|
بسم الله الرحمن الرحيم ....
عندى شوية اسئلة (غبية) بس المشكلة ان تاسيسي فى الكيمياء زفت المهم دى ع فكرة فى اول نموذج فى كتاب الامتحان .. السؤال الاول : علل : تستخدم سبائك البزموت مع الرصاص والقصدير فى صناعة الفيوزات ؟؟؟؟؟ السؤال ده انا مش عارفه اصلا ييجى من اى جزئيه بحثت فى السبائك فلم اجد ما له علاقه بالسؤال وفى الباب الرابع لم يتم ذكر اى خصائص للبزموت سوى انه فلز توصيله الكهربي ضعيف ؟؟؟؟؟ السؤال الثانى : فى الخلية الجلفانية قابلنى كتير اوى سؤال بيقول اذكر اتجاه سريان التيار .. وبردو مش عارفه ده يتجاوب ازاى ؟؟ السؤال الثالث : اكتب المعادله الكيميائية المعبرة عن : هلجنة الطولوين فى وجود الحديد ؟؟ السؤال الرابع : لماذا تعتبر الروابط الموجوده بين جزيئات فلوريد الهيدروجين اقوى من تلك التى بين جزيئات الماء وبعضها ؟؟؟ يعنى المفروض اقول ان الرابطه التساهمية اقصر واقوى ولا ايه :( السؤال الخامس : يتحلل الماء كهربيا تبعا للمعادلة : 2H2O ____________________2H2 +O2 احسب كمية الكهرباء بالفاراداى اللازمة للحصول على 2 لتر من غاز الاكسجين فى معدل الضغط والحرارة ؟؟ انا اعرف ان كمية الكهرباء بتساوى حاجتين : اما شدة التيار( بالامبير) فى الزمن (بالثانية) او الفاراداى فى التكافؤ ايه اللى جاب اللتر هنا بقي ؟؟؟؟ :( وضح بالحسابات ايهما اكبر كثافة ، غاز الهيدروجين ام غاز الاكسجين ؟؟؟؟ ( O=16 ........ H=1 ) ؟؟؟؟؟؟؟؟؟؟؟؟؟؟؟؟؟؟؟ الكثافه دى فين فى المنهج :( (( حاسه انى ضايعه فى الكيمياء :( :( )) حد يقولى اعمل ايه ؟؟ :( :( :( |
<div align="center">لا حول ولا قوة الا بالله ..
من شهر بس كنت ممكن اجاوبك .. لكن للأسف انا شايل كيميا :) .. مع ر.ن فدماغى اتشقلبت 35 درجة .. ========== ربنا يوفقك وتلاقى حد يرد عليكى .. ان شاء الله .. </div><div align="left"> </div> |
<div align="center">تقوليلى تكره ايه يا اسلام فى حياتك اكتر من أبو جمال والكوسة
أقولك الفيزياء ..... والكيمياء ........ والاحياء وكمان انا كنت ادبى ولو حتى علمى هو انا هفتكر الحاجات دى :( معلش يارحمة ربنا معاكى وتلقى ابن الحلال اللى عنده الحل :D </div> |
السؤال الاول:لان سبائك البزموت مع الرصاص والقصدير تتميز بانخفاض درجة انصهارها
السؤال التانى:من الانود الى الكاثود السؤال التالت:لو عندك كتاب المدرسة هتلاقى الاجابة فى صفحة 251 وعوما لو ماقيتهاش كلمينى على anos_45@hotmail.com الرابع:/لان الفرق فى السالبية بين ذرتى الفلور اكبر فتكون الرابطة اقو (على ما اظن) الخامس القانون فى كتاب المدرسة ص207 السادس :الكثافة فى الباب السادس وقانونها اكتلة المول على 22.4 كثافةالاكسجين اكبر طبعا ومتياسيش الكيميا سهلة وتتلم فى الشهرين دول بسرعة وركزى عليها شوية تمنياتى بالتوفيق :) |
<div class='quotetop'>إقتباس</div>
اقتباس:
دورى فى كتاب المدرسة كويس الحاجات دى مش غريبة على فكرة -شكرا يا خالد العفو طبعا اى خدمة |
