هل تؤيد قرار الوزير بجعل امتحانات الثانوية العامة في أسبوع واحد ؟
 

السلام عليكم
طبعاً سمعنا كلنا أن الوزير أحمد زكي بدر ناوي يخلي امتحانات الثانوية العامة كلها
في أسبوع واحد و مش هيكون غير يوم واحد أجازة في النص
فمن رأيكم
هل تؤيدون هذا القرار أم لا ؟
يرجى التصويت من أعلى و إبداء السبب من خلال رد

:redface:

أنا اخترت لا أوافق
و السبب أن الوقت مش هيقى كافي بالمرة لمراجعة كامل المنهج في اليوم الصغير ده
و للأسف ممكن أروح الامتحان ناسي حاجات كتير بالرغم من أني طول السنة بذاكر
و اللى بيقول أن ده كان النظام القديم أقوله مش معنى أنه النظام القديم أن ده
هو النظام الصح .
فايه معنى أني أعجز الطالب و أضيق عليه عشان يقل في الدرجات ؟؟
طب بقى لو الحكاية كده يبقى نخلي كل الامتحانات في يوم واحد
و نخلي زمن الامتحان نص ساعة و كده يعني عشان المجاميع تقل
ده كمان بإضافة التوتر العصبي اللى هيكون في الطالب .. لأنه كل يوم راجع من امتحان
و اليوم اللى بعده رايح امتحان و مفيش وقت لراحة الأعصاب ...
و الغريب أن في 1 ث كنا بنمتحن نص ترم في أسبوعين يعني الترم كله في شهر
نيجي في 2ث نمتحن الترم في أسبوع ؟؟؟؟ طب ليه يعني ؟
بالمنطق كده
الإنجليزي مثلاً ... ازاي نخلص 18 unit و 8 فصول قصة في نص يوم ؟؟
واحد هيقول انتا المفروض مذاكر من قبل كده
أقوله ماشي بس احنا بشر و النسيان شىء طبيعي
و أكيد هكون سايب الإنجليزي فترة عشان بذاكر المواد اللى قبليه
و نفس الحال مع بقية المواد و خاصة الكيمياء اللى هي في آخر يوم
يعني تكون ناسي 100 % :022yb4:
ده كل اللى عندي دلوأتي
و أنا نفسي و الله متكونش قرارات الوزير فردية
عشان مش كل وزير يجي جديد يغير في التعليم
و احنا فئران التجارب
أنا بقول الكلام ده مع موافقتي لمعظم قرارات الوزير
ــــــــــــــ
آسف للإطالة

لا اوافق
لان هذا ظلم لهذه الدفعه
كفايه عليهم افلونزا الخنازير
يجب قبل اتخاذ القرار مشاركه الطلاب والمعلمين واولياء الامور
وبعدين السنه ديه لايوجد الا الصف الثانى ونسبه قليله جدا من الثالث

شكراً للتصويت

صح فعلاً ده ظلم للدفعة دي اللى هتتحط في مقارنة مع الدفعات السابقة
لأنك هتبقى في نظر الجميع مهما كانت الكلية اللى هتخشها جايب 90 % أو 85 %
زي المجاميع القديمة كده .
شكراً لرأيك .. شرفتني بالمرور

شكراً على الرد و التصويت :)

فين ردود الناس الموافقة :d

طبعا لا اوافق لان اي طالب طالع من امتحان مثلا العربي عاوز يريح على الاقل نصف اليوم اللي باقي من الامتحان ومش هيقدر يراجع اي حاجه قبل الامتحان الثاني او حتى يحل عليه واصلا مع بداية شهر 6 الطالب هيراجع العربي لانه اول يوم ومش هيراجع اي مادة ثانية طيب بالله عليك مش ده تعب عليهم

هو الكلام ده أكيد ولا كلام؟

بسم الله الرحمن الرحيم
رسالة الى الوزير :انا ولية امر بقولك ارحم الطلبة التعبانة طول السنة وارحم الاهالى المطحونة علشان تعمل من أولادها حاجة آحسن ما يبقوا ولاد شوارع إذا كان تطوير التعليم بالطريقة دى فطظ فى التطوير "ارحموا من فى الارض يرحمكم من فى السماء"
خلوها سنة تعدى على خير.

هو الوزير ده مش وراه الا الدفعه دى ولا ايههههههههههههههههههههه

فعلاً و الله
كده العملية هتبقى ضغط رهيب
شكراً على الرد :)

و الله مش عارف
الكلام على الحكاية دي كتير و مش عارف كده ممكن تكون صح