|
أرجو المساعده الجاده
أنا طالب عندى 20 سنه ولسه فى ثانوى عام بقالى كذا سنه على ماده واحده بس وهى الكيمياء مش غباء منى أو كده بس لأن فى الأول أتظلمت فيها جامد مرتين ورا بعض وبعد كده زى ما يكون جالى منها عقده ومبقتش أعرف أعمل فيها أى حاجه بقيت أروح الامتحان وأنا مش مزاكر أى حاجه فيها فشل معايا المدرسين وكل ده لأن أظن أن أنا حاله خاصه ودلوقتى أحنا فى شهر 4 وخلاص الامتحانات عالأبواب وعاوز شخص ذو خبره أو مدرس أو أى شخص يقدر يساعدنى قولولى أعمل أيه بجد حرام عليا سنى و وقتى بيضيع فى شىء ماليش ذنب فيه تسبب لى فى عقده من الدراسه عموماً وللأسف أنا مش غبى ولا بطىء الفهم لكن لم أعرف الحل حتى الأن...... هل من مساعد هنا أرجوكم حل أنا فى مشكله كبيره جداً وأكيد هتفهمونى وهتحسو بيا لو تخيلت هذه المحنه ولو فى ثانيه...... أنا أتمنى أن يكون فى حد يقدر يساعدنى فى أى حاجه هنا
|
محتاج للمساعده أرجوكم بجد
|
لا اله الا الله انت عقدتنى انا
بص ياعم ميدو انا بس هقولك شوية حلول اعتبرها من اخ صغير ليك واولها انك بس تجيب ورقة وقلم وتقعد تشوف ايه الابواب اللى انت وحش فيها بعد ماتحدد الابواب تقسمها اول حاجه تقراها من الملازم حوالى خمس مرات كانها قصة مش طالب منك اى فهم او اى حاجه اقراها عادى خالص وماتعلقش على اى حاجه ولا تقف فى اى كلمة وانت بتقره تانى حاجه اقراها للمره السادسة بس المره ديه بورقة وقلم لو انت متعقد من رمز مش عارف تكتبه سمى ليه اسم عربى تفتكره بيه يبقى كده انت ضمنت اسئلة الشفوى (الاختيارى) واسئلة الرموز باقى علل واسئلة المعادلات والاسئلة الفنية بالنسبة لعلل كله معتمد على الفهم فده هيطلب منك انك تبدا تحفظ الكيمياء بس بفهم اكتر ووعى وادراك اما بالنسبة للمعادلات فكل لما تقابلك معادلة مهما كانت تافهة اكتبها فى ورقة واقعد كل يوم بص عليها يعنى مثلا اقراها مره فى اليوم واحفظ 5 فى اليوم الواحد -طبعا بعد ماتبدل اسماء المواد باسماء قريبة منك تفتكرها بيها - كل ده هيحصل فى الشهر ده تعالى بقى فى شهر خمسة اقرى الاسماء العلمية واحفظها صم وابدا اربطها بالاسماء اللى انت حطيتها لنفسك اما بقى بالنسبة للاسئلة الفنية فديه لو كانت سهلة هتبقى سهلة عليك بعد ماتعمل الطريقة ديه ولو كانت صعبة ماعندكش اى طريقة غير طريقة الاستدلال انك تربط المعطى بالمطلوب وبكده اقولك ان شاء الله هتجيب ال50 فيها |
اقتباس:
ممكن بقي تسمع النصائح دي وان كمان ان شاء الله هعمل بيها.وامسخ كلمة الفشل من ذهنك خالص واهدي وركز وقول يارب تعيني ,وان شاء الله هتعدي علي خير |
ألف شكر عدودوتكوم وألف شكر يا داندن وأرجو أن أحد الأساتذه الفاضله يجاوبنى
|
مفيش حد من الأساتذه عاوز يرد عليا ليه أنا مش طالب أكتر من رد و مساعده
|
| جميع الأوقات بتوقيت GMT +2. الساعة الآن 10:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.