http://www.moveed.com/data/thumbnails/2/05.JPG

..النهاردة يا جماعة انا عاوزة اخد رايكم في مسالة عادية شوية ..
أنا بشوف كتير من الشباب بيحلموا بحاجات كتــــــــــيرة أوي .. والمشكلة انهم مش عارفين اذا كانوا هيقدروا يحققوها أو لاء ..
فتلاقي الشاب من دول بيحلم انه يخلص تعليمه وعلطول يتجوز ويفتح بيت .. بس مشكلته انه هيجيب الفلوس اللي هتساعده منين؟
في شباب بيوافق على انه يشتغل في أي حاجة مش شرط تخصصه وده علشان يجيب فلوس ...
لكن في شباب مش وش شغل ومش بيعرف يشتغل الا في تخصصه .. فبيحاول يسافر بره علشان يلاقي شغل يتلائم معاه ويجيبله دخل كويس .. علشان احنا بقينا في عصر السرعة .

فانتم رأيكم ايه ؟؟؟
توافق تشتغل أي حاجة جوة بلدك المهم تجيب فلوس ؟؟
ولا تشتغل بره بلدك وتجيب دخل كويس وتعرف تفتح بيت وتكون نفسك بسرعة ؟؟
عاوزة من كل واحد يقول رأيه ... ويتكلم عن الاحلام اللي بيحلم بيها .
وعلشان خاطر الاحلام دي يوافق ولا لاء ؟..
..
..

في الخارج بكل تاكيد
لان مفيش مستقبل في الداخل
وشكرا علي الموضوع

<div align="center">موضوع جميل قوي يا نهى

بصي انا حلمي أصلا اني اسافر بره بلدي مش عشان الفلوس انا عاوز المستقبل فهماني أكيد

بلدك بتقتل المواهب وبتدمر كل حاجا بس العيب اني في كلية مش حكاية صعبة بس لو سافرت بره " هتجند " لحساب الشركة او الدولة اللي هشتغل فيها

فهماني لأ يبأى ابدأ اشرح

يعني مثلا لو ربنا كرم انا هخلص الكلية وهطلع احضر ماجستير ودكتوراة بره ودا أكيد ومؤكد بإذن الله :)

هطلع بره بعد ما اخلص الدكتوراة والماجستير ممكن اشتغل في شركة أدوية خارجية لما انا بأى هشتغل هناك أكيد هعرف أسرار كتيرة قوي في الشركة او ممكن اكتشف مصل معين ( دا كتخمين ) يبأى ساعتها هيبأى عليا حراسة وكدا مش زي الأفلام لأن دا بجد والله والدليل نسيبي جايله فرصه لكندا وهو رافض بتيتا الفكرة

يعني هتجند ولو جيت فكرت ارجع لمصر واسيب الشغل هناك يبأى خطيت بإيدي شهادة وفاتي فأنا عايز اشرف بلدي وديني مهما كان التمن وهحاول بجد اركز في دراستي من أول التيرم دا وهنتبه لكل حاجا كويس جدا عشان اكون حاجا يفتخر بها أهلي وبلدي وديني :)

وشكرا للموضوع تم التصويت بالموافقة

سلام عليكم :)</div>

بصى انا هقولك حاجه

اكيد انتى شايفه حال البلد عامل ازاى

مش هنكدب على بعض

وكل شاب اكيد نفسه يبنى نفسه باسرع مايمكن

فا اعتقد ان اى شاب ادامه فرصه للسفر بره هيسافر بدون تردد

موضوع جميل يا مودى شكرااا :)

<div align="center">
الحقيقة ان موضوع السفر بره ده حلم لناس كتير

بس انا مش منهم :D

انا دلوقتي في اول سنة كلية و لسه السكة طويلة :ph34r:

بس للاسف انا مرتبط بانسانة فلازم انجز و اجيب فلوس و اشتغل

عشان نتجوز بس حعمل ايه ؟؟ :blink:

انا لو لقيت في بلدي شغل يوفر لي ربع اللي حاخده بره

انا مش حسافر لان مفيش حد مهما كان بيحب يتغرب عن اهله وبلده

و لو حصل في يوم من الايام اني سافرت اشتغل بره

حيكون عشان خاطر الانسانة دي و عشان خاطر نتجوز

مش عشان حد تاني

و فرضا برضو اني سافرت مش حقعد كتير

اول ما اوفر اللي يكفيني ابدا بيه حياتي في بلدي حرجع تاني

من الاخر انا مش موافق اني اسافر بره غير لما خلاص ملاقيش شغل في بلدي خالص

و شكرا علي موضوعك مودي </div>

<div align="center">يا إسلام مش عشان الفلوس وترتبط او لأ انا هقولك حاجا جميلة جدا

انا عشت الطفولة بتاعتي بره وانتا خير العارفين اني قضيت 4 سنين غربة

فأنا احساس الغربة مش بيجيلي في أي مكان بنزله مهما كان لأني ضريت من طفولتي على الغربة

