قصه مع الازهر الخنيق وحوار مع المستشارين
 

في البدايه انا العضوahmed kuwit بس دخلت بعضويه تانيه لاني موقوف:p

انا مش عارف ابدأ الموضوع ازاي بس انا اتخنقت قوي من الازهر

الموضوع اني و2 صحابي طلعنا الاوائل ع المحافظه

(الاسماعيليه) في اوائل الطلبه وبعدين طلعنا للتصفيه ع مستوي الجمهوريه في القاهره اول يوم كنا 9 محافظات وبعدين

تاني تصفيه كنا 6 وتالت تصفيه بقينا 3 بس وفي اخر تصفي الحمد لله طلعنا اوائل جمهوريه طبعا جميل خالص وطبعا الازهر

بيقول ان اوائل الجمهوريه بياخدوا فلوس وشهادات تقدير قلنا كويس لكن طبعا كعاده الازهر طلعولنا بحجج اننا جبنا اقل من 90% وطلعنا من المولد بلا حمص يعني اخدنا اوائل جمهوريه بس

مش عارف انا ايه ده طب واحنا مالنا ما احنا طلعنا اوائل جمهوريه وخلاص وبعدين الامتحانات كانت صعبه والوقت قليل وايضا

يا جماعه الوقت لكل امتحان 5 دقائق ولو اتا خرت ثانيه بيخصم درجات ومش عاوز اقول كمان ان المستشارين

بيجمعوا الدرجات غلط والله واحنا التلاته بنحل في ورقه واحده :blush: يعني انا مثلا بكتب فوق وزميلي بيكتب تحت وواحد

تالت واقف بيننا بيكتب في النص قرف خالص .


ده غير طبعا تهزيق المستشارين والتريقه بيقولوا لينا اذا كان بتوع القاهره خرجوا انتم يا بتوع الاسماعيليه هتفلحوا

وانتم كمان معهد خاص يعني مدلعين وكلام يضايق كده .

بس بردوه الصراحه كان في مستشارين محترمين زي الدكتور محسن مسشتار الكيمياء اخدنا رقم موبايله وهو راجل

في قمه الادب والذكاء والاحترام وقالنا خلوا بالكم من المخططات لاني بموت فيها ومن العضويه .

وكمان الاستاذ سمير شاهين مسشتار الرياضه اخدنا رقمه بردوه قالنا انا ميزتي اني بجيب الامتحان في كل نقطه

في المنهج فاللي عارف اي حاجه هيجاوب .

ومستشار العربي قال حلوا امتحانات سابقه كتير لاني بجيب الامتحانات منها قولتله من المرشد يعني ضحك وقالي

ممكن.

اما بتاع الفيزياء قراجل خنييييييييق عقد فينا وقال الامتحان صعب ونزلنا كتير في الامتحان ومردش يعمل اعاده تصحيح

وكذلك بتاع الشرعي ابو عمه:d

وبتاع الاحياء راجل في حاله كده لا بيهش ولا بينش :p

وبتاع الانجليزي راجل عجوز قوي قال زي بتاع العربي امتحانات سابقه

مستني الردود

والسلام عليكم ......تحياتي

نقول ايه

ده ازهر

لا تعليق

دة طبيعى فى كل مكان فية الحلو والوحش.انت كلامك رديت عبى نفسك....ممكم اعرف اية الفائادة من الموصوع دة اية؟؟؟؟؟؟؟

اولا شكرا لك استاذي

ثانيا الغرض من الموضوع هو بيان الظلم الواقع علينا كطلاب اقاليم يعني لما بتوع القاهره خرجوا اتلككوا لينا ومردوش

يعطونا الشهادات والفلوس بحجه اننا اقل من تسعين في المائه مع اننا اوائل جمهوريه

ثالثا بنشر لزملائي كلام المستشارين ونصائحهم

والسلام عليكم ......تحياتي

ع رايك بس اهم حاجه كل واحد فينا يدخل الكليه اللي عاوزها وخلاص

وربنا يوفقنا كلنا

والسلام عليكم

ربنا معاك ومعانا ومع لازهر

على فكرة انا معاك لان انا من محافظة المنيا ومعهدى صعد مصر قبل كده والكلام ده صحيح احنا كانوا يصححوا الورق ويقولوا النتيجة طلعت ونبقى مظلومين فى الدرجات وكانوا بيقطعوا الورق قدامنا وميردوش يعيدوا التصحيح وبيهتموا بالوجه البحرى فقط الازهر مليان عيوب للاسف

للاسف نعمل ايه

انا عندى الكلام ده فى معهدى بردو مع انى وجه بحرى

مش فرقة معاهم لا قبلى ولا بحرى

اه فعلا يا ساره مش عارف انا ايه العنصريه دي:d هو الواحد نفسه بس يخش كليه محترمه ويخلص من السنه دي

وخلااااااااااص وانا متضايق قووووي من غرور المستشارين يلا بقي ربنا يهدي

وشكرا لردك

اه هما بيتحيزوا لبتوع القاهره والجيزه احنا اللي غلابه وبعدين بيكروه بتوه المعاهد الخاصه كأنهم مش ازهر يعني

مش عارف انا يعني ايه مدلعين وكده كلام فاضي والله

وشكرا لردك وربنا يوفقنا جميعا

والله
ده على اساس ان فى معهد واحد فى القاهرة او الجيزة
انا روجت فى الشهادتين اللى فاتت والصراحة كنت بشوف ظلم واحنا تبع الجيزة بس الصراحة كانوا بيتحيزوا بس للمعهد بتاع الادارة
يعنى
قلت السنة دى مش مستحمله هم
علشان مش احرق فى دمى زى سيادتك
عايزة افكرك بحاجة بما انك احمد يعنى اظنك كنت قلت كلام مناقض لده و....... فى موضوع سابق.........ها
يلا خلينا فى حالنا

‏ هههه لا ‎والله مش مناقض ولا حاجه انتي كان موضوعك(شيخ الازهر اتغير). فانا كنت بدافع عنه بس مش عن الازهر وأهو ربنا توفاه والجنه مثواه إن شاء الله.
وربنا يوفقك ويوفقنا وشكرا لردك