<div class='quotetop'>إقتباس(السنونو الطائر @ Apr 3 2007, 11:19 PM) [snapback]291039[/snapback]</div>
اقتباس:
|
فرق السبالبية دى يا باشا مكنتش فاكرها خالص
بس عادى ماهو فى الايونيه اكبر من 1.7 عادى يعنى :D |
لا يابو خالد
دي بقه انا متأكد منها بس م انت مقرب من المعنى <_< و هتلاقيها ف كتاب المدرسة لو لسة عندك ف الصفحة اللى كان كلها شرط اللى بيوريك فيها اشكال الرابطة التساهمية ( حلقي - مستمر - ........ ) كان بيقولك كلما يزيد فرق السالبية كلما يزيد انجذاب الأيون السالب (الفلور) الى ذرة الهيدروجين في جزئ اخر فتزداد قوة الرابطة الهيدروجينية و لذلك لما فرق السالبية يقل زي كبريتيد الهيدروجين مبتتكونش روابط هيدروجينية و دي كانت اجابة السؤال اللى بيقول ليه درجة غليان الماء 100 اعلى من كبريتيد الهيدروجين -67 بالرغم من ان الكبريت يلي الاكسجين في مجموعته؟؟ ياريت تكون افتكرت بقه :) |
شكرا يا احمد ويا اسلام ع نيتكوا الطيبة وادعولى :( anosssssssss جزاك الله كل خير فعلا استفدت من ردك والله The_Relativistic200 شكرا ع الشرح المفصل ده يا خالد بس الصراحه اكتر حاجه استفدت منها نصيحتك الجميلة <div class='quotetop'>إقتباس</div> اقتباس:
:: The Lord Of The Rings :: اولا شكرا ليك ع التوضيح وبخصوص المذاكرة تقريبا انا معنديش مصدر غير كتاب المدرسة يعنى بذاكر منه اضطرارى بس المشكلة انى كنت فاكرة انى مقفلاها واديكوا شايفين الاسئلة اللى انا بقع فيها (( اسئلة مباشرة مفيهاش اى حاجه :( )) ................... |
لا بس يا رحمة اتبعى الطريقة اللى قولتهالك دي و ان شاء الله مفيش حاجة هتقع منك خالص
و ربنا يوفقك |
علل : تستخدم سبائك البزموت مع الرصاص والقصدير فى صناعة الفيوزات ؟؟؟؟؟
هذه السيكه مكونه من الرصاص والقصدير والبزموت والكادميوم وهى فعلا" تتميز بإنخفاض درجة إنصهارها وهذا هو السبب كما ذكر الأخوه الأفاضل فى الخلية الجلفانية قابلنى كتير اوى سؤال بيقول اذكر اتجاه سريان التيار .. وبردو مش عارفه ده يتجاوب ازاى ؟؟ إتجاه التيار الكهربى عكس إتجاه الألكترونات المتسبب مرورها فى هذا التيار وللعلم هذا ما يطلق عليه الإتجاه الإصطلاحى يكون من القطب الموجب للسالب عكس إتجاه الألكترونات من السالب للموجب اكتب المعادله الكيميائية المعبرة عن : هلجنة الطولوين فى وجود الحديد ؟؟ ينتج أرثو وبارا كلورو طولوين إذا كان الهالوجين كلور أو حسب الهالوجين حيث يكون دائما" فى الوضعى أرثو وبارا للطولوين والحديد يكون على السهم ويجوز أن يكون كلوريد الحديد III على السهم لماذا تعتبر الروابط الموجوده بين جزيئات فلوريد الهيدروجين اقوى من تلك التى بين جزيئات الماء وبعضها ؟؟؟ لأن السالبيه الكهربيه للفلور أكبر من السالبيه الكهربيه للأكسجين وبالتالى فأن فرق السالبية الكهربية بين ذرة فلور فى جزئ فلوريد الهيدروجين وذرة هيدروجين فى جزئ فلوريد هيدروجين أخر أكبر من فرق السالبية الكهربيه بين ذرة أكسجين فى جزئ ماء وذرة هيدروجين فى جزئ ماء أخر .