بس أحب أقولك حاجا لكل شئ تمن وتمن الغربة والفلوس صحتك وهتحس بدا بجد وانتا شايف بنفسك والدي :)

فاما انك بتقول سنة سنتين والله ما هيحصل كل لما تفكر ترجع هتلاقي حال البلد بأى أسوء مما كنت انتا سايبه عليه

انا كل هدفي في السفر بره اني اجيب شهادة نظيفة مش من الشهادات اللي تترمي في الزبالة اللي بناخدها من هنا

المؤهلات من بره هتخليني متمرس في تخصصي أكتر من هنا وهقولك حاجا انا كل هدفي تشريف ديني ووطني وأهلي

غير كدا بلاها الغربة لو عشان الفلوس لأني مش هدفع ضريبة شهوة للمال بصحتي

الصحة ابقالي

وكمان لو كله عشان الفلوس يبأى كان زماني مجتش مصر وقعدت فيها انا كنت عايش هناك مرفه جدا جدا جدا

مكنش ينقصني غير حنان الأهل والجدة واكيد الوطن

وداء فينا كمصريين اننا بنموت في بلدنا قوي وبنشتاق ليها قوي

وبجد الموضوع يتنظر ليه من اكتر من زاوية

:)</div>

بداية شكرا لمروركم اللي اسعدني جدا ..

وانا من رايي فعلا السفر للخارج هتعود منه بدخل كويس جدا .. وهتقدر تخدم نفسك وبلدك كمان ..
لان فعلا ده اللي ماشي دلوقتي ..
واي شاب عاوز يحقق احلامه بسرعة وعاوز يكون نفسه اول فكرة بتيجي على باله انه يسافر بره .
لان بلده مش هتقدر توفر له فرصة عمل تعود عليه بدخل كبير زي السفر بره ..
وفي نفس الوقت هيكون بيخدم نفسه وبلده ...لانه ممكن يعود من الخارج بخبرة و( موني ) يقدر يكمل بيها في بلده
ويفتح بيها مشروعات تعود عليه وعلى بلده بالفائدة ..
وشكرا للمرور طالب تانية ثانوي , محمد , كلكول , اسلام ....
..
..

تم تثبيت الموضوع للاهمية

و لجدية النقاش

<div align="center">السلام عليكم ورحمة الله وبركاته
للأسف ردي سيكون بالموافقة.. فالظروف الحالية التي نعيشها من بطالة وحالة إقتصادية سيئة للغاية تقتضي منا التضحية ببعض الأشياء في سبيل الحصول على أشياء أخرى،، كالتضحية بإستقرارك النفسي في بلدك والإحساس بالغربة من أجل العمل وتكوين مستقبلك،، أي شاب يتسنى له فرصة للسفر والعمل بالخارج يجب أن ينتهزها فالفرص أصبحت قليلة جداً الآن.. وإلا فمن الأفضل أن ينتظر عملاً لن يجده أو عملاً لا يناسب طموحاته وأحلامه..
شكراً لكِ نهى على الموضوع..
السلام عليكم ورحمة الله وبركاته</div>

<div class='quotetop'>إقتباس(محمد البري @ Mar 17 2007, 04:31 PM) [snapback]284451[/snapback]</div>
[/b][/quote]

<div align="center">بص يا محمد

لو الحكاية حكاية فلوس يبقي لا انا ولا انت نفكر نسافر

اما لو موضوع شهادات انت عارف لو فكرت تسافر ختروح فين

عند (الـ***** )العرب شهادات ايه اللي انت عاوز تجيبها

ول فكرت تسافر دولة غربية اول حاجة حتدخل الجيش هناك و حتتجند ولا يمكن تعرف تستريح طول عمرك

يبقي ليه طالما احنا مش محتاجين </div>

انا عن نفسى مش شايفه لنفسى مستقبل فى مصر
الا اذا اشتغلت فى مجال البترول وده مش غاوياه او لو بقيت وزيره ومش هينفع لان مبارك هيبقى مات :D

<div class='quotetop'>إقتباس(كلكول @ Mar 17 2007, 04:20 PM) [snapback]284447[/snapback]</div>
يعني انت يا محمد لو جت فرصة تسافر بره

و انت عندك شغل هنا

حتوافق ؟؟

انا معاك ان المقابل عمره ما حيكون واحد بس نقول نص المقابل اللي حتاخده هناك

في مقابل انك تعيسش في بلدك وسط اهلك

حيكون ردك ايه ؟

انا بحب السفر لمجرد السفر
ولو لقيت شغل محترم في بلدي
هشتغل عشان كاون ثروة واسافر
:D

اشكركم على جميل مروركم ...
وربنا يخليلنا بابا حوسني يا هند بعد الشر عليه <_< <_< :P
وشكرا لمرورك يا جميل ..
وبالنسبة للاخ صلاح .. ازاي لو لقيت شغل في بلدك هتكون ثروة في بلدك وبعدين تسافر ؟؟
المفروض العكس . :blink: ;)
وشكرا لمرورك
..
..