|
بيفر عمرك شعر/ سمير الأمير
بيفر عمرك شعر/ سمير الأمير إلى خالد عبد المنعم وعبد الدايم الشازلى وفتحى عامر وأسامة الديناصورى ؟متى يتوقف هذا الرحيل المفاجىء.. بيفر عمرك يا ترى تلحق تقول إنك حزين وإن الفرح طول عمره كان احتمال أو مجرد خيال لابس سراب الوهم ميه ف يوم عطش بيفر عمرك..إنتبه للعالم المرعب دراعات إخطبوط وانت ابن موت بس فاهم غلط إن الحياه ممكن تكون شبه الحياه حتى ف مجرد إسمها بيفر عمرك يمّها..فيفر عمرك منها يخلط عجين الحكمه بتراب العبط فيعلمك تنطق كلام الأنبيا وتعيش بنص الروح زى اللى عاضض على قلبه وماشى يغنى شايف ومش شايف بيفر عمرك...حيفر عمرك فين؟ فى بين البين ..مافيش إختيار زى اللى واقع ف بير مسحور مالوهش قرار حتى ف عز الموت والسيف على رقبتك تاخدها هزار. |
الله عليك يا فنان
يا متجدد يا صاحب الأدوات الرائعة في إبراز أفكارك ومعانيك سلمت لنا يا أمير وسلم شعرك الرائع |
تسلم يا ,,,,, خلاص إنت عمرى لو بيفر عمرى
للمزيد إن أردت متابعتى http://www.youtube.com/watch?v=IybwkyjTcnw |
اقتباس:
كالعاده رائعه ياستاذ سمير بسم الله ماشاء الله عليك مبدع وفنان ادام الله عليك نعمة الاحساس ويارب مانحرمش من ابداعاتك تقبل تحياتي |
أشكرك يا نغم من كل قلبى على كلامك الجميل
|
| جميع الأوقات بتوقيت GMT +2. الساعة الآن 10:58 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.