|
هعملك يا أمي احتفال يملا الفضا
م النجوم اغزل هدية متذوقة بالأفئدة دا لو حياتي بيت بيعلى تبقي انتي ليه الأعمدة يا حبيبتي يا حب مالي كل ذرة مخلوط بدم الأوردة يا حبيبتي يا للي انتي أغلى مَن في عمري أغلى أكيد من دا .. و .. دا يا حبيبتي دي وصية ربي بيكي وصاني خير بالوالدة أمك ثم أمك ثم أمك مشتاق أضمك .. مشتاقلك ابنك مشتاق لصدرك مشتاق وعايش في دنيا قاسية مشاعرها ماتت .. بَاااااااارِدَة آه يا أمي آه يا أمي مش وجع .. دا اشتياق للراحة في عيون الأمان نفسي اضحك .. نفسي أفرح .. واللهِ جد ومش دلع نفسي تعود أيام زمان فاكرة؟ لما كل هموم حياتي بين ايديكي كانت تدوب؟ فاكرة؟ فاكرة القلوب؟ فاكرة القلوب الطيبة ساعة العصاري والجيران؟ كنت اروح بطبق عاشورا .. أو بصارة يرجعلنا طبق الجيران - في لحظتين - مليان فاكرة يا أمي .... طب يلا نفرح يلا تعالي الاحتفال مش هتيجي؟ طب ابعتي روحك تبين في دنيتي كل الجمال طب ابعتي حتى خيال سبحة أو سجادة منك لسه رحتك جوه شال يا اللي مكانك فوق عرش قلبي اعلى يا أمي م الجبال لا صدقيني مش هعيط مش هلخبط فرحتك مفيش دموع وايه يبكّي؟ هو انتي غبتي؟ هو خلاص مفيش رجوع؟ تصدقي .. كل الضيوف قالوا ايه؟ هتجيبنا ليه؟ و عيد لمين؟ وقرولك الفاتحة وقريت معاهم وبقيت لوحدي وياكي تاني يا ذكرى دايماً خالدة وبرضه هعملك يا أمي احتفال يملا الفضا م النجوم اغزل هدية متذوقة بالأفئدة دا لو حياتي بيت بيعلى تبقي انتي ليه الأعمدة يا حبيبتي يا حب مالي كل ذرة مخلوط بدم الأوردة يا حبيبتي يا للي انتي أغلى مَن في عمري أغلى أكيد من دا .. و .. دا يا حبيبتي دي وصية ربي بيكي وصاني خير بالوالدة أمك ثم أمك ثم أمك مشتاق أضمك .. مشتاقلك ابنك مشتاق لصدرك مشتاق وعايش في دنيا قاسية مشاعرها ماتت .. بااااااااردة http://up.g4z4.com/uploads/c7129e8b0f.jpg |
أستاذ المشاعر الجميلة والأخلاق النبيلة
سلمت يمناك وأدام الله عليك نعمة الصحة ونعمة الإحساس رحم الله والدتك وأسكنها جنته رحمها الله بحق ما أجنبت لنا إنسانا جميلا مثلك دمت بخير الله |
الرائع أحمد نجم
بارك الله فيك ورحم الله أباءنا وأمهاتنا وبالفعل هم بداخلنا لهم خلود أعمارنا ما بقينا |
أستاذ أحمد أقف عاجزة عن التعبير عما قرأت وغلبتنى دموعى بالفعل رائعه يا أستاذ أحمد جميلة جدا اللهم بارك لنا فى أمهاتنا وارحمهم فى الدنيا والآخرة واجعلنا قرة أعين لهم |
جميييييييييييييييييل
|
اقتباس:
الله الله الله عليك يابو قلب طيب يابو ايد ملفوفه بالذهب والحرير تسلم ويسلم لنا ابداعك ديما مبدع ورائع ربنا يبارك فيك ويطول بعمرك بجد ابن بار لأم عظيمه رضي الله عنها وأسكنها جنات خلده رضي الله عنك وجزاك خيرا تقبل تحياتي |
جزاك الله كل الخير
|
جزاك الله كل الخير
|
خطيرة رائعة جميلة تحفة ملهاش حلللللللللل
بجد جميلة طب هكتب اى لمامتى انا بعد الكلام دة:d تقبل مرورى دمت مبدعا |
ماشاء الله جميلة تلك الكلمات عن الأم بارك الله فيك |
كلمات جميله لأحلى الناس
جزاك الله خيرا |
اقتباس:
اللهم بارك لنا فى أمهاتنا وارحمهم فى الدنيا والآخرة واجعلنا قرة أعين لهم |
| جميع الأوقات بتوقيت GMT +2. الساعة الآن 05:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.