بسم الله الرحمن الرحيم
دي قصيدة عامية فياريت لما تقروها تقروها بنفس الالفاظ العامية يعني لو في حروف احنا بناكلها في العامية كلوها انت كمان :D :lol:

الدنيا كانت بين ايديك
وفجأة راحت من عنيك
ولقيت نفسك وحيد
بتدور مين يداويك
ولقيت الدنيا ليل
والنور مش جي عليك
ولوحدك قاعد تفكر
ليه الكل ظالمك
ده ذنبك انك حنين
وديما قاعد بتضحك
ومانع نزول دموعك
في أصعب وأقوى جروحك
ورافض انك تدافع
عن مشاعرك او حقوقك
وكاتم حتى صوتك
وقافل عليه في قلبك
ومين هيقدّر شعورك
وانت حابسو جوا نفسك
ومين هيداوي جرحك
او حتى يساعدك في همك
لازم تثور عليهم
ويشوف الكل غضبك
وترجع تنادي عليهم
وتاخد حقك بكفك
او تفضل زي ما انت
مستحمل عايش لغيرك
تشيل همومو في قلبك
وهو ديما يعاتبك
وأكيد هيجي يوم
تشوف الناس حقيقتك
ويعرف كل الي ظلمك
قد ايه غلط في حقك
ويرجع يقف في صفك
ويعرف الغدر مش طبعك
وهيجي يقولك سامحني
من غير ما أقصد ظلمتك
وبإيدو الي جت وجرحت
هيجي يداوي جرحك

شكرا على القصيدة
بس معرفش إنتا شغال فى الشعر والخواطر بس ليه

الله الله
جميله يا باشا
بس صحيح زى ما حنان بتقول
مبنشوفكش غير فى القسم ده ليه؟ :unsure:

اية الجمال دة بجد كلمات جميلة و احساسك
فيها جميل اوىىىىىىىىىىىىىى
ربنا يوفقك انتظر منك المزيد
سلام

<div class='quotetop'>إقتباس(timon&bomba @ Mar 20 2007, 12:04 AM) [snapback]285693[/snapback]</div>عفوا يا حنان
مش حكاية شغال في القسم ده بس الحكاية ان احنا تقريبا في الكلية دخلنا على الامتحانات كده فالواحد مزنوق اوي بس لما بكتب اي حاجة بحب اكتبها هنا على طول وان شاء الله تخلص بس الامتحانات وهتلاقوني في كل الاقسام بعون الله :)

<div class='quotetop'>إقتباس(emoo @ Mar 20 2007, 12:08 AM) [snapback]285694[/snapback]</div>الاجمل مرورك يا دكتور ايمن :)
ونفس ردي على حنان بالنسبة لسؤالك بس انا ساعات برد على بعض المواضيع بس معلش عارف اني مقصر بس الكلية زانقاني :(

<div class='quotetop'>إقتباس(mna @ Mar 20 2007, 05:09 AM) [snapback]285844[/snapback]</div>اسعدني انها عجبتك يا منه
واشكرك على مرورك الجميل اوي :)

محمود احنا معودين بعض على الصراحه
لكن انا هقول لك ان ده تمام وممتاز كمبتديء
وانا اكتر واحد عارف انته من امته وانته بتكتب في الحاجات دي ارجوا انك تعدل فيه كتير
سلام ياصاحبي :)

حاضر يا محمد
بس قولي ايه الي مش عاجبك ؟؟؟

<div align="center">الصراحه بجد كلمات جميله اوي
مرسي خالص</div>

الاجمل مرورك يا همسة :)

موضوع خطير ومعانايه اخطر
بس ليا تعليق
ومين هيقدّر شعورك
وانت حابسو جوا نفسك
ومين هيداوي جرحك
او حتى يساعدك في همك
دور عليه يمكن تلاقيه اللي يقدر شعورك ويستخرجو ولو انت حابسو جوا نفسك واللي هيداوي جرحك ويساعدك في همك
دور كويس يمكن تلاقيه وربنا معاك
احيانا الواحد بيكون في حد قريب منو بس مش بيشوف وع راي الاغنية اللي انا مش فاكراها الواحد بيحب الناس اللي بتجرحو ويبعد عن اللي بيحبوه
كمان الواحد لو متاكد ان حقو مابيضعيش ابدا ودة عكس المثل الغريب اللي ساد عندنا اعمل الخير وارميه في البحر
دة طبعا كلام مش منطقي اعمل الخير وارميه في صحيفتك هتلاقيه يوم القيامة
شكرا

الله عليك ياخي

....يابري ايه الحكايه قرات الرساله ولا لا

اسكندرية احلى دنيا
انا كنت كتبت الكلمات دي اساسا وانا في ظروف نفسية وحشة جدا جدا
وبعد كذا مطب الواحد اخدو وكذا حاجة بكده
بس الحمد لله انا لقيت اليقدر يساعدني ويفهمني ويشيل همي وبدعي ربنا بجد انو يفضل جمبي على طول

ابو ريس
شكرا على مرورك

بجد مش عارفه اقولك ايه
شعرك ده ماشي معايا اوووي
حسيت انه بيوصفني و بيوصف اللي انا فيه
ف بشكرك لانك رفعت من معنوياتي
ده غير انه كلام بجد حلو با"عامية" و ليه معنى و هدف

اشكرك على مرورك يا منى وعلى اطراءك ده
وكويس ان حسيتيه فعلا :)
والحمد لله انو رفع من معنوياتك

كلمات جميلة
جدا

شكرا لك