|
لكل اللى معجبتوش درجته أو تقديره
السلام عليكم ورحمة الله وبركاته ،، أزيكم ياشباب ويابنات ألف مبروك للى جابوا درجتهم وعجبتهم واللى جابوها ومعجبتهمش بس أنا كلامى للى معجبتمش أو اللى شلوا مواد ........
لكل من جاب مقبول أو شال مادة أو شال مادتين أوو أو مجبش درجته اللى هو عايزها هذا كله له أسباب لا تخرج عنها فعلاً عشان الموضوع دا مش سبهللة ! أنا شفت ناس أصحابى والله العظيم أشهد لهم بالمذاكرة والدكتور أداهم عشر ومتسألش ومتعرفش ليه هل الدكتور بيظلم الطلبة ولا أيه ؟ وفى ناس تانية كنا عارفين أو بمعنى أصح هم كانوا عارفين أنهم يجيبوا كدا .... يا جماعة ليسَ معنى انكم جبتم درجة أنتوا مش عايزينها انى احنا نكسل فى الترم التانى لا لا بالعكس بل دا لبعض الناس دافع أنه يذاكر ويعوض فى الترم التانى وبعدين متنسوش أنى دا كان أول ترم فى الجامعة ولا أنت متعود على نظام دكاترة ولا يحزنون ! فلابد أنها تلغبط فى أول ترم فمفيش زعل خالص يا جماعة عندنا الترم التانى عندنا 100 درجة تعرف تلعب فيهم كويس ورغم الزعل دا وكل الحزن ووو لا تنسى أهم حاجة ى موضوع النتيجة وهو التعلم من هذه التجربة مش مهم أنى أفشل فى حاجة المهم انى أتعلم من الحاجة دى يعنى كدا انت الفروض أتعلمت شوية حاجات زى: أولًا : عدم الاعتماد على المذاكرة أخر اسبوعين ودى كنت ملاحظها جدا فى طلاب أنتظام خصوصًا . ثانياً:عدم الاعتماد على الملازم فى كل المواد ففى مواد متنفعش من لازم زى مثلا الادارة اللى كلكم أضربتم فى هشام البحيرى اناعارف أنا بقول ايه كلكم كنتم فاكرين أنى أنتم هجيبوا معاه عشرين وأظنكم كلكم أخذتم عشرة ليه لأنى معظمكم ذاكر من الملاوم أخ أيام وأقلب ودا صراحة مش نظام. ثالثاً:حضور المحاضرات كثير بردو منكم مكنش منتبه لامر محاضرات يوم لجمعة عشان الزنقة والكلام الفاضى دا ويقول هبقى أنق من أى حد ومبيعملش حاجة ومقضيها مع البنات برة ونفض تعيش . رابعاً:الانتباه لمَ يقوله الدكتور فى المحاضرة من اسئلةدى لحظتها عندنا فى المميزة فى اسئلة كدا الدكتور بيدها فى المحاضرة وبيجبها فى الامتحان عشان يشوف مين اللى بيحضر ومين اللى مبيحضرش. خامساً:عدم الاختصار فى الحل انما تكتب كل اللى أنتَ عرفه . دى كدا بعض من النصائح أحببت أن أقدمها لحبيبنا اللى معجبتهمش درجهم ودا فوق كل حاجة دا قدر الله ولكن نحن علينا بالأسباب ونترك الباقى ...بس ومحدش يزعل على النتيجة مفيش حاجة فى الدنيا تستاهل الزعل انما كما قلت نتعلم من التجربة دى *** * دعواتكم نتيجتى لسة مطلعتش |
صح كلامك يا كريم
مش المهم غلطنا المهم ان احنا منكررشى نفس الخطأ تانى.........................! والندم مش هيرجع حاجة..... يبقى نبص للمستقبل احسن ....................! |
الحمد لله على كل شيئ وان شاء الله الترم الثاني افضل للكل وشكرا على الموضوع يا كريم وربنا يطمنك بنتيجتك ان شاء الله وتكون زي مانتا عايز واكتر كمان
بس في حاجات لازم الواحد يخلي بالو منها يعني تقريبا هي اهم حاجات لاحظتها ان ناس كتيير مبتخودش بالها منها وهي - التركيز .. نحصل عليه من خلال هدوء المكان والنفس وراحة البال - الوقت .. وهو يعتبر الحياه وراس المال الحقيقي فاذا فرطنا في جزء منه فقد خسرنا جزء من راس المال وبالتالي خسرنا جز من حياتنا - الترتيب .. وترتيب الاشياء يوفر نص الوقت ونص الجهد - رتب اولوياتك حسب الاهميه - حدد لكل عمل وقته وكن بارعا في انجازه وتذكر دائما ان الواجبات اكثر من الاوقات فحافظ على وقتك |
والله انتا برنس يابنى .. ربنا يكرمك وتجيب التقدير اللي انتا عايزه
على فكرة عايز اقول حاجة بقى لكل اللي هايقرا ردى دا انا لما كنت في اولي زيكوا كدا عملت اللي كريم قال عليه بالظبط وبالحرف وجيبت في الترم التاني لوحده جيد جدا فاشدوا حيلكوا بقى كدا وان شاء الله ربنا يكرمكوا وادعووووووووولى |
اقتباس:
بـــاركَ اللهُ فيكَ المهم الإستفادة من الخطئ مش الندم عليه شكرًا |
اقتباس:
شكرًا لك يا حودا على هذه اللفتة الجميلة منك والتكملة الحلوة دى اللى أدت للموضوع الجمال أكتر ،، لَ منّى كلّ التقدير والاحترام كريم |
اقتباس:
أنتَ اللى برنس ياحودا وفعلًا دى حاجت مهمة لابد الالتفات لها وفامبير مثال جيد جدًا لمّا مشى على الحضور و المذاكرة وكدا .. يارب وفق محمود واجعله يجيب هذا الترم جيد جدًا اسعده.. دعواتكم:d |
الحمدالله طبعا على كل حاااااال
لكن بس انا كنت زعلان لانى كان نفسى يكون احسن من كده بس الحمدالله برضو |
اقتباس:
الحــمـــدُ لله ،،، |
اريد معرفة نتيجة الطالب عبد التواب سيد عبد التواب محمد الفرقة الرابعة لو ظهرت من فضلكم
|
سيتم اعلان النتائج المتبقية (الفرقة الرابعة - تالتة ب ) الاربعاء مساءا او الخميس صباحا
|
اقتباس:
باركَ الله فيك ،، هناكَ موضوع خاص بناس تانى يقدروا يجبولك النتيجة شكرًا على مروركِ بصفحتى ^_^ |
اقتباس:
شكرًا يا حودا ،، على هذا التوضيح كريم |
| جميع الأوقات بتوقيت GMT +2. الساعة الآن 06:08 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.