السلام عليكم ورحمة الله وبركاته
قرأت كتيب بهذا العنوان،، وأعجبني.. فأحببت أن أكتبه لكم على صفحات المنتدى وأتمنى أن يفيدكم ويعجبكم بإذن الله..
وسوف أقوم بوضع أول جزء الآن وكلما أنتهي من كتابة جزء جديد سوف أضعه بالمنتدى إن شاء الله..


<div align="center">~~~~
المقدمة
~~~~</div>

وهو فيه فرق؟؟
ما الحي هو العايش.. والعايش هو الحي..
والفول م الطعمية والطعمية م الفول..
لا يا ريس..
من ذاق عرف..
مش هاتحس بطعم الحياة إلا لما تحيا..

<div align="center">~~~~
يتبع..
~~~~</div>

يتبع؟
ما علينا
كنت متابع اخبار مؤلف الكتاب وقت نزول اول نسخة
مرلف شاب هوه
على احد المنتديات العربية
ومجموعة من الشباب والمنتمين للموقع برضه نشروا اعمالهم الادبية في نفس التوقيت
كان نشر جماعي وعملوا تهنئة يعني وكده
مش مشكلة
بانتظار البقية
:)

<div align="center">~~~~~~~~~~~
ريشة في مهب الريح
~~~~~~~~~~~</div>


في يوم من الأيام.. مرت علي لحظة لا أنساها أبداً..
كنت في تانية إعدادي تقريباً..
خلصت الدراسة.. وجت أجازة الصيف..
وفي يوم لقيت نفسي في أوضتي لوحدي..
وجه في بالي خاطر.. سؤال أول مرة أسأله لنفسي...
أنا اتخلقت ليه؟..
أنا بأعمل إيه في الدنيا دي؟
فكرت كتير.. وحاولت ألاقي إجابة..
ولكن.. عجزت..
فبكيت..
لا أنسى هذه اللحظة أبداً..
كنت زي ناس كتير.. عايش.. ريشة في مهب الريح..
لا أدري لم خلقت.. ليس لي هدف في الحياة غير إني أخلص سبق الخيل اللي أنا فيه.. الدراسة..
عشان كدة لما حاولت أتخيل فيه إيه بعد الدراسة.. مالقيتش حاجة... لقيت هوة عميقة.. فراغ..
أنا رايح فين؟.. مش عارف..
من يومها بدأت أبحث..
وسبحان الله.. متمثل لي دلوقت قول النبي صلى الله عليه وسلم للصحابة رضوان الله عليهم:
(( تجدون على الخير أعواناً.. ولا يجدون على الخير أعواناً ))
إن قد إيه الطريق كان طويل وصعب.. قد إيه الواحد تخبط كتير لغاية ما وصل للي كان بيبحث عنه..
بالرغم من انه كان قدامه..
.. قد إيه الواحد تخبط كتير لغاية ما وصل للي كان بيبحث عنه..
بالرغم من انه كان قدامه..
إيه اللي كنت بادور عليه؟؟؟
وإيه اللي كان خانقني؟؟؟
اللي كان خانقني إني عايش.. مش حي..
جسمي بيتحرك.. عايش.. ماشي في الدنيا
لكن الروح.. مخنوقة.. بتحتضر.. مش لاقية اللي يحييها..
وساعتها.. حمدت الله.. وحزنت على ماضي..
قلت ياريتني أيامها كنت عرفت اللي أنا أعرفه دلوقت..
ياريت السنين الطويلة اللي فاتت من عمري دي كانت لله..
ياريتني قدرت أعمل حاجة يستخدمني بها الله للتمكين لهذا الدين..
لكن بعد شوية.. قلت لنفسي: إذا كان الطريق أخد مني سنين..
وأنا مازلت على الطريق..
وإذا كان الزمن مابيرجعش لورا..
ليه ما أوفرش على غيري الوقت والمجهود..
ليه ما أشركش غيري في الرحلة اللي مشيتها..
رحلة ممكن تغير حياتك كلها.. إلى الأبد..
رحلة.. هاتتعلم منها إزاي تبقى (( حي )).. مش (( عايش ))..
وهو فيه فرق؟؟
ما الحي هو العايش.. والعايش هو الحي..
والفول م الطعمية والطعمية م الفول..
لا يا ريس..
من ذاق عرف..
مش هاتحس بطعم الحياة إلا لما تحيا..
فيه ناس ممكن تكتب مجلدات في وصف طعم العسل..
لكن هو دة يغنيك عن إنك تذوق طعمه بنفسك؟..
عشان كدة مهما كلمتك عن الحياة.. مش هاتستوعبها غير لما تجربها..
ولكن ممكن أقربلك الصورة بأني أوصفلك الأستاذ (( عايش )) وضعه إيه بالظبط..

<div align="center">~~~
يتبع..
~~~</div>

