|
نفسى فى صنف حشيش
ا
نفسى فى صنف حشيش ينمل الدماغ وينضف النغاشيش عشان انسى طابور العيش واخش فى الغيبوبه وانسى مشكلة الانبوبه وانسى بلدنا المنهوبه وانسى اللى بيجهزوه علشان يبقى رئيس للمخروبه وابقى مسطول وانسى اى مسئول من اللى سابوا الناس فى السيول وانسى ان نظيف اتجوز وبقى بيعول وانسى مجلس الشعب وفتحى سرور وانسى البرادعى وايمن نور وانسى شوبير ومرتضى منصور وانسى تعديل الدستور وانسى اللى ساكنين فى القبور وانسى انفلونزا الطيور وانسى مشاريعنا الفاشله فى توشكى وابو طرطور واخش فى الاستهبال وانسى علاء وجمال وانسى التوريث و النيل اللى نازلين فيه تلويث وانسى ان منتخبنا كويس زى ماقال الريس وانسى تصدير الغاز واحناعندنا ازمة بوتاجاز وانسى قطر العياط وانسى قطر الصعيد وانسى احمد عز واحتكار الحديد وانسى زحمة المواصلات وانسى الانتخابات وانسى فتاوى الفضائيات وانسى العشوائيات وانسى فشل التعليم وانسى هشام طلعت وسوزان تميم وانسى الاهرام وانسى الاخبار وانسى ثروة الريس ال40 مليار اللى مش بالجنيه المعفن لا بالدولار وانسى انه خلى بلدنا افقر من زنزبار وانسى المعارضه وانسى الاحزاب وانسى تامر حسنى وعمر دياب وانسى مشكلة النقاب وانسى انفلونزا الخنازير وانسى اوربا وامريكا وانسى الصين المتقدمين عننا بسنين وانسى البيت بيتك و تامر امين وانسى ان كيلو اللحمه بقى بتمانين وانسى اننا فى الزباله غرقانين وانسى الماده سته وسبعين والماده سبعه وسبعين وانسى فريق الساجدين وانسى الزمالك والاهلى وانسى اليسا وهيفاء وهبى وانسى الفول والطعميه وازهى عصور الديموقراطيه وجامعة الدول العربيه والجماهيريه الليبيه والكفيل فى السعوديه وانسى بطرس غالى و الضريبه العقاريه وانسى الطلعه الاولى الجويه والمصالحه الفلسطينيه وانسى فتح وانسى دحلان وانسى صائب ومحمود عباس وانسى العراق وافغانستان وانسى ايران و انسى باكستان وانسى ماما سوزان وانسى محمد ابراهيم سليمان وانسى ان حد من 0900 يطلع كسبان وانسى انى مديون وانسى كل ممثله حيزبون بتاخد فى المسلسل كام مليون وانسى ايامنا السوده من غير تغيير وعلشان اعرف ان الصنف كويس لازم ارشح نفسى وابقى الريس |
يارب يعجبكوا
|
اقتباس:
مرحبا بحضرتك يا استاذ عمر عضو جديد فى منتدانا بس والله البداية قوية جدا ، بس مع الكلام ده مش عاوزين حشيش احنا عاوزين بنج كلى ههههههههههه بصراحة هم يبكى وهم يضحك ، تجربة ممتازة استاذنا الفاضل ز تقبل مروورى |
موشح شعبي تمام
|
اشكركم والله على ردودكم الجميله دى
|
بجد لطيفه عجبتني كتير
تقبل تحياتي |
جميييييييييييييييلة
مشكووووووووووووووووووووووور |
الأخ الكريم عندى اعتراض بلاش كلام الحشيش وبلاش النقد بالأسماء ممكن تسمو بالتجربة لتعمم تجربتك محاربة للفساد لا تُسمى يا أخى فشطارة الشاعر أو الكاتب ترك المتلقى يغوص معه فى تجربته وأتحفظ على رد أختى المشرفه /المتبتلة |
باالنسبه لنقض حضرتك انا سعيد بيه
سواء كنت اتفق مع حضرتك او اختلف ولكم ارائكم ولى اراء |
اقتباس:
|
| جميع الأوقات بتوقيت GMT +2. الساعة الآن 02:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.