لذلك فالرابطة الهيدروجينيه بين جزيئات فلوريد الهيدروجين أقوى منها بين جزيئات الماء وبعضها يتحلل الماء كهربيا تبعا للمعادلة : 2H2O ____________________2H2 +O2 احسب كمية الكهرباء بالفاراداى اللازمة للحصول على 2 لتر من غاز الاكسجين فى معدل الضغط والحرارة ؟؟ المول الواحد بيشغل 22.4 لتر إذا" س مول بيشغل 2 لتر س = 2/22.4 =0.089 مول كمية الكهرباء اللازمة للحصول على مول واحد من جزيئات الهيدروجين = التكافؤ × واحد فاراداى × عدد الذرات -----------------------------------------------------------------------= 1×1×2 = 2 فاراداى إذا" كمية الكهرباء اللازمة للحصول على 0.089 مول من جزيئات الهيدروجـــــــــين= س فاراداى س = 0.089 ×2 = 0.178فاراداى وضح بالحسابات ايهما اكبر كثافة ، غاز الهيدروجين ام غاز الاكسجين ؟؟؟؟ ( O=16 ........ H=1 ) كثافة غاز الهيدروجين = الكتلة الذرية /الحجم الذى يشغله = 2/22.4 = 0.089 جم/لتر كثافة غاز الأكسجين = الكتلة الذرية /الحجم الذى يشغله = 32/22.4 = 1.42 جم/لتر الأكسجين طبعا" أكبر (قد كثافة الهيدروجين 16 مرة اللى هى النسبة بين كتلهما الذرية لأن أى منهما يشغل 22.4 لتر فى م.ض.د ولذلك طبعا" لازم يكون فى م.ض.د |
يا ريت بعد كده تضعى سؤالك فى أسئل فى الكيمياء
عشان دا موضوع مثبت يستفيد الطلبه اللى بعدك منه |
<div class='quotetop'>إقتباس(gomaa @ Apr 4 2007, 02:02 PM) [snapback]291333[/snapback]</div>
اقتباس:
<div align="center">[color="#3333ff"]سلام</span></div> |
احسب كمية الكهرباء بالفاراداى اللازمة للحصول على 2 لتر من غاز الاكسجين فى معدل الضغط والحرارة ؟؟
المول الواحد بيشغل 22.4 لتر إذا" س مول بيشغل 2 لتر س = 2/22.4 =0.089 مول كمية الكهرباء اللازمة للحصول على مول واحد من جزيئات الهيدروجين = التكافؤ × واحد فاراداى × عدد الذرات -----------------------------------------------------------------------= 1×1×2 = 2 فاراداى إذا" كمية الكهرباء اللازمة للحصول على 0.089 مول من جزيئات الهيدروجـــــــــين= س فاراداى س = 0.089 ×2 = 0.178فاراداى السلام عليكم لو سمحت يااستاذ جمعه احسب كمية الكهرباء بالفاراداى من غاز الاكسجين وليس من غاز الهيدروجـــــــــين |
فعلا"
المول الواحد بيشغل 22.4 لتر إذا" س مول بيشغل 2 لتر س = 2/22.4 =0.089 مول كمية الكهرباء اللازمة للحصول على مول واحد من جزيئات الأكسجين= التكافؤ × واحد فاراداى × عدد الذرات -----------------------------------------------------------------------= 2×1×2 = 4 فاراداى إذا" كمية الكهرباء اللازمة للحصول على 0.089 مول من جزيئات الأكســـــــــــــــجين= س فاراداى س = 0.089 ×4 = 0.3596فاراداى |
| جميع الأوقات بتوقيت GMT +2. الساعة الآن 05:32 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.