شكرا على الموضوع يا علا
وأنا مستنية التكملة
وإن شاء الله المشرف يثبته لانه على حلقات وشيق

تصدقى يا علا انا سالت نفسى السوال ده كتير اووى
وقالت انا عايش ليه
ايه اللى بعمله فى نفسى ده
انا ليه مبقتش احسن من كده
ده مش جحود والعيازه بالله الحمد لله على كل شى
بس انا كان فى ايدى ابئا احسن من كده ومعرفتش ضيعت نفسى
وفرصتى انى اكون افضل واحسن من كده
انا متابع معاكى الموضوع ان شاء الله
بالنسبة للتثبيت الموضوع
فعلا مثبت لانه متجدد ومهم

ثواني بس وسوف اشاهد الموضوع بشيء من القه واضح انه مهم ثواني بس

الموضع جميل فعلا بس انا فكرت نفس تفكيرك دا ولما نخش الجنه يا تري مش هنزهق

تعرفي اكتر شيء ممكن يزعل الواحد ايه هو انك مثلا لو فكرت انك تكون غني وعندك عربيات وكلاام عبيط من دا طيب وبعدين

والموضوع اساسا يترد عليه في صفحه وانتي بجد عبرتي عن حاجه جوايا

شكرا يا فتاه الاسلام طنط علا

وخلص الكلام ودا نهايه الكلام

السلام عليكم
انا عيزة اشكرك جداااااااااااااااااااااااعلى الموضوع الجميل دة
وعلى فكرة دة موضوع مهم توى و كلنا بنسئل نفسنا نفس السؤال
و بنندم على الى فات بس الندم مبيرجعش الى راح ولكن المفروض
اننا ننسا الى راح ونفكر فى الجى ونشوف المفروض نعمل اية ونكون اية
ونبقا ازاى بشكرك كمان مرة على الموضوع الجميل دة وانا منتظرة البقية
وربنا يوفقك يااااااااااااااااااااااااااااااااااااااااااااااااا ااااااااااااارب
معلش طولت عليكى سلام

اولا يا فتاه الاسلام
موضوعك فوق الروعه ومفيد جدا
يمكن اهم موضوع احنا عايشين علشان
ثانيا انا برضه منك فتره سالت نفسي انا عايشه ليه
طب اشمعني ربنا خلقني بالشكل دا
طب ايه الاسلحه اللي ربنا ادهالي للعيش
ليه خلاني بالعيوب دي ايا كانت يعني
اكيد ربنا خلئني لسبب عايشه علشانه
ولما اائديه ربنا هياخدني بمعني اصح يعني
وكل واحد لازم يدور علي السبب اللي ربنا خلئه علشانه
وانا بدور عليه
ودا من كلام الاستاذ عمرو خالد في برنامج علي خطي الحبيب
واانا اقتنعت بيه جدا
ومتبعاكي في موضوعك يا فتاه الاسلام
سلام

