دول مش اي اتنين دول ناقر ونقير من زمان :d ربنا يهدينا ويرحمنا من لعب الاطفال ! |
احييك على الموضوع الجميل
بس عايز اقول ان الشخصين دول لولا وقوف الناس الساذجة وراهم والتلميع الاعلامى اللى شغال ليل نهار مكنش حد سأل فيهم هما فى النهاية ايه يعنى ويطلعوا مين فى الاخر الاتنين محترفين ضحك عالناس ولعب بالملايين واحد وصولى والتانى بذئ اللسان هما دول نجوم المجتمع ؟!!!! طبعا الاعلام هو اللى مسئول عن النماذج الضالة دى بنسبة 100% وشكرا على الموضوع |
كأن البلد ما عندهاش مشاكلوفاضية لهذا الكلام الفاضى وهذا سببه كتر البرنامج الرياضية التى اصبحت تجارة فقط وليست رياضية
|
|
دول عالم بلا مشاكل فبيخلقوا مشاكل يتسلوا بيها والفاضى يعمل قاضى
|
| جميع الأوقات بتوقيت GMT +2. الساعة الآن 10:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.