بسم الله الرحمن الرحيم

<div align="center">~~~~~~~~~~~~~~
هل تعرف الأستاذ عايش؟؟
~~~~~~~~~~~~~~</div>

الأستاذ عايش .. تصرفاته كلها ردود أفعال..اي مشكلة تحصل..علطول يدور على اقرب شماعة عشان يعلق عليها المشكلة دي..
يرمي المسئولية على أهله..على مدرسيه او دكاترة الجامعة..على جيرانه..على أصحابه..
أو على الحكومة.. المهم أي حد غيره..
لأن الأستاذ عايش يا عيني.. دايما ضحية.. الدنيا ملطشة معاه..http://haridy.com/ib/images/smilies/icon_sadangel2.gif
الأستاذ عايش بيهرب من أي مسئولية فراره من الأسد..http://haridy.com/ib/images/smilies/mog.gif
عايش.. مقضيها بالطول و العرض..
يجوع.. ياكل..http://haridy.com/ib/images/smilies/eat.gif
حد يزعقله.. يزعقله هو كمان..
عاوز يعمل اي حاجة في اي وقت.. حتى لو عارف انها غلط.
بيعملها.. كفاية انه "عاوز" يعملها..

و الأستاذ عايش.. عايش بظروفها لغاية ماتفرج..
ماعندوش خطة ..بيتجنب الأهداف بأي ثمن..
مابيفكرش في بكرة نهائيا..

و ليه يفكر في بكرة؟ <_<
يا عم عييييش حياتك.. هو احنا هانعيش كم مرة؟

و الأستاذ عايش .. .. أكتر حاجة يكرهها في حياته هي
"لا تؤجل عمل اليوم الى الغد"..
عشان كده دايما بيؤجل عمل اليوم الى السنة الجاية..
بعد ما يخلص فرجة على الفيلم اللي شافه مليون مرة قبل كده ... http://haridy.com/ib/images/smilies/tv_happy.gif
و يخلص المسلسل بتاع الساعة 8 ابو 35 حلقة.. و بالمرة كمان يخلص المسلسل المدبلج ابو 3000 حلقة و يقضي السهرة على الإنترنت http://haridy.com/ib/images/smilies/lamo.gif او التليفون .. أو على القهوة..
و طبعا.. صلاة يوك.. قرآن يوك.. إسلام مافي معلوم..

و الأستاذ عايش.. .. مبدأه "أنا و من بعدي الطوفان"..
يا إما "علي و على أعدائي"..و كرسي في الكلوب..http://haridy.com/ib/images/smilies/chair.gif
ده احنا عايشين في غابة يابا..
انا ادي معلومة فهمتها لزميلي في الفصل او المدرج؟؟
انا اتعب و الخص الدرس او المحاضرة و اديهاله ع الجاهز كده؟؟
ليه ان شاء الله؟.. ده انا تعبان فيها..

و الأستاذ عايش.. مؤمن تماما انه اتخلق بفم و لسان..http://haridy.com/ib/images/smilies/emA5.gif
عشان كده لازم يستخدمهم.. لازم هو اللي يتكلم الأول.. خدوهم بالصوت..
مبدأه.. اني احكي اللي عندي كله الأول و ما اديش فرصة لحد يتكلم.. و بعد ما اخلص..
اعمل نفسي باسمعه و خلاص..http://haridy.com/ib/images/smilies/sleep1.gif
و الأستاذ عايش.. مؤمن تماما ان العمل الجماعي ده بتاع العالم اللي عقلهم و مستواهم على قدهم.. أما العالم العباقرة اللي زيه http://haridy.com/ib/images/smilies/idea.gif
ما يعرفوش يشتغلوا غير لوحدهم.. ليه يساعدوا غيرهم اساسا؟؟

و الأستاذ عايش.. مش فاضي.. ماعندوش وقت يذاكر
ماعندوش وقت يطور نفسه.. ماعندوش وقت يقرا كتاب جديد...


الأستاذ عايش.. خنقة الصراحة.. مشروع كارثة انسانية....http://haridy.com/ib/images/smilies/big_.gif

<div align="center">~~~
يتبع..
~~~</div>

الموضوع جميل اووووووووووووووووووووووووي يا علا
بجد حلو من احلى المواضيع على شبكة المنتدى

شكراً لمروركم أخي محمود وأخي فاروق،،
تابعوا بقية الموضوع معنا بإذن الله..

بسم الله الرحمن الرحيم

<div align="center">~~~~~~
الأستاذ حى
~~~~~~</div>

أما الأستاذ حيhttp://haridy.com/ib/images/smilies/smartass.gif ....
الأستاذ حي ده يبقى سعادتك.. لو مشيت معانا في رحلتنا.. و طبقت اللي هانعمله سوا..http://haridy.com/ib/images/smilies/knight.gif

هل الموضوع شكله بعيد أو زي مايكون شطحة مبالغ فيها؟ http://haridy.com/ib/images/smilies/idea.gif
ناس كتير قابلتهم و كانوا في الأول مقلقين شوية.. و مش مقتنعين بالكلام ده..
و لكن مع الوقت..لما مشوا في الطريق.. بقوا في حالة انبهار تام من اللي قدروا يحققوه فعلا..
و دلوقت جه دورك.. تعيش معانا التجربة دي..
تعيش معانا الرحلة دي..
رحلة التغيير http://haridy.com/ib/images/smilies/knight.gif
رحلة.. أوعدك انها بإذن الله.. هاتغير حياتك..

النجاح.. و السعادة.. مش صدف بتحصل في حياة بعض الناس..و مابتحصلش في حياة ناس تانيين..
و لكن.. النجاح.. و السعادة.. والحياة الطيبة..ما هي الا نتائج طبيعية و متوقعة لمقدمات واضحة و خطوات احنا بنقوم بها بأنفسنا..
خطوات هانتعلمها سوا.. عشان اثبتلك ان النجاح و السعادة.. ماهماش صدفة..
بل أصبح النجاح فن و علم في زماننا ده.. و لكن للأسف.. ابرز من كتب في هذا العلم ناس من الغرب.. و احنا خدنا منهم العلم ده و ترجمناه زي ما هو..
قليلين اللي حاولوا انهم يردوا المفاهيم اللي فيه الى أصولها.. الى الإسلام..
فكانت النتيجة ان عندنا فريقين.. فريق بيركز على ان النجاح هو ان الواحد يكون متدين و ملتزم في عباداته.. و بس..
و فريق بيتكلم عن النجاح في العمل و الحياة و المجتمع.. بعيدا عن الدين.. بدون ربط الحياة بهدف أسمى .. و هو ارضاء الله.. و خلافة الله في الأرض..
فيه ناس كانوا سباقين في انهم حاولوا يوصلوا لرؤية أكبر بانهم يجمعوا الإتنين..
فكان من الرواد في الموضوع ده الشيخ "محمد الغزالي".. لما قرا كتاب "ديل كارنيجي" –"دع القلق و ابدأ الحياة".. و بدأ الشيخ يرد المعاني في هذا الكتاب الى الأصل عندنا و هو الإسلام..
ترى من كان أنجح؟.. الشيخ الغزالي.. أم ديل كارنيجي؟..لنعرف اجابة هذا السؤال.. دعنا نلقي نظرة على خاتمة كل منهما..
ديل كارنيجي الذي ملء العالم بكتبه عن السعادة و النجاح.. مات منتحرا..
و الشيخ الغزالي.. الذي أخذ هذه المفاهيم و وضعها في اطار رسالة أكبر.. هي رسالة الإسلام.. الشيخ الغزالي ختم الله له حياته بختام نحسبه شهادة.. ولا نزكيه على الله..
شتان بين الخاتمتين..
و شتان بين الرسالتين..
أن تنجح لذاتك..
و أن تنجح.. لله..
و ده اللي احنا عاوزين نعمله النهاردة.. ازاي نكون ناجحين.. و سعداء.. و لكن.. لله..
ازاي نكون.. أحياء ..

<div align="center">~~~
يتبع..
~